Извршниот директор на зум, Ерик Јуан, во вторникот преку е-пошта им кажа на вработените дека ќе ја намали сопствената плата за 98% и нема да зема бонус поради најавата за отпуштање во компанијата што ќе влијае на околу 1.300 работници ширум светот.

„Како извршен директор и основач на Zoom, јас сум одговорен за овие грешки и активностите што ги преземаме денес“, им соопшти Јуан на вработените.

„Сакам да покажам одговорност не само со зборови, туку и со мои постапки“, додаде тој.

Зум, компанија за видео комуникации, забележа голем раст поттикнат од пандемијата и промена на културата на работа од дома. Јуан ја основаше компанијата со седиште во Калифорнија во 2011 година. На својот врв, акциите на компанијата достигнаа 559 долари по акција во октомври 2020 година.

Но, како и многу компании кои се искачија за време на кризата, таа имаше грубо слетување - нејзината акција моментално се тргува со околу 80 долари по акција (порасна за околу 10% по најавата за отпуштање).

Јуан го наведе пандемскиот тобоган како причина за намалувањата во неговата порака до персоналот. „Во рок од 24 месеци, Zoom порасна за 3 пати за да се справи со оваа побарувачка, истовремено овозможувајќи континуирана иновација“, рече тој.

„Не одвоивме толку време колку што требаше за темелно да ги анализираме нашите тимови или да процениме дали растеме одржливо, кон највисоките приоритети“, додаде тој.

Зум е најновата технолошка компанија која објави големи отпуштања. Амазон, Гугл и Мета отпуштија илјадници вработени во последните четири месеци.

Основната плата на Јуан минатата година беше 301.731 долари, по Блумберг. Скратувањето ќе ја намали неговата плата на 10.000 долари.

Останатите директори во компанијата, исто така, ќе преземат намалувања на платите за 20% и ќе се откажат од бонуси за претстојната година, се додава во пријавата.

Отпуштените „Зуми“, барем во САД, ќе добијат „до“ 16 недели плата и здравствена заштита.

Според денешниот индекс на милијардери на Блумберг, шефот на Тесла и Твитер, Илон Маск се врати на врвот на листата на најбогати луѓе во светот, на која на крајот на 2022 година се наоѓаше претседателот и извршен директор на конгломератот за луксузни стоки „Луј Витон Моет Хенеси“ (LVMH) Бернард Арно.

Богатството на Маск сега изнесува 187,1 милијарди долари, надминувајќи го Бернард Арно, чие богатство се проценува на 185,3 милијарди долари, јави Блумберг.

Богатството на Маск на почетокот на оваа година изнесуваше 137 милијарди долари. Во меѓувреме, вредноста на акциите на компанијата Тесла се зголеми за 100 отсто во однос на најниската вредност што овие акции ја имаа на 6 јануари, а тоа е доказ за оптимизмот на инвеститорите.

Тесла, меѓудругото, профитираше од поголемата побарувачка за електрични возила по намалувањето на цените на некои модели на автомобили.

На извршните директори им е потребно повеќе време да размислат за своите одлуки,активности и должности кои подоцна треба да ги претворат во реални проекти.Тие секогаш треба да размислуваат да ги водат своите компании кон раст и успех. Доколку се најдете на таа позиција како помлад извршен директор,постојат одредени совети кои што треба да ги следите за да изградите успешна кариера.

Станете забележителен оратор

Никој не се раѓа како исклучителен оратор - тоа е вештина која треба да се развива, врши и повторува.

Бидете фокусирани за време на вашите состаноци

Како извршен директор, одлуките кои ги донесувате ќе бидат засегнати исто така и за вашиот тим, па веројатно ќе бидете навикнати да одржувате повеќе состаноци. Не закажувајте состаноци кои што немаат одреден план или пак состаноци кои се предолги,за да може да ги задржите сите присутни фокусирани на темата. На тој начин, состанокот може да ја изгуби својата смисла и луѓето да станат премногу опуштени, при што ќе морате да го презакажете состанокот за следен пат. Времето со кое што правилно ќе го изменаџирате вашиот состанок, може да ви биде многу корисно за целата работната недела.

Елиминирајте ги сите пречки

Како што правилно распореденото време за состаноци може да ве направи по продуктивни, исто така од големо значење е и елиминирањето на сите пречки додека работите. Извршните директори најчесто треба да бидат достапни за сите, но понекогаш е потребно да го ограничат своето време за другите, со цел да се фокусираат на своите обврски за да постигнат одредена цел. Одредете си неколку цели на кои што бескомпромисно ќе бидете фокусирани и оставете другите луѓе да се прилагодуваат на вашиот распоред.

Задржувајте се до своите рутини

Доколку имате свој систем на навики со кои што ја зголемувате вашата продуктивност, тогаш придржувајте се секојдневно кон нив. Одржувајте ги вашите дневни рутини кои што го вадат најдоброто од вас. Ова може да претставува еден од полесните начини за поедноставување и организирање на неделата.

Ценете ги и наградувајте ги своите вработени

Без разлика дали сте искусен или ентузијаст почетник, многу е важно да учите од оние кои биле таму пред вас и успеале. Вработените се на прво место. И ако се однесувате со нив како што треба, погодете што? Клиентите ви доаѓаат повторно кај вас.

Цената на белиот и полубелиот леб од денеска ќе се замрзне, а по донесувањето на ваквата одлука треба да изнесува максимум 33 денари. Но, ако тоа се случи, мелничарите најавуваат дека ќе го прекинат производството.

Мерката за замрзнување на цената на лебот ја предложи Министерството за економија по анализите кои покажуваат дека повеќето компании од прехранбената индустрија, иако добиле субвенционирана струја, и по три месеци не ги намалиле цените на производите. Пекарите тоа го негираат и тврдат дека во целост ја почитувале мерката за субвенционирање на елекричната енергија. Цените на лебот, велат, се намалени повеќе од вредноста на субвенцијата што ја примаат. Воедно предупредуваат дека ако се замрзне цената на лебот ќе претрпат огромни штети, од 3.000 до 15 000 евра дневно и ќе бидат принудени да ги затворат производствените капацитети.

Во вторник ќе се замрзне цената и нема да биде над 33 денари и за белиот и полубелиот леб. Ова е само прв чекор од производите наведени во одлуката на Владата. Ќе следат и нови одлуки за замрзнување на цените. Цените нема да се зголемат по завршување на мерката, освен ако се зголемат цените на суровините и тогаш може да има нагло покачување на цената, соопшти министерот за економија Крешник Бектеши во саботата.

Според него, не може да има разлика во цената и ист леб да чини од 28 до 38 денари.

Бектеши потенцира дека ќе се прават инспекциски контроли и во делот на грамажата.

Утврдено е дека одредени производители и трговци ги намалуваат цените, но ги намалуваат паралелно и количините на тој производ. Затоа, под 450 грама бел и полубел леб не може да се продава и тоа ќе биде со утврдена цена. Под тоа може да биде, но над тоа не може да биде, рече министерот.

Мелничарите вчера одржаа состанок во Стопанската комора и донесоа едногласен заклучок - ако Владата ја донесе мерката за ограничување на цената на лебот, од следниот ден нема да има леб на пазарот.

Дента кога ќе излезе одлуката за замрзнување на цените во Службеник весник, од наредниот ден нема да се произведува леб и да се носи на пазарот, истакна претседателот на Групацијата за мелничко-пекарската индустрија Горан Малишиќ. 

Тој објасни дека изминатите два месеца на пазарот цените се намалиле, но имало варијации, зависно од видот на лебот и грамажата, од 33, 35 до 50 денари.

Цените почнаа нагло да се намалуваат последниве 30 дена. Постои модел како треба Владата да направи социјална цена на социјален леб, како што е направено во Србија. Јасно и гласно е кажано уште пред две години – за да направите социјална цена на леб, и да го задоволите населението, треба да се фатите за џев, народски кажано. Во Србија државата субвенционира 30 проценти од цената на брашното на пекарниците за да има одредена цена која српската Владата ја покачи пред три дена. Постојат модели, да, тоа е трошок, но ако сакаме да имаме социјална цена со една цена на пазарот мора Владата да субвенционира, не можеме да бидеме ние општествено одговорни компании кои ќе бидат во загуба, рече Малишиќ.