ЈСП продолжува со нормалното функционирање, откако градот Скопје изнајде решение за вештачки предизвиканата криза во претпријатието, информираа од Град Скопје. 

Повикуваме, менаџментот на претпријатието во ликот на Управниот одбор на истото веднаш да поднесе неотповиклива оставка од функцијата поради несоодветно менаџирање со претпријатието, поттикнување и предизвикување на хаос. Платите за ЈСП се обезбедени. Во меѓувреме остануваме на барањето, Владата и општините во најкус можен рок да ги исплатат насобраните милионски долгови, порачаа преку соопштение од Град Скопје. 

Продавниците ќе бидат затворени во 20:00 часот по локално време од 1 ноември

Германскиот ланец на супермаркети Алди Норд ќе го намали работното време на многу свои продавници од ноември во обид да ги намали трошоците за енергија, соопшти компанијата, цитирана од Ројтерс.

Продавниците ќе затворат во 20 часот по локално време од 1 ноември, информираат од „Алди Норд“, кој стопанисува со продавници во северниот дел на Германија.

Новите часови ќе стапат на сила во текот на зимската сезона 2022-2023 година, соопшти компанијата.

Корпорацијата, која развива бизнис во 9 европски земји и управува со повеќе од 2.200 продавници во Германија, не прецизираше колку од нејзините продажни места ќе бидат засегнати од промената на работното време. На нејзината корпоративна веб-страница се наведува дека нејзините супермаркети обично затвораат помеѓу 20:00 и 22:00 часот, пренесува Reuters.

„Aldi Nord“ и „Aldi Süd“ се два независни синџири на продавници кои беа одвоени во 1966 година врз основа на општиот бренд „Aldi“.

Едната продажна група управува со продавниците на брендот во северниот дел на Германија, а другата во јужниот дел на Сојузна Република. Границата меѓу териториите на двата трговски ланци е позната како „Алди екватор“, информира БТА.

Малопродажните синџири низ Европа се обидуваат да ги намалат трошоците за енергија поради зголемените цени поради воената агресија предводена од Москва во Украина, која речиси целосно го прекина снабдувањето на рускиот природен гас за повеќето земји на континентот, објави Ројтерс.

Фото: Youtube - screenshoot

Мобилните оператори од Европската унија (ЕУ) и Западен Балкан (СБ), како и претставници на Советот за регионална соработка (РЦ Ц) и Европската комисија (ЕК), денеска разговараа за патоказот за намалување на роаминг цените меѓу ЕУ и нашиот регион, а првите резултати се очекуваат кон средината на 2023 година.

Минатата година почнавме интензивно да работиме со Европската комисија и мобилните оператори за намалување на цените за роаминг помеѓу ЕУ и Западен Балкан во рамките на отворен, транспарентен, инклузивен процес на консултации кој ги вклучи сите актери и се надевам дека ќе Видете ги првите намалувања на цените на роаминг веќе во летото 2023 година - изјави денеска генералниот секретар Мајлинда Брегу, пренесува „РТВ“.

Според најавите преку серија амбициозни реформи во доменот на политиките во сите економии на Централната банка, заедно со намалувањето на цените за роаминг помеѓу ЕУ и регионот преку саморегулација и комерцијални договори на операторите, целта на процесот е директна корист за граѓаните и подобрување на деловното опкружување.

Точно е дека намалувањето на цените на роаминг меѓу Европската Унија и Западен Балкан е покомплексно од укинувањето на роамингот во регионот, но нашите влади го завршуваат својот дел од работата во овој процес и на тој начин испраќаат многу јасна порака за важноста што ја придаваат на подобрување на деловното опкружување - рече Брегу.

Таа исто така посочи дека се видливи конкретни резултати по укинувањето на роамингот во регионот од јули минатата година.

И покрај мерките за ограничување на патувањето, забележавме значително зголемување на сите показатели за користење на роаминг благодарение на режимот „роаминг како дома“, во однос на појдовни и дојдовни повици, СМС пораки и пренос на податоци - рече таа.

Споредувајќи ги двете половини од 2021 година, таа истакна дека бројот на корисници на роаминг во регионот е двојно зголемен, а сообраќајот на податоци се зголемил до 460 отсто.

Со 143 милиони минути појдовни повици минатата година, корисниците во роаминг од Западен Балкан го удвоија резултатот во споредба со 2019 година.

Крајната цел на процесот е да се намалат цените за роаминг на приближно исто ниво како и националните цени до 2027 година. Учесниците од преговарачките тимови од ЕУ и од Западен Балкан се сретнаа неколку пати минатата и оваа година, со што се обезбеди одржливост и конзистентност на процесот и заеднички се справуваа со потребите и предизвиците.

Пекарските производи со вртоглав раст. Доручекот станува луксуз во Македонија по постојаниот раст на цените на пекарските производи кои од ден во ден имаат поголема „тежина“. Иако инфлацијата ги погаѓа голем дел од производите, и се одрази драстично врз цените во малопродажба, се забележува дека голем дел од пекарските производи се продаваат по двојно, но и тројно зголемени цени. 

Балканскиот деликатес наречен бурек добива вртоглави цени кои се движат од 75 до 95 денари за четвртина од питата. Ако некој сака и јогурт со овој „деликатес“ ќе треба да одвои најмалку 100 денари само за доручек. Иако реално цените меѓу пекарите се разликуваат зависно од местоположбата, сепак, кај сите се забележува вртоглав раст. 

Најголем дел од „доручеците“ се дупло поскапи од порано, а меѓу најевтините понуди се малите пекарски лиснати стапчиња по цена од 20-тина денари, или пак гевреци и переци со цени од и над 25 денари. 

Баничките, бурекот, симит погачите одамна се вивнаа, уште со поскапувањето на маслата за јадење, но и овој период повторно цените растат, па граѓаните оправдано се прашуваат до каде ќе одат. Доколку некој сака да се „почасти“ со проја, пита или друг поексклузивен пекарски производи исто така ќе треба да одвои најмалку 70-тина денари.

Јогуртот како омилен додаток на доручекот има скоро дупли цени. Ако порано шише јогурт од килограм се купуваше по цени од 55 па нагоре, денес се набаввуа по цени од 75 денари па нагоре. Малите чашки од 250 милилитри во пекарите започнуваат по цена од 25 денари. 

Влезните трошоци значително се зголемени. Набавната цена на брашното е тројно зголемена, цените на мастите се стабилизираа, но на повисоко ниво од порано, а за цената на струјата не би ни зборувал. Сегашните цени во нашата пекара се одвај издржливи. И сега работиме на работ. Одвај успеваме да ги покриеме трошоците. Свесни сме за стандардот на граѓаните, но верувајте ако продолжи вака, тешко дека ќе опстанеме - вели сопственик на една локална пекара од скопско Ново Лисиче. 

Нашиот соговорник додава дека долго се труделе лебот да го одржат на најдолната граница, поради што станало нерентабилно неговото производство, поради што ги зголемиле цените на овој производ двојно во споредба со цените пред кризата, а стравуваат дека ќе треба да поскапат уште повеќе. 

Граѓаните велат дека поскапувањето им создава големи главоболки, а особено се загрижени семејства со мали деца за кои треба да се обезбедат финансии и за оброк во училиште. Освен пекраските продукти, меѓу учениците често се конзумираат и сендвичите кои се уште поскапи. Па така тостовите чинат од 60 денари па нагоре, хамбургерите во сендвичари во околината на училишата почнуваат од 120 денари, а ако некој сака и „истакнат“ производител ќе треба да одвои минимум 200 денари. 

Со двајца тинејџери е навистина тешко да се покријат месечните трошоци. Иако се обидуваме да изнајдеме најдобро решение за сите нас, сепак, е многу тешко да се истурка месецот. Двајцата сме вработени со сопругот, но платите не стигнуваат за сметките и за храна само. Секако тука влегува и џепарлакот за децата, за храна во училиште, но и викендите. Често пати не остануваат пари за дополнителите трошцои, или оние кои се периодични, како разни детергенти... Се стана екстра скапо, а цените од ден во ден растат - вели четириесет годишната Даниела М.

Синдикалните претставници постојано укажуваат дека граѓаните се доведени на работ на егзистенцијата поради поскапувањата, а за септември тие пресметаа дека минималната кошница достигнува 50.244 денари. 

Инфлацијата излезе надвор од контрола и истата според последните пресметки достигна високи 18,7 отсто, а Владата не презема ништо во изминатиот период да се спречи ваквиот галопирачки раст, а трендот на осиромашување на работниците и граѓаните никој не го спречува туку напротив газдите се закануваат со откази. Поради се поевидентното зголемувањето на цените, имаме тренд на осиромашување на работниците и граѓаните и итно е потребно зголемување на платите со кој ние работниците без да се грижиме за нашата егзистенција ќе можеме да си ги овозможиме најмалку трошоците во висина на една синдикална потрошувачка кошница - укажуваат од Сојузот на Синдикати на Македонија. 

Тие пресметале дека на четири члено смејство му се потребни над 50 илјади денари за основните месечни потреби, и укажуваат дека на работниците им се потребни поголеми пристојни плати и пристојни услови за работа.

Не може да се справувате со зголемените трошоци за живот без зголемување на платите на работниците, поради тоа ССМ инсистира платите во државата да го следат порастот на инфлацијата од 18,7 проценти, но и порастот на синдикалната кошница која ја изработува ССМ. ССМ бара доследна примена на одредбите од колективните договори за усогласување на платите согласно порастот на инфлацијата, продолжување на важењето на досегашни анти-кризни мерки со замрзнување на маржата кај досега определените продукти како и проширување на повеќе прехрамбени продукти, но и бесплатен градски превоз до и од работа - потенцираат од Синдикатот.

Од синдикалното здружение бараат да се воведе повторно мерката за платежна картичка за купување домашни производи и плаќање на сметките за електричната енергија за одредена категорија на работници и граѓани кои се најзагрозени и најпогодени од економската криза односно да се поделат вредносни картички за купување храна и плаќање на сметките за електрична енергија на одредена категорија на семејства, особено на оние чиј вкупен приход е во износ под просечна плата (31.812,00 денари) во едно четиричлено семејство во висина до разликата од синдикалната минимална кошница (50.224,00 денари).      П.О.

Фото: Принтскрин/Фејсбук