Вредноста на Епл падна под 2 трилиони долари во вторникот за прв пат од почетокот на 2021 година и една година откако компанијата стана првата јавна технолошка компанија со вредност од 3 трилиони долари, објави Си-Ен-Ен.

Акциите на Apple (AAPL) завршија во вторникот со пад од речиси 4 отсто откако извештајот покрена загриженост за побарувачката на потрошувачите за неговите производи. Никеи објави дека Apple (AAPL) неодамна известил неколку добавувачи да направат помалку делови за некои од неговите најпопуларни уреди за првиот квартал, вклучувајќи ги AirPods, Apple (AAPL) Watch и MacBooks.

Како и другите технолошки компании, Apple се бори во синџирот на снабдување но и со  загриженост дека стравувањата од рецесија би можеле да влијаат на трошењето на огласувачите и потрошувачите, вклучително и за поскапи производи како што е iPhone.

Во пресрет на многу важниот празничен период на шопинг, Apple рече дека има „силна побарувачка“ за моделите iPhone 14 Pro и iPhone 14 Pro Max, но очекува помали испораки од предвидените поради прекини поврзани со Ковид кај добавувач од Кина. (Сега се вели дека тие операции работат со речиси полн капацитет.)

Додека пазарната вредност на Apple значително опадна, другите големи технолошки компании претрпеа уште поголем процентуален пад. Акциите на Амазон и Мета од Фејсбук се намалени за околу 50 и 63 проценти, соодветно, во текот на изминатата година. Apple, за споредба, е намален за околу 31 отсто во истиот период.

Сепак, Apple сега му се придружува на Амазон во ексклузивен клуб во кој никој не сака да биде дел: компании кои изгубиле 1 трилион долари од пазарната вредност.

Исплатата на правата од социјална, детска и цивилна заштита за месец декември 2022 година започна денеска, информираат од Министерството за труд и социјална политика.

Корисниците на парични права кои што поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 4 јануари 2023 година, стои во соопштението од МТСП.

Оттаму дополнуваат дека со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

04.01.2023– А, Б, В, Г, Д, Ѓ, Е, Ж, З, Ѕ, И, Ј, К, Л, Љ

05.01.2023– М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Офис Плус е водечка компанија во Македонија за продажба и дистрибуција на канцелариски материјали, ИТ, канцелариски мебел, промоција, патни торби и училишна опрема. Компанијата работи на сите канали на дистрибуција: трговија на големо и мало, продажба по каталог и работи на решение за продажба преку веб шоп. Мисијата на Офис Плус е да ги задоволи сите потреби за деловно работење на клиентите, лесно и навремено. Визијата на Офис Плус е да стане препознатлив знак за квалитет на целата територија на РМ преку успешно поставување на комплетна продажна мрежа во целата држава.

Моментално се отворени како активни следниве работни позиции:

ПРОДАЖЕН РЕФЕРЕНТ -КАПИТОЛ МОЛ И СИТИ МОЛ
МАГАЦИОНЕР / СПРЕМАЧ НА АРТИКЛИ
ПРОДАЖЕН РЕФЕРЕНТ - ТЦ РАМСТОР

Биткоинот ја започна 2022 година со вредност од околу 48.000 долари, што беше значително помалку од максимумот постигнат на крајот на 2021 година. Но,колапсот на TerraUSD и придружната крипто монета Луна ја однесе индустријата по мрачен пат и воведе период познат како „крипто зима“. Падот на цените не само што ја намали вкупната капитулација на пазарот на под трилион долари, туку доведе до банкрот на некои сериозни фирми како што се Целзиус и ФТХ, чиј основач Сем Бенкман-Фрид неодамна беше уапсен.

Иако се чини дека вредноста на Биткоинот се стабилизира меѓу 16 и 17 илјади долари од средината на ноември, останува прашањето што можеме да очекуваме од оваа криптовалута оваа година или дали инвеститорите имаат на што да се надеваат. CNBC собра предвидувања од аналитичари, инвеститори и други експерти во криптоиндустријата.

Вредноста на биткоинот во 2023 година

Најоптимистичкото и во исто време најнереалното предвидување доаѓа од милијардерот Тим ​​Дрејпер кој тврди дека вредноста на оваа криптовалута ќе скокне за 1.400% во 2023 година, односно ќе ја заврши годината со цена од 250.000 долари.

Од друга страна, е Ерик Робертсон, глобален шеф на истражување во Standard Chartered Bank, кој смета дека падот на валутата Биткоин ќе продолжи и оваа година и ќе достигне вредност од 5.000 долари, а сличен песимизам споделува и инвеститорот Марк Мобиус, кој беше малку поумерен во своите предвидувања, тврдејќи дека вредноста ќе падне на 10.000 долари.

Керол Александар, професорка по финансии на Универзитетот во Сасекс има подобри вести за оние кои сè уште не сакаат да ги продадат своите дигитални средства. Таа верува дека Биткоинот ќе достигне вредност од 30.000 долари во првиот квартал, а растот во третиот и четвртиот квартал ќе доведе до цена од 50.000 долари.