Фондација за Менаџмент и индустриско истражување (www.mir.org.mk) има потреба од вработување на Специјалист/ка за комуникации и маркетинг кој/а ќе се приклучи на тимот и ќе работи на подобрување на видливоста на работата на Фондацијата.

Описот на работните задачи и потребните квалификации и вештини за оваа позиција може да ги најдете во прилог на огласот:

Опис на работни задачи/Одговорности на Специјалистот/ката за комуникации и маркетинг:

• Подготовка на план и календар за комуникација со јавноста и спроведување на истите согласно динамиката и потребите на работа на Фондацијата;
• Идентификување на пазарни можности, развивање, менаџирање и реализација на кампањи низ дигиталните канали – социјални медиуми, банери, билтени, ПР објави, форуми, веб страни и слично;
• Креирање и одржување на база на податоци составена од контат информации од  партнери, соработници и клиенти;
• Организација на тематски интервјуа и планирање на акции за видливост на Фондацијата;
• Креирање на содржина за веб страните на Фондацијата и социјалните мрежи;
• Подобрување на видливоста на работа на организацијата со соодветен брендинг за Фондацијата;
• Навремено синхронизирано објавување на настани, вести и информации на социјални медиуми;
• Доставување на покани до лица и медиуми за присуствување на настани и обуки организирани од Фондацијата;
• Учество во настани организирани како дел од Фондацијата и целосна асистенција во однос на промоција и логистика на истите;
• Асистенција во спроведување на конкретни активности дел од проектите на Фондацијата согласно дадените насоки од тимот.

Потребни квалификации и вештини:

• Најмалку 2 годишно релевантно работно искуство на слични задачи;
• Одлично познавање на македонски и англиски јазик;
• Познавање на работата на граѓанско општество;
• Познавање од Facebook, Instagram, LinkedIn, Google рекламирање и креирање на кампањи;
• Напредно познавање на MS Office: Word, Excel, PowerPoint, познавање на програми за дизајнирање, WordPress, како и познавање на сервисот MailChimp;
• Искуство во организација на настани и креирање на промотивни материјали;
• Познавање и искуство во социјални медиуми и останати алатки за информирање и промоција;
• Искуство во креирање на соопштенија за јавност и интервјуа;
• Искуство во работа со различни засегнати страни во исто време, способност за истовремено управување со повеќе проекти во динамична работна средина;
• Одлични меѓучовечки и комуникациски вештини;
• Способност за тимска работа и работа во средина во која се почитуваат и промовираат различностите.

Работни бенефиции:

Позицијата предвидува полно и редовно работно време и овозможува можности за личен развој и надградба и динамична работна средина:

• Работни часови во неделата 20;
• Работно време од понеделник до петок, 4 часа со пауза;
• Сигурни и редовни месечни примања;
• Позитивна атмосфера со одличен тим;
• Работа со искусни професионалци на значајни проекти;
• Можност за личен и професионален развој, стекнување нови вештини и компетенции;
• Можности за патувања (во земјата и во странство) предвидени како дел од проектите кои се имплементираат од Фондацијата.

Начин на аплицирање:

Би бил/а одличен дел од тимот ако ги поседуваш потребите вештини, се препознаваш во овие вредности и имаш силна мотивација за успех.

Заинтересираните кандидати/тки треба да испратат биографија на македонски јазик и мотивациско писмо на следните адреси: [најави се за да го видиш е-маилот] и [најави се за да го видиш е-маилот] со назнака: ,,За оглас за специјалист/ка за комуникации и маркетинг’’

Само кандидатите/тките  кои ќе бидат селектирани за интервју ќе бидат контактирани.

Напомена: Апликацијата ќе биде третирана како строго доверлива, согласно Законот за заштита на личните податоци. Со самото доставување на вашата апликација за работа согласен/а сте вашите податоци да се обработуваат во процесот на селекција на кадри во период од 1 година.