Владата на Србија вчера донесе одлука за поскапување на патарината за 14 отсто. Поскапувањето за возачите на патнички автомобили, во зависност од делницата, ќе се движи најмногу до 200 динари, а на најфреквентните делници во просек ќе изнесува 50 динари.

Според извештаите, патарината ќе се зголеми за 14 отсто за оние кои нема да платат такса за користење на автопатот преку електронскиот уред за наплата на ЕНП, додека возачите кои го користат тој уред ќе имаат зголемување од 8 отсто.

Имајќи ги предвид актуелните цени на патарините, поскапувањето на најдолгите делници ќе се искачи до околу 200 динари. Ќе поскапи од 60 до 100 динари кај најфреквентните.

За делот Белград-Ниш патарината сега е 890 динари, а со поскапувањето ќе биде 1.014 динари. Од Белград до Чачак патарината наместо 470 ќе чини 535 динари, што е зголемување за 65 динари. До Нови Сад ќе поскапи за 33 динари, а новата цена ќе биде 273 динари.

Од Белград до Прешево, наместо 1.490 динари, патарината ќе биде 1.698 динари.

Цената за делот Белград-Димитровград сега е 1.310 динари, а со поскапувањето ќе биде 1.493 динари.

Од Белград до Шид, наместо 420 динари, возачите на патнички автомобили ќе треба да платат 479 динари. Кога станува збор за делницата од патот Белград – Суботица, патарината сега е 640 динари, а по поскапувањето ќе биде 730 динари.

Нови цени за најфреквентните делници

Белград - Чачак            535 динари

Белград - Ниш               1.014

Белград - Нови Сад        273

Белградска Суботица     730

Новиот ценовник ќе стапи во сила осмиот ден од денот на објавувањето во „Службен весник“.

Блиц.рс

Управата за јавни приходи (УЈП) ги информира корисниците на апликацијата „МојДДВ“, дека е извршено нејзино прилагодување согласно измените и дополнувањето на Законот за враќање на дел од данокот на додадена вредност за физички лица објавен во „Службен весник на РСМ“, бр.65/2023 на 23.03.2023 година.

Ова значи дека сите корисници на МојДДВ, ќе треба да ја превземат новата верзија на апликацијата. Измените веќе се видливи во апликацијата „МојДДВ“ во верзијата 2.1.6. Исплатите со зголемен максимален износ од 2.100 денари по корисник за скенираните фискални сметки во првото тримесечје од годинава ќе се реализираат во мај, соопшти УЈП.

Според податоците, во моментов апликацијата ја користат 523.673 граѓани, a бројот на нови корисници секојдневно расте. Од почетокот на мерката до денеска, кај граѓаните се вратени близу 6 милијарди денари.

Вицепремиерот за економски прашања Фатмир Битиќи не стравува дека по предвидениот период за замрзнати цени на дел од прехранбените производи ќе се врати, како што вели, старата практика на вештачко зголемување на цените. Доколку се случи тоа, порачува дека граѓаните ќе бидат згрижени и Владата нема да ги остави да ја плаќаат највисоката цена.

Во пазарна економија мора да се однесуваме пазарно. Веќе доаѓаат првите позитивни сигнали од компаниите дека сме тука за да ја надминеме заеднички кризата и не стравувам дека по перидот на замрзнување на цените ќе се врати старата практика на вештачко зголемување на цените на начин како што беше направено одреден временски период, изјави Битиќи, на новинарско прашање по посета на фабрика во Куманово.

Според Битиќи, на компаниите веќе им е сосема јасно дека мора да се однесуваат морално и етички во услови на криза.

Тоа што цело време повикувавме дека мора да има општествена одговорност, мора да има морално и етичко однесување на компаниите на пазарот, сметам дека веќе им е сосема јасно. Но, ако се случи спротивното, како Влада нема да оставиме граѓаните да ја плаќаат највисоката цена. Тие ќе бидат згрижени, рече вицепремиерот Битиќи.

Тој го повика Пазарниот инспекторат да ги провери информациите дали во Куманово и Кумановско се продава леб по замрзната цена од 33 денари но со помала грамажа од утврдената со одлуката на Владата.

Замрзнувањето на цената на лебот од 450 грама по 33 дена не е направено за да нанесе штета на производителите, туку да ги заштити потрошувачите, а секако во таа цена има одредена добивка. Ако има такви информации го повикувам Пазарниот инспекторат во Куманово и Кумановско да проверат дали навистина се продава леб по помала грамажа, а по цена од 33 денари, изјави Битиќи.

Секое замрзнување на цена, дали е на лебот, јајцата, тестенините… повтори вицепремиерот, не е на штета на компаниите.

Компаниите се згрижени, можеби нема да продаваат со такви маржи какви што би сакале, но секако имаат предвидена маржа во цената. Донесени се и ќе бидат донесени во интерес и за заштита на граѓаните, рече Битиќи.

Со одлуки на Владата, од 28 февруари е замрзната цената на белиот и полубелиот леб од 450 грама на 33 денари, од 16 март и цените на дел од млечните производи и тестенините каде намалувањето на цените изнесуваше 10 односно 15 отсто, а од вчера е замраната и цената на јајцата и на оризот на износот по кој се продаваа овие производи на 15 март. Замрзнатата цена за лебот, тестенините и на млечните производи важи до крајот на мај, а на јајцата и оризот до крајот на април.

Министерството за земјоделство веќе подготви анализа и за цените на овошјето и зеленчукот, а одлуката ќе ја носи Министерството за економија согласно со Законот за трговија.

Следните одлуки за нови прехранбени производи кај кои би се интервенирало со замрзнати цени, како што изјави денеска премиерот Димитар Ковачевски, зависи од анализата во Министерството за економија.

Доколку има производ што ги исполнува условите тогаш нормално Владата ќе донесе одлука, доколку нема, Владата нема да донесе одлука, рече Ковачески.

Стопанските комори завчера и порачаа на Владата да престане со замрзнување на цените и да најде други механизми за помош на граѓаните како што се намалување на даноците и на ДДВ-то и да се интервенира преку државните резерви. Министерот за економија Крешник Бектеши, пак, посочи дека се отворени за сите конкретни но одржливи предлози.

Цената на кој следен производ ќе биде замрзната зависи од анализата во Министерството за економија, изјави денеска премиерот Димитар Ковачевски. 

Кој производ ќе биде со замрзната цена ќе зависи од анализите што се прават во Миниустерството за економија. Доколку има производ што ги исполнува условите тогаш нормално Владата ќе донесе одлука, доколку нема, Владата нема да донесе одлука, рече Ковачески. 

Дел од новинарското прашање за Ковачевски содржеше и констатација дека и првиот човек на Северна Кореја исто така бил во обиколка на продавниците да ги види цените, на што премиерот регираше и рече прашањето не е на место и дека доколку новинарот е во Северна Кореја нема да може ни прашање да постави.  

Сметам дека воопшто не ви е на место констатацијата дека во однос на тоа дека претседател на Влада оди да провери какви се цените на производите кои што се со одлука замрзнати од страна на Владата и навистина нема да одговарам на вашата констатација бидејќи да сте во Северна Кореја вие нема да можете ни прашање да поставите, рече Ковачевски.

Од 28 февруари е замрзната цената на белиот и полубелиот леб, од 16 март на дел од тестенините и млечните производи, а од вчера и на оризот и на јацата. Министерството за земјоделство веќе подготви анализа и за цените на овошјето и зеленчукот, а  одлуката ќе ја носи Министерството за економија согласно со Законот за трговија.