Норвешка го потврди првото место во светот по продажба на електрични автомобили во 2022 година, а Владата најави и дека ќе ги оданочува возилата, насочувајќи го вниманието на електрификација на тешките камиони.

Електромобилите учествувале со 79,3 отсто од продажбата на нови возила лани, што е најмногу откако овој вид возила е пуштен во продажба, објави Норвешката федерација за патен транспорт (ОФВ). Во 2021 година нивниот удел во Норвешка бил 65 отсто, а пред 10 години само 2,9 отсто.

Норвежаните најмногу ги купувале „Тесла модел Ипсилон“, „Фолксваген ИД.4“ и „Шкода енијак“.

Кина е убедливо најголемиот пазар на електромобили, но Норвешка води во светот земајќи го предвид уделот на пазарот, поддржан и од владини субвенции. За да ги поттикне граѓаните да купуваат вакви возила, на пр., Владата ги укина откупните даноци. Во меѓувреме, товарот на буџетот стана поголем и ги натера властите да ја преиспитаат даночната политика.

Електромобилот е новата нормала за Норвежаните, а тоа значи дека треба да ја преиспитаме употребата на парите со коишто располага општеството. Ние сме апсолутно сигурни дека ништо не може да ја загрози иднината на електричните автомобили (во Норвешка). Владата сега мора да се сосредоточи на други транспортни сегменти, како што се тешките камиони, изјави државниот секретар во Министерството за транспорт Јохан Васара. 

Цената на горивата од ноќеска на полноќ се зголемува за 1,5 до два денари за литар, одлучи денеска Регулаторната комисија за енергетика и водни услуги (РКЕ). Со одлуката
се врши зголемување на малопродажните цени на нафтените деривати во просек за 1,68  отсто.

Малопродажните цени на бензинот ЕУРОСУПЕР БС-98, на ЕУРОДИЗЕЛ БС (Д-Е V) и на Екстра лесното масло за домаќинство (ЕЛ-1) се зголемуваат за 1,5, додека малопродажната цена на ЕУРОСУПЕР БС-95 се зголемува за два денари за литар. Па така ЕУРОСУПЕР БС – 95 ќе се продава за 79 денари за литар, ЕУРОСУПЕР БС – 98 ќе чини 81, ЕУРОДИЗЕЛ БС (Д-Е V), пак, 81,5, а Екстра лесното масло за домаќинство (ЕЛ-1) 80 денари за литар. Со одлуката на РКЕ за 0,062 денари за килограм се зголемува и малопродажната цена на Мазутот М-1 НС и ќе изнесува 40,655 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 5,153 отсто, кај дизелот за 2,83, кај екстра лесното масло за 3,424 и кај мазутот за 0,596 отсто. Курсот на денарот во однос на доларот по кој беа формирани цените со претходната пресметка е понизок за 0,334 отсто. 

Сопственикот на компанијата Тесла, Илон Маск, загуби околу 200 милијарди долари оваа година и е првиот човек во светот кој изгубил толкава сума на пари, објави Блумберг.

Маск имаше нето богатство од 340 милијарди долари, откако пазарната капитализација на Тесла достигна 1 трилион долари на крајот на минатата година. Сепак, неговото богатство сега вреди 137 милијарди долари.

Аналитичарите велат дека загубите може да се припишат на лошите резултати на акциите на Tesla, кои паднаа за 65 отсто оваа година, а падот беше поинтензивен во неделите откако Маск го купи Twitter.

За да помогне да ги покрие трошоците за купување на Твитер, Маск ги продаде акциите на Тесла, што доведе до обвинувања од инвеститорите дека го фаворизира Твитер пред Тесла, објави БХРТ.

Милијардерот, сепак, ја отфрли загриженоста за производителот на автомобили, тврдејќи на Твитер претходно овој месец дека „се работи подобро од кога било“.

Сепак, постапките на Тесла веќе го чинеа Маск неговата позиција на најбогат човек на светот.

Титулата му беше предадена на францускиот тајкун Бернар Арно, сопственик на конгломерат за луксузни стоки.

  

Веројатно никој не е изненаден од фактот што работниците во ИТ секторот ќе бидат многу барани и во 2023 година. Сепак, се проценува дека работодавците ќе бараат и продавачи, инженери и занаетчии. Работа ќе има за граѓани од сите степени на образование, а платите ќе варираат - од минимални до неколку илјади евра.

Оваа анализа ја правел порталот Нова.рс за територијата на Србија, но состојбите се многу идентични и буквално можат да се пресликаат и во нашата држава.

Дека работните места во ИТ секторот ќе бидат барани и во 2023 година, потврди за Нова Милош Турински од Infostud jobs.

Според него, причината за тоа лежи во тоа што, иако се чини дека секој втор човек се занимава со некоја работа во ИТ индустријата, сепак постои висок дефицит.

Овој сектор брзо се развива, а образованието не може да го следи, па иако квотите за упис се зголемуваат, сепак тоа не е доволно, така што работните места за програмерските работи ќе бидат барани во 2023 година, вели Турински.

Како што објаснува соговорникот на „Нова.рс“, ќе има посебна потреба од медиори, односно лица со најмалку тригодишно искуство и сениори, кои имаат најмалку пет години работа во струката.

Патем, ова е секторот во кој може да се заработи најмногу, така што просечната плата е 1.600 евра, но можете да заработите и повеќе од 8.000 евра. Исто така, голем број ИТ професионалци немаат формално образование во оваа област, со оглед на зголемениот број на курсеви.

Контрола на летање

На второ место е занимање за кое е задолжително формалното образование, но платите се повеќе од примамливи, а тоа е контролата на летање.

До крајот на 2022 година ова беше најдобро платено занимање, но верувам дека во текот на 2023 година ќе има пресврт, па контролата на летот ќе биде на второ место, по ИТ, вели Турински.

Навистина, платите на контролорите на летање се многу високи, особено кога се споредуваат со српскиот просек. Граѓаните кои се занимаваат со овој бизнис заработуваат од 200.000 до 500.000 динари месечно.

Занаети

И пред пандемијата имаше изразен дефицит на занаетчии и тоа дури сега доаѓа до израз. А тоа што увезуваме работна сила докажува дека има потреба од повеќе луѓе во занаетите. Пазарот на трудот и образованието овде не се во хармонија, но можеби уште поголем проблем е што младите не се доволно заинтересирани, вели Турински.

Така се бараат автомеханичари, столари, пекари, водоинсталатери, молери и градежни работници.

Што се однесува до платите, автомеханичар може да заработи и до 150.000 динари месечно, исто како столар. Нереални делуваат и понудите кои повремено се среќаваат во огласите. Така, некои работодавци нудат водоинсталатери по 240.000 динари, а молерите 150.000 динари месечно.

Продажба

Како што посочува Турински, трговскиот сектор е баран во изминатите 20 години и нема причина да не се повтори годинава.

Платите во овој сектор варираат. Така, вработените во малите продавници често работат за минимална плата, но во големите фирми месечната плата може да биде и до 100.000 динари, што е далеку над српскиот просек кој е околу 75.000.

Електротехника и машинство

Турински додава дека во годината што претстои ќе бидат барани работници и во електротехничкиот и машинскиот сектор.

Така, инженерите кои се школувале на Електротехничкиот или Машинскиот факултет во просек можат да заработат и до 135.000 динари.

Според официјалните податоци на Агенцијата за вработување, може да се види дека бирото има најмалку доктори на науки од областите филозофија, менаџмент и хемиски технологии.

Во бирото во моментов чекаат вкупно шест манипулатори од текстилната индустрија. Тие се всушност вработени од ниско ниво, најчесто фабрички работници.

Исто така, работа чекаат само неколку граѓани кои знаат да градат машини.

Што се однесува до платите, некои работници во фабриките работат за минимална плата, а некои за повеќе од 80.000 динари, во зависност од самата фабрика.

Друго занимање каде што само неколку луѓе чекаат работа се поштенските службеници. Во зависност од тоа што стои во описот на работното место, како и од годините искуство, платите се движат од минимални до околу 70.000 динари.

Нова.рс