Враќањето на километражата на возилата останува вообичаена практика на пазарот на половни возила, а преку овој текст дознајте кои половни автомобили се најчеста цел на измамниците.

Иако купувачите се повеќе се внимателни за измамите со автомобили, новата студија на carVertical покажува дека ризикот од купување возило со вратена километража е сè уште многу висок.

Измамата со километражата не значи само високи трошоци за одржување - исто така значително ја намалува вредноста на автомобилот. Со загубите од измами со километража проценети на 8,77 милијарди евра годишно (според студијата на Службата за истражување на Европскиот парламент), важно е да се дознае повеќе за ова скапо прашање.

Најпогодени се германските автомобили

Компанијата за проверка на историјата на возилата анализирала 1,11 милиони извештаи за историјата на возилата во изминатите 12 месеци на 24 пазари, покривајќи ги САД и поголемиот дел од Европа.

Студијата откри дека автомобилот со најчесто вратена километража е премиум моделот Audi A8. Од сите A8 проверени на платформата, 30,6 отсто имале фалсификувана километража, што значи дека речиси секој трет користен Audi A8 може да има лажна километража.

Всушност, шест од првите 10 автомобили беа скапи германски возила, како што се Audi A7, BMW X5, BMW Серија 7 и Volkswagen Touareg. Нивната висока цена (а со тоа и висок потенцијал за профит) ги прави овие возила совршена цел за измамници со километража.

Меѓу моделите на другите производители на листата со најмногу измами од овој тип се: Ford Mustang на 2-то место (25,7 отсто), Ford Fusion на 10-тото (22 отсто), Volvo XC70 на 14-тото (21,1 отсто) и Opel Insignia на 19-то место (19,5 отсто).

И хибридите и електричните се погодени од оваа измама

Традиционално, користените возила со бензински и дизел мотори имаат најголем удел во измами на пазарот на половни автомобили. Сепак, зголемената побарувачка за помалку загадувачки автомобили брзо ја менува оваа слика.

Според студијата, типот на моторот не е добар показател дали возилото ќе биде загрозено од оваа незаконска акција. Додека за некои модели, како што е серијата 7 на БМВ, бензинците и дизелите најверојатно ќе продолжат да бидат почеста цел од хибридите, за други автомобили тоа не изгледа така.

На пример, кај моделот Volkswagen Jetta, хибридниот погон има позначаен удел на автомобили со повратена километража (27 отсто) од дизелот (24,1 отсто) или бензинската верзија (22,4 отсто).

Зголемениот број на електрични автомобили со фалсификувана километража сугерира дека купувачите треба да бидат повнимателни. Додека вкупниот удел на електрични возила со вратена километража (13,4 отсто) е помал од европскиот просек (15,6 отсто), разликата е занемарлива. Покрај тоа, купувањето електричен автомобил со фалсификувана километража може да доведе до големи сметки за поправка.

Во овој случај, електричните автомобили можат да претставуваат најголем ризик, бидејќи деградираните батерии значат скапи поправки или замени. Затоа, одредувањето на вистинската километража игра уште поважна улога кога барате користен електричен или хибриден автомобил.

извор: Нова.рс

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Singular е меѓународна компанија за игри и FinTech која континуирано се стреми да гради иновативни производи и да инспирира напредок низ целиот свет. Основана во 2009 година, Singular прерасна од старт-ап со 7 во претпријатие со 70 вработени лоцирано во 4 канцеларии и 2 развојни бази низ целиот свет. Ја правиме најфлексибилната ГЕМИНГ ПЛАТФОРМА на светот, со моќни алатки за back-office и над 5000 казино игри. Изградуваме софтвер што го користат милиони корисници. Посветуваме многу внимание на добрата архитектура и оптимизираните алгоритми. Почесто отколку не, нашите податоци се финансиски добра. Компромисот за квалитетот овде не е опција.

Моментално вработува:

INFORMATION SECURITY ENGINEER - GRC SPECIALIST

Asura Group е независен регионален лидер во давање услуги на одржување на објекти. На пазарот во С. Македонија работиме повеќе од 12 години. Во моментот бараме личност со тимски дух да се приклучи на тимот.

Отворено е следново работно место:

ТЕХНИЧАР ЗА ОДРЖУВАЊЕ (ХАУСМАЈСТОР)

„Алкалоид“ AД Скопје е компанија која повеќе од осум децении работи на производство на лекови, преработка на билни суровини и на производство на козметички и на хемиски производи. „Алкалоид“ АД е акционерско друштво, во чии рамки работат два профитни центри: Фармација и Хемија, козметика и билкарство. Има две подружници во земјава, 17 подружници и 2 претставништва во странство (во Србија, Црна Гора, на Косово, во Албанија, Босна и Херцеговина, Хрватска, Словенија, во Швајцарија, Бугарија, Турција, Украина, во Руската Федерација и во САД).

Моментално вработува:

СПЕЦИЈАЛИСТ ЗА МЕДИЦИНСКИ РАБОТИ ВО ОТЦ
СПЕЦИЈАЛИСТ ЗА МЕДИЦИНСКИ РАБОТИ ВО ЛЕКОВИ НА РЕЦЕПТ
ГОТВАЧ/КА

Infosec е водечки провајдер на управувани безбедносни услуги (MSSP) кој моментално го проширува својот тим, доколку се гледате како дел од нашата компанија аплицирајте на активните работни места.

Како активни се следниве работни позиции:

CYBER SECURITY TECHNICAL CONSULTANT
LINUX SYSTEM ADMINISTRATOR
SOC ANALYST

Рамстор Македонија е ланец од 29 маркети и 1 онлајн маркет “Рамсторе до дома” кој ги искористи можностите на пазарот на труд да се докаже како работодавец кој нуди успешна кариера за своите вработени. Освен чувствителноста за потребите на потрошувачите, Рамсторе има изразена сензибилност за потребите на своите вработени; компанијата ги препознава нивните потенцијали и нуди можности за развој.

Моментално вработува:

ПРОДАЖЕН ПЕРСОНАЛ-КАПИШТЕЦ
ПРОДАЖЕН ПЕРСОНАЛ- СТРУГА
АСИСТЕНТ-СПЕЦИЈАЛИСТ ЗА IT

Нашата компанија Макстил АД Скопје (www.makstil.com) е дел до глобална групација, со долгогодишна традиција и репутација на светскиот пазар во металопреработувачката индустрија. Ова ни овозможува да нудиме најдобри услови за работа на нашите вработени. 

Моментално вработува:

ЕЛЕКТРИЧАР

Во Семос Едукација ќе работиш со 180 креативни, паметни и добри луѓе, на проекти кои ќе те мотивираат да го ослободиш целиот свој потенцијал. Семос Едукација служи како едношалтерски систем за обука за ИТ, што значи дека организацијата или поединецот може да ги најде сите курсеви што им се потребни за нивниот професионален развој. Семос Едукација е член на LLPA (Асоцијација на водечки партнери за учење) глобална организација со присуство во повеќе од 55 земји.

Моментално вработува:

МЕНАЏЕР ЗА ДЕТСКИ ЕДУКАТИВЕН ЦЕНТАР
SALES SPECIALIST
TRAINING ASSISTANT

Грант Торнтон е дел од една од водечките организации во светот на независни фирми кои обезбедуваат ревизорски, даночни и советодавни услуги. Со вашето приклучување на нашиот тим, ќе бидете мотивирани да работите на сопствена иницијатива, a нудиме и одлични можности со конкурентен пакет за наградување и постојан развој на кариерата за амбициозните кандидати кои имаат желба за напредок.

Моментално вработува:

АДМИНИСТРАТИВЕН АСИСТЕНТ

ИТД Дистрибуција Македонија е дел од Инфософт Групацијата (Infosoft Group) која е основана во 1991 година. Со своето повеќе годишно искуство, Инфософт Групацијата опфаќа компании на пазарите на Албанија, Косово и на Македонија. ИТД Дистрибуција Македонија започна со работа на пазарот во Македонија во 2007 година. Компанијата се занимава со дистрибуција на IT производи (сервери, софтвер, компјутери, лаптопи, компоненти, IT додатоци...), дистрибуција на хартија и графички производи (хартија, картон, канцелариски материјали, тонери и кертриџи). Покрај тоа што е овластен дистрибутер и сервисер на DELL, нуди многу други производи од други светски брендови и компании.

Моментално вработува:

BRAND PRODUCT MANAGER

Доколку сеуште сте во потрага по вашето иеално работно место, сите останати активни огласи за вработување можете да ги најдете ТУКА.

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,50 отсто.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,292 отсто,кај дизелот за 3,501 отсто, кај екстра лесното масло за 3,673 отсто и кај мазутот намалување за 3,729 отсто.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,428 отсто.

Малопродажната цена на Мазутот М-1 НС се намалува за 1,060 ден/кг и сега ќе изнесува 41,202 ден/кг.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

Од25.2.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 82,00 (денари/литар), Моторен бензин ЕУРОСУПЕР БС -98 84,50 (денари/литар), Дизел гориво ЕУРОДИЗЕЛ БС (Д-Е V) 77,00(денари/литар), Масло за горење Екстра лесно 1 (ЕЛ-1) 76,50 (денари/литар) и Мазут М-1 НС 41,202(денари/килограм).

Напоменуваме дека ова се максималните цени на нафтените деривати од 00:01 часот на25.2.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

НЕПТУН Македонија продолжувајќи ја во својата цел - креирање импакт во општеството во развој на социјалните промени, во месец декември, организираше голема хуманитарна кампања ЗАОКРУЖИ СМЕТКА и донирај за СОС Детско село ЗА СИГУРНА ИДНИНА НА МЛАДИТЕ БЕЗ РОДИТЕЛСКА ГРИЖА. Донаторската акција „Заокружи сметка“ се одржa во сите продажни објекти низ републиката во период од 01.12. 2022 година до 30.12.2022 година.

Секој купувач имаше можност на иновативен начин да донира, со заокружување на својата сметка на каса во износ по свој избор во рамките на сметката.

Се заблагодаруваме на сите 1.453 потрошувачи Нептун кои придонесоа да се соберат финансиски средства и кои ја подржаа нашата кампања и донираа. Собраните средства ќе бидат наменети за едукативна поддршка на децата без родители и родителска грижа поддржани од СОС Детско село.

Како општествено одговорна компанија која се грижи за најранливите категории граѓани, Нептун Македонија и во текот на годината која следува ќе организира различни хуманитарни акции кои се наменети за децата згрижени во СОС Детско село. Сите активности во 2023 година компанијата ќе ги реализира во рамките на мотото “Ајде заедно да овозможиме сигурна иднина на младите без родителска грижа и да менуваме животи на децата без родители и родителска грижа поддржани од СОС Детско село.”