До крајот на неделава се очекува да заврши ажурирањето на апликацијата „Мој ДДВ“ по што од Управата за јавни приходи велат дека ќе ги информираат граѓаните кога повторно ќе можат да го користат напредниот начин на скенирање.

Тимот на УЈП, целосно е ангажиран, со цел во најкраток рок да се заврши овој процес на прилагодување на апликацијата. Вчера и денеска, беа направени дополнителни прилагодувања,  очекуваме, веќе до крајот на неделата да се заврши процесот, по што ќе ги информираме корисниците од кога  повторно ќе можат да користат напреден начин на скенирање. Благодариме на разбирањето за процесот на прилагодување и додека времено се користи овој основен начин на скенирање, кој е базиран на можностите на телефонот и не е доволен за сите граѓани да можат брзо и ефикасно да ги скенираат бар кодовите од фискалните сметки, велат во УЈП. 

Затоа, додаваат од УЈП, се прави дополнителна надградба на софтверот за да се овозможи напреден начин на скенирање, со што ќе се изедначат можностите на сите граѓани, без разлика каков телефон поседуваат.

Поради прилагодувањето на апликацијата на новиот технолошки развој, на понапредниот начин на скенирање, во моментов е возможно да се користи единствено  бар код читачот кој го овозможува телефонот, појаснуваат од УЈП. 

Оттаму информираат дека во август на граѓаните ќе им бидат исплатени средства од МојДДВ.  

Согласно Законот за празници, следниот вторник, 2 Август ќе биде неработен ден за сите граѓани.

Илинден е ден на Републиката, но и ден на Св. Илија — голем македонски национален и православен празник, кој се одбележува на 2 август.

Илинден има посебно значење за историјата на македонскиот народ заради тоа што на 2 август започнало Илинденското востание во 1903 година, а во 1944 година е одржано Првото заседание на АСНОМ.

Сопственици на десетина возила кои се одмор во Калитеа, на првиот крак од грчкиот полуостров Халкидики, утрово си ги најдоа автомобилите со искршени стакла и дупнати гуми, јавува порталот Фактор.

Најголем број од оштетените возила се со битолски регистрации паркирани до плажата во близина на холелот „Зевс“. Инцидентот бил пријавен и се чека на реакција на грчката полиција.

Претседателот на Стопанската комора на Србија (ПКС) Марко Чадеж денеска изјави дека членовите на иницијативата „Отворен Балкан“ во Тирана се согласиле дека нема да има забрана за промет на основните прехранбени производи меѓу Србија, Албанија и Македонија, јави допсиникот на МИА од Белград.

Склучивме договор, кој сега се подготвува и ќе биде потпишан во Белград на следниот самит, веќе во септември, дека во рамките на „Отворен Балкан“ нема да има забрани за трговија со брашно, шеќер и основни прехранбени производи, дека ќе таргетираме капацитетите за складирање и производство во сите три земји, за да можеме да ја дефинираме подготвеноста да има слободен проток на стоки – рече Чадеж на РТС.

Тој додаде дека ваквиот договор ќе ги поттикне и стопанствениците да склучуваат долгорочни договори бидејќи го имаат зборот на државата дека нема да има прекини, а ја содржи и одредбата дека е забранет реекспорт, за да се спречат манипулации.

Чадеж додаде дека се укинуваат даноците и таксите за увоз и извоз со Албанија.