Регулаторната комисија за енергетика и водни услуги донесе Одлука со која се врши намалување на малопродажните цени на нафтените деривати во просек за 0,40 отсто во однос на претходната одлука.

Со оваа одлука, малопродажните цени на бензинот Еуросупер БС-95 и на Еуродизел (Д-Е V) се намалуваат за 0,50 денари за литар, додека малопродажните цени на бензинот Еуросупер БС-98 и на Екстра лесното масло за домаќинство (ЕЛ-1) се намалуваат за 1 денар за литар. Малопродажната цена на Мазутот се зголемува за 0,422 денари за килограм.

- Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,860 проценти, кај дизелот за 1,390 отсто, кај екстра лесното масло за 1,407 проценти и кај мазутот има зголемување е за 0,959 отсто - наведуваат од РКЕ во соопштението.

Од вечерва на полноќ максималните цени на нафтените деривати ќе изнесуваат:

• Еуросупер БС - 95   108,50 (денари/литар)
• Еуросупер БС - 98    110,50 (денари/литар)
• Еуродизел БС (Д-Е V)   103,50 (денари/литар)
• Масло за горење Екстра лесно 1 (ЕЛ-1)   102,00 (денари/литар)
• Мазут М-1 НС    53,727 (денари/килограм)

EРИ Корпорација ДООЕЛ Битола е компанија со странски капитал и еден од најголемите светски производители и извозници на топлински разменувачи и вентилациски компоненти. 

Моментално е во потрага по

РАБОТНИК ВО ОДРЖУВАЊЕ

АДМИНИСТРАТОР ВО ПЛАНИРАЊЕ И ПРОЦЕСИРАЊЕ НА ПОРАЧКИ

ОПШТ РАБОТНИК

МАШИНСКИ ИНЖЕНЕР

АДМИНИСТРАТОР ВО НАБАВКИ

Сите останати отворени и активни работни позиции можете да ги најдете ТУКА.

Ценејќи ја посветеноста на своите вработени и следејќи го трендот на зголемување на цените и животните трошоци, „КАМ” веќе во април реализира зголемување на платите на вработените во маркетите за 15%, а во логистиката и транспортот за 13%.

Малопродажниот дисконтен синџир број 1 во земјава, „Кам маркет”, покрај планираното зголемување на платите, на задоволство на вработените, отпочна со исплатата на регресот за годишен одмор за секој вработен во висина од 33.000 денари.

Со ова, само во првиот семестар од годината нето платите на вработените во маркетите просечно се зголемја за 4.000 денари.
Независно од комплексните економски услови „КАМ маркет”, доследно ја спроведува сопствената политика на постојано зголемување на платите и надоместоците на вработените.

Денот на независноста, кој се слави на 4 јули во САД, го означува раѓањето на државата, односно денот кога САД ја обезбедија независноста од Британската империја.

На денешен ден, 4 јули 1776 година, на континентален конгрес во Филаделфија е усвоена Декларацијата за независност на Соединетите Американски Држави.

Творци на документот главно се Томас Џеферсон, Бенџамин Френклин, Џон Адамс, Роберт Ливингстон и Роџер Шерман. Оригиналниот документ кој бил проследен за печатење е загубен. Документот кој денес е изложен во Националните архиви на САД во Вашингтон е напишан на рака и потпишан од повеќето делегати помеѓу 19 јули и 2 август 1776.

Декларацијата за независност и денес се смета за светилник на американската нација за вредностите кон кои треба да тежнее.

Првата прослава на Денот на независноста се одржала на 4 јули 1777 година во државата Роуд Ајленд со испукување на 13 истрели во чест на 13 поранешни колонии. Оттогаш 4 јули станува голем национален празник, кој и ден-денес се одбележува со паради, забави, семејни веселби, пикници и огномет. Празникот е неработен ден за администрацијата, со тоа што до 1938 година не бил дел од платениот одмор.