Промовирани огласи »

Вицепремиерот за економски прашања Фатмир Битиќи најави дека доколку е потребно, можно е да се активираат стоковите резерви на државата.

Тој е дециден дека леб во земјава ќе има, и тоа, како што рече, по реално пристојни цени. Оценка на вицепремиерот е дека цените растат поради „нашето неодговорното однесување“, а за одредени маркети смета дека се најголеми профитери.

Се испостави во одредени маркети дека токму таму се најголемите маржи. Цените растат и зашто поскапуваат суровините. Тука не можеме да интервенираме зашто сме увозно зависни, рече тој.

Битиќи рече и дека од септември се планираат мерки за помош на граѓаните, но не прецизираше какви, само потврди дека најверојатно нема да има ваучери како поранешните „купувај домашно“.

Не би кажал дека може да очекуваме ваучери, но ќе има мерки за ублажување на кризата. Не би можел да кажам и дека ќе бидат слични мерките за граѓаните зашто во овој момент се гледа што најбрзо ќе даде ефект. За жал, не сме во можност и ситуацијата не е таква како во првиот период на КОВИД кога можевме да овозможиме. Тогаш интервенциите беа да одговориме соодветно за да ја задржиме економијата да не паѓа уште повеќе, објасни Битиќи.

Промовирани огласи »

Од вечерва на полноќ дизелот поскапува за два денари, и ќе се продава 92 денари по литар.

Цената на ЕУРОСУПЕРОТ 95 и ЕУРОСУПЕРОТ 98 останува иста, односно 88,5 и 91 денар.

Непроменета останува и цената на мазутот 52,8 денари, а се зголемува цената на екстралесното масло од 86,5 на 88,5 денари по литар.

Промовирани огласи »

Продажбата на агрегати летово се зголеми за дури 200 отсто во Србија, изјавија за РТС во продавниците каде може да се купат овие уреди. Има граѓани кои чекаат во редици за овие генератори, а во некои продавници се прават и листи на чекање, бидејќи се случува сите  да се распродадат веднаш штом пристигнат во продавница.

Кога деновиве еден синџир супермаркети понуди агрегати со попуст, само најбрзите успеаја да добијат еден од најбараните уреди по добра цена. И покрај уверувањата на надлежните дека во претстојната зима не треба да има поголеми проблеми со снабдувањето со електрична енергија, агрегати бараат оние чија работа и греење зависи од струјата.

Побарувачката е двојно зголемена, рекле во компанија која се занимава со сервисирање и продажба. Во зависност од производителот и моќноста, агрегатите чинат од стотици до неколку десетици илјади евра.  Струјата е потребна за работа на котли на пелети и некои други извори на енергија, а за тие домаќинства се доволни два киловатни генератори.

Најбараната моќност е еден киловат или два за обични домаќинства за да се покрие светлото, телевизор, евентуално за загревање, за пумпата. Имате кинески агрегати, кои ги има во изобилство на пазарот, цените почнуваат од 150 евра па нагоре. треба да се обрне вистинско внимание на моќноста на единицата, бидејќи многу налепници се залепени и не е точно како што пишува вистинската моќност. Значи, тоа е единственото нешто на што треба да обрнете внимание, вели електроинженерот Милош Миленковиќ.

Трошоците зависат и од тоа дали генераторот се вклучува автоматски или сопственикот го прави тоа кога ќе снема струја, бидејќи понекогаш придружната опрема е поскапа од самиот уред.

Електричната енергија што ја произведуваат генераторите е скапа бидејќи трошат значителни количини гориво, чија цена исто така драстично се зголеми.

Потрошувачката на овие мали агрегати, да речеме бензински, во просек е околу еден литар на час, вели Миленковиќ.

Акумулаторите можат да послужат и како замена, пред се за помалите потрошувачи. Трошоците се помали бидејќи батеријата се полни со електрична енергија, но тие можат да обезбедат помалку енергија, за неколку часа.

Промовирани огласи »

Д-р Нико Беќаровски со интересен предлог како да се заштеди до 15% струја откако екпертите најавуваат тешка енергетска зима. 

-Да започнеше новата учебна година 1 недела порано и во јуни да се продолжи за една недела, зимскиот распуст ќе може да трае од 24 декември до 1 февруари. Со ова училиштата ќе можеа да се затворат и да заштедат многу, многу, многу повеќе струја, гас, мазут, дрва од сите препораки за заштеда на струја кои ги слушнавме, смета д-р Беќаровски. 

Повеќе вести...
барај огласи за вработување » барај останати огласи »