АЛФИ БИ КОМПАНИ е компанија којашто во досегашното постоење успеа да изгради стабилен, функционален процес на работа, да креира коректни односи со своите потрошувачи, непрекинато прави регрутација на нови вработени и го зголемува својот тим се со цел да се продолжи традицијата на успешно работење и одржување на нашата препознатливост и имиџ.

Моментално вработува:

КАСИЕРИ/КИ – КУМАНОВО
КАСИЕРИ/КИ – СКОПЈЕ
ПЕРСОНАЛ ЗА ПРОДАЖБА ВО СЕКТОР АЛАТИ И ОСВЕТЛУВАЊЕ
ПЕРСОНАЛ ЗА ПРОДАЖБА ВО БЕЛА ТЕХНИКА - СО ИСКУСТВО (СКОПЈЕ)

Се уште сте невработени? Останатите активни работни позиции можете да ги најдете ТУКА!

Граѓаните се помасовно ги користат предностите на плаќањето преку картички, но и преку мобилните апликации. 

Народната банка ги објави најновите податоците од доменот на платежната статистика за првиот квартал од 2023 година, при што се забележува тренд на натамошна засилена употреба на дигиталните канали за извршување на плаќањата во земјата, особено од страна на граѓаните, како при употребата на платежните картички, така и при употребата на мобилните апликации за електронско иницирање на кредитните трансфери, или т.н. платни налози.

Имено, во првиот квартал од 2023 година, годишниот раст на употребата на платежни картички издадени во земјата за готовински трансакции и за плаќање производи и услуги во земјата од страна на граѓаните изнесува 14,7 отсто кај бројот и солидни 12 проценти кај вредноста на овие трансакции. Притоа, значителен годишен раст од 16,8 отсто е забележан кај употребата на картичките за плаќање производи и услуги во земјата, при засилен раст на плаќањата на физичките места на продажба од 17,4 проценти, но и солиден раст од 11,1 отсто на плаќањата на виртуелните (интернет) продажни места - посочуваат од централната банка.

Годишен раст е забележан и кај плаќањата на граѓаните со платни налози, како кај бројот на платежните трансакции (6,1 отсто), така и кај вредноста на остварените трансакции (3,1 проценти), при натамошна зголемена употреба на електронското банкарство за иницирање на овие плаќања. Така, бројот на електронски иницираните платни налози во првиот квартал од 2023 година бележи раст од 14,5 отсто на годишна основа, што е двојно повеќе од годишниот раст во првиот квартал од 2022 година (7,1 проценти). 

- Граѓаните особено ги користеле апликациите на мобилните телефони, со кои извршиле над една половина од вкупниот број електронски иницирани платни налози. За одбележување е дека бројот на платежните трансакции извршени преку мобилен телефон постојано расте и во првиот квартал од оваа година е поголем за 23,8 отсто од бројот на овие трансакции во истиот период од 2022 година. Истовремено, годишен раст, но не толку силен, од 3,5 проценти е забележан и кај употребата на компјутерите за извршување на плаќањата - нагласуваат од Народна банка.  

Податоците од доменот на платежната статистика за првиот квартал од 2023 година, коишто покрај изнесените податоци за платежните трансакции на граѓаните во земјата содржат и податоци за платежните трансакции на правните лица во земјата, се достапни на следнава врска.

Нормално е да бидеме возбудени кога ќе ја добиеме првата понуда за работа. Приклучувањето кон работната сила со полно работно време може да значи плата, бенефиции и пат до финансиска независност. Но, пред  да прифатите понуда, важно е да процените што точно ви ветува компанијата и да преговарате за истата. Според едни изстражувања околу 56% од работниците чуствуваат голем страв кога преговараат.

• Како да преговарате за погоелма плата од понудената?

Бидејќи  работодавецот ве одбрал вас сметајќи ве за најдобар кандидат за одбраната функција не треба да имате страв додека преговарате. Препорачливо е никогаш да не ја прифаќате понудата на лице место и, наместо тоа, да одвоите малку време за да го истражите пазарот за вашата позиција. Откако ќе знаете што сакате од преговорите, побарајте да разговарате за понудата.

• Како да се подгответе за преговор?

Важен дел од преговарачкиот процес е да се подготвите за сè што може да  се случи. Знаејќи што е разумна побарувача и покажува на компанијата дека имате истражувано доволно за да го направете првичното барање. Важно е да имате причина зошто барате да преговарате. На пример, ако луѓето во вашата област или во други компании на слична позиција со вашето ниво на обрзование заработуваат повеќе. За ова ви е потребна причина да докажете зошто сметате дека заслужувате поголема плата. Ако кажете само „сакам повеќе“ нема да го добиете посакуваното.

Дали кога преговаравте за вашата прва плата на вашето прво работно место го добивте посакуваното? Дали доколку ја сакате вашата професија би прифатиле помала плата?

Богатството на основачот на Ant Group, Џек Ма, се проценува дека вреди помалку од половина од она што беше пред само три години, кога тој одржа главен говор кој ја уништи она што требаше да биде најголемата продажба на акции во светот во тоа време.

Индексот на милијардери на Блумберг предвиде дека богатството на деловниот магнат паднало за 4,1 милијарди долари во текот на минатата година. Ма, кој исто така е ко-основач на фирмата за е-трговија Alibaba, има 9,9 отсто од акциите во Ant Group.

Претприемачот, некогаш најбогатиот човек во Азија, сега има нето богатство од приближно 30 милијарди долари, што е помалку од половина од 61,2 милијарди долари забележани во 2020 година, пред да наиде на проблеми таа година.

Ant е најпозната по водење на дигиталниот систем за плаќање Alipay кој е сеприсутен во Кина. Комбинираната загуба од пазарната капитализација за Ант и Алибаба е околу 877 милијарди долари, според пресметката на CNN врз основа на цените на акциите забележани кон крајот на октомври 2020 година, период кога претприемачот ги нападна финансиските регулатори и банките во Кина во својот говор.

Неговите критики, упатени само неколку дена пред Ант да излезе на берзата во Шангај и Хонг Конг, предизвика невидена репресија врз приватните претпријатија во Кина, што доведе до зголемена регулаторна контрола на другите технолошки компании низ целата земја.

Кинеските регулатори го укинаа ИПО на Ант од 37 милијарди долари во ноември 2020 година и и наредија на компанијата да го реструктуира своето работење.

Оттогаш, Ма се повлече. Во последниве години, тој, наводно, поминал време во Јапонија, во домот на неговиот пријател и инвеститор, извршниот директор на SoftBank, Маса Сон, и во Хонг Конг. Започнал и нова работа како визитинг професор на Универзитетот во Токио и повеќе време поминува во филантропија.

Се повлекол и од фирмите што ги основал.

Тој се повлече од функцијата претседател на Алибаба во 2019 година, кога наполни 55 години. Ant Group минатата недела беше казнета со 984 милиони долари од кинеските финансиски регулатори поради наводно кршење на правилата поврзани со заштита на потрошувачите и корпоративното управување. Аналитичарите велат дека казните се знак дека регулаторната контрола конечно завршила.

Во март, Alibaba ги објави плановите да се подели на шест одделни единици, секоја надгледувана од сопствениот извршен директор и одборот на директори. Компанијата рече дека се надева дека новата структура ќе и овозможи да биде пофлексибилна и да отвори поголема вредност за инвеститорите.

ФОТО: EPA-EFE/SERGEY DOLZHENKO