Сакате да напредувате во кариерата? Се чувствувате како постојано да тапкате во место и да ги правите истите грешки? Тешко се снаоѓате во професионална средина и не знаете како да се однесувате во конфликтни ситуации? Тогаш овие работилници се за вас!

Better Women Better World со нашиот психотерапевт Розалија Секулоска организира караван од четири онлајн работилници посветени на професионалниот напредок на жената и сите можности и вештини кои треба да ги препознаете и искористите. Со помош на знаењето кое ќе го стекнете на овие работилниците, ќе успеете подобро да се снајдете во професионалниот свет и да напредувате. 

Секоја жена може да биде своја најдобра верзија, единствено е потребно да се работи на себеси и постојано да се учи нешто ново.

Работилница #1
Вербална и невербална комуникација во професионални свет 
09.04.2023 од 19:00 до 20:30 часот

Работилница #2
Донесување бизнис одлуки
11.04.2023 од 19:00 до 20:30 часот

Работилница #3
Ефект на прегорување на работно место 
19.04.2023 од 19:00 до 20:30 часот

Работилница #4
Разрешување на конфликт на работно место 
24.04.2023 од 19:00 до 20:30 час

Ако сакате да се регистрирате за некоја од работилниците, повеќе детали ТУКА.

АРС СТУДИО како центар за едукација и издаваштво на книги, се стреми кон обезбедување на високо-квалитетна услуга за одржување на курсеви, реализација на преведувачки услуги, издавачка дејност и продажба на книги, согласно законската регулатива и меѓународните стандарди од оваа област.  

Моментално вработува:

СПЕЦИЈАЛИСТ ЗА ПРОДАЖБА
КООРДИНАТОР ЗА ДЕЛОВНИ АКТИВНОСТИ
ДЕЛОВЕН АСИСТЕНТ
ГРАФИЧКИ ДИЗАЈНЕР
УРЕДНИК ВО ИЗДАВАЧКА ДЕЈНОСТ

Се уште невработени?! Сите останати работни позиции ќе ги најдете ТУКА.

Овој април имаме два продолжени викенди.

Имено, согласно Законот за празници во април неработни денови за сите граѓани се:

• 17 април (понеделник), вториот ден од Велигден според православниот календар
• 21 април (петок), првиот ден од Рамазан Бајрам
• За граѓаните од православна вероисповед неработен е 14.април кога се одбележува Велики петок, ден пред Велигден. 
• Тоа значи дека верниците од православна вероисповед ќе имаат четири слободни дена за Велигден. 
• Првиот ден од месец мај (понеделник) кога се одбележува Денот на трудот, исто така, е неработен ден за сите граѓани. 

Владата денеска ја донесе Одлуката со која се замрзнуваат цените на 11 видови овошје и зелечук. Одлуката, со која се опфатени доматите, краставиците, кромидот, карфиолот, пиперот, гравот, леќата, бананите, портокалите, мандарините и лимонот, ќе важи од 5 април до крајот на месецов.

Како што соопшти министерот за економија Крешник Бектеши на денешната прес-конференција, свежите домати ќе чинат максимум 70 денари, краставиците 75, кромидот 60, карфиолот 70, пиперот 90, гравот 75, леќата 110, бананите 70, портокалите 55, мандарините 60 и лимонот  55 денари.

Ги уверувам граѓаните дека согласно сите анализи, цените, посебно на прехранбените производи и енергенсите, целосно се стабилизирани и имаат надолен тренд, на намалување, истакна Бектеши.

Сепак, рече, ќе се причекаат официајлните податоци од Државниот завод за статистика кои треба да се објават на 7 април.

Министерот ги повика трговците да ја почитуваат Одлуката. Анализите покажале, напомена министерот, дека за овие производи имало големи маржи кои во март достигнале дури 200 - 250 отсто.

На прес-конференцијата во Владата се очекува да се обрати и директорот на Државниот пазарен инспекторат, Горан Трајковски.