Марко Бислимовски, претседателот на Регулаторната комсија за енергетика, на денешната прес-конференција како одговор на новинарско прашање рече дека структурата на четирите тарифни блока за потрошувачка на електричната енергија нема да се менува од 1 јануари затоа што истата дала резултати.

Првиот човек на регулаторното тело наведе дека од 1 јули, откако е воведен новиот тарифен модел, потрошувачката на електрична енергија кај домаќинствата е намалена за 16 отсто.

Резултатите кои што ги имаме од јули до октомври се добри, имаат преку 16 проценти намалување на потрошувачката . Сепак тоа се месеци на кои немаше потреба од вклучување на климатизери, бидејќи беше поладно. Не се најреферентни месеци. Ќе видиме како вистинската цена на блоковите ќе влијае на потрошувачката, некаде од ноември па до февруари, рече Бислимовски.

Доларот зајакна во однос на кошничката валути, а ослабе во однос на еврото.

Американската валута ослабе за 0,1 отсто во однос на европската валута, а вредноста на еврото достигна 1,0545 долари. Курсот на доларот во однос на јапонската валута се зголеми за 1,7 отсто, на 136,55 јени. Јенот значително ослабна затоа што јапонската централна банка е меѓу ретките во светот што одржува приспособлива монетарна политика за поддршка на економскиот раст. 

Неколку дена веќе вредноста на доларот се намалува во однос на еврото.

foto freepik.com

Македонските министри имаат слични плати како српските колеги, но заработуваат помалку од министрите во другите држави. Во соседството повисоки плати имаат и премиерите и министрите на Грција, Албанија и Бугарија, а платите во Владата на Србија се приближно колку и македонските.

Македонскиот премиер Димитар Ковачевски има плата од 88.260 денари или безмалку 1.500 евра, додека платите на вицепремиерите и министрите се околу 70 тина илјади денари или речиси 1.200 евра.

Тоа е речиси двојно помалку од она што како плата го добиваат нивните косовски колеги. Во Косово, платата на премиерот изнесува 2.950 евра, на вицепремиерите е околу 2.500 евра, додека министрите имаат плати од по 2.000 евра.

Ако овие плати на македонските министри се споредат со владите од земјите во ЕУ, разликата е уште подрастична, анализира 24 инфо.

Платата на канцеларот во Австрија изнесува 22.640 евра, а на министрите е нешто над 18.000 евра, односно дури над десет пати поголеми од примањата на македонските министри.

Цените на половните автомобили се на пикот и наскоро веројатно ќе почнат да паѓаат, процени во четвртокот финансиското одделение на „Volkswagen“.

„Сега сме во пикот“, рекол шефот на продажба во концернот Ентони Бандман.

Тесните грла во снабдувањето и редукцијата на производството во фабриките за автомобили оваа година на германскиот пазар, цената на половните автомобили ја истуркале на 20-25 проценти над долгогодишниот просек, пренесува „dpa“.

Директорот за финансиски услуги на „Volkswagen“ Кристијан Далхајм се согласил со проценката дека трендот наскоро ќе тргне во спротивна насока, како и директорот за финансии Френк Фидлер, кој очекуваниот пресврт го припишува на воздржаноста на купувачите.

Цените веќе полека паѓаат, бидејќи луѓето очекуваат рецесија и се сè повнимателни со парите, рекол Фидлер.

На цените оваа година влијаеја повеќе фактори. Освен недостигот на нови возила, тука се и последиците од вој ната во Укр аина, односно крајот на периодот на евтини кредити.

Извор: tocka.com.mk