Многумина се подготвени да ги направат најлудите работи за популарност на социјалните мрежи, а ова е една од најрадикалните.

„WhistlinDiesel“ е Јутјуб канал специјализиран за разни „акробации“ со автомобили, во кој подебелиот крај редовно го извлекуваат возилата. Основачот на каналот, Коди Детвилер, не се двоуми да уништи автомобили како „Nissan Skyline GT-R“ или нов „Mercedes-AMG G63“. Сега на ред стигнала и една „Tesla“.

Станува збор за „Model 3“, кој Коди и тоа како го „изнамачил“. Поминал низ низа тестови, вклучувајќи возење со блокада на тркалото, го исекол задното седиште со моторна пила и го провозел автомобилот на далечинско низ гаражна врата.

За големото финале, „Tesla Model 3“ добил огромни тркала, поради кои изгледал како модерна интерпретација на кочија. Пред големото финале, Коди го свртел автомобилот наопаку, а на крајот го пуштил низ падина. Секако, возилото било уништено, а авторот во првите 24 часа собрал над 2 милиони прегледи на видеото. Очигледно се исплатело.

АЛФИ БИ КОМПАНИ е компанија којашто во досегашното постоење успеа да изгради стабилен, функционален процес на работа, да креира коректни односи со своите потрошувачи, непрекинато прави регрутација на нови вработени и го зголемува својот тим се со цел да се продолжи традицијата на успешно работење и одржување на нашата препознатливост и имниџ.

Моментално вработува:

ПЕРСОНАЛ ЗА КАФЕТЕРИЈА (КУМАНОВО)
ПЕРСОНАЛ ЗА КАФЕТЕРИЈА (СКОПЈЕ)
КАСИЕРИ/КИ – СКОПЈЕ

Се уште сте невработени? Останатите активни работни позиции можете да ги најдете ТУКА!

Дизелот поевтинува за 1,5 денар, а бензините и екстра лесното за половина денар од ноќеска на полноќ, одлучи денеска Регулаторната комисија за енергетика. 

Новата цена на литар ЕУРОДИЗЕЛ БС (Д-Е V) ќе изнесува 74 денари,  додека ЕУРОСУПЕР БС - 95 ќе се продава за 81 денар,  а ЕУРОСУПЕР БС - 98 ќе има цена од 83 денари. 

Литар масло за горење Екстра лесно 1 (ЕЛ-1) ќе чини 73,5 денари, а се намалува и залопродажната цена на Мазутот М-1 НС за 1,649 денари за килограм и ќе изнесува 38,130 денари.

Со Одлуката на РКЕ се врши намалување на малопродажните цени на нафтените деривати во просек за 1,60 проценти во однос на одлуката од 17 месецов.

-Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,541 проценти, кај дизелот за 1,152 проценти, кај екстра лесното масло за 1,318 проценти и кај мазутот има намалување за 2,660 проценти. Курсот на денарот во однос на доларот во изминатиот период по кој беа формирани цените со претходната пресметка е понизок за 0,077 проценти, информира РКЕ во образложението за одлуката. 

Скратувањето на работната недела за подобрување на менталното здравје и продуктивноста на вработените може се здобива со популарност на некои места низ светот, но се чини дека барем една земја оди во спротивна насока.

Јужнокорејската влада беше принудена оваа недела да го преиспита зголемувањето на горната граница на работното време на 69 часа неделно, од сегашната граница од 52 часа, што предизвика бурни реакции кај помладите генерации.

Работниците во моќната источноазиска економија веќе се соочуваат со многу долги работни часови - четврти во светот зад Мексико, Костарика и Чиле според ОЕЦД - и се смета дека смртта од прекумерна работа убива многу луѓе секоја година.

Како и да е, владата го поддржа планот за зголемување на границата по притисокот од бизнис секторот за зголемување на продуктивноста - сè додека не се соочи со гласно противење од помладата генерација и синдикатите.

Секретарот на јужнокорејскиот претседател Јун Сук Јеола во средата изјави дека владата ќе преземе нова насока откако ќе го сослуша јавното мислење и рече дека е посветена на заштита на правата и интересите на работниците.

Подигнувањето на границата се сметаше за начин да се реши недостигот на работна сила со кој се соочува земјата поради намалената стапка на наталитет, која е најниска во светот, и стареењето на населението.

Во 2018 година, на барање на граѓаните, Јужна Кореја го намали лимитот од 68 часа неделно на сегашните 52. Овој потег доби огромна поддршка во Националното собрание во тоа време.

Сегашниот закон ја ограничува работната недела на 40 часа плус до 12 часа платена прекувремена работа - иако во реалноста, велат критичарите, многу работници се под притисок да работат подолго време.