Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

АВТОНОВА ДОО Скопје е ексклузивен увозник на возила за марката Citroën на пазарите во Македонија, Србија, Црна Гора, Косово и Албанија која веќе 20 години успешно работи.

Моментално вработува:

РЕФЕРЕНТ ЗА ПРОДАЖБА

Основан 1945 годината, постоењето и развојот на АМСМ, го обележаа низа структурални и организациони промени, некои како резултат на времето, а пак некои како одговор на потребата да се биде и да се остане поблиску до постарите, но и новите генерации.

Моментално вработува:

АГЕНТ ВО КОНТАКТ ЦЕНТАР - АМСМ СПИ НА ПАТ
РЕФЕРЕНТ ЗА ПРОДАЖБА НА ГОРИВО - АМСМ УСЛУГИ ПЕТРОЛ

Витек е италијанска компанија специјализирана за производство на висококвалитетни хидраулични цевки и приклучоци.

Моментално вработува:

МАГАЦИОНЕР
OПЕРАТОР НА МАШИНА

Axapta Masters е Microsoft Partner фокусиран на дизајнирање, управување и доставување на Microsoft Dynamics 365 имплементации, интеграции, развој, поддршка, надградба и услуги за миграција на податоци.

Моментално вработува:

MARKETING ASSISTANT

Кромберг и Шуберт се фокусира на развој и производство на комплексни системи за ожичување за автомобилската индустрија.

Сите активни работни позиции во Кромберг и Шуберт можете да ги најдете ТУКА.

УНИКА ЛАЈФ АД Скопје е друштво за осигурување на живот кое на македонскиот пазар на осигурување постои уште од 2011 година и е дел од UNIQA GROUP AUSTRIA која е лидер на Австрискиот осигурителен пазар уште од 1811 година.

Моментално вработува:

РЕФЕРЕНТ ЗА ОСИГУРУВАЊЕ

Групацијата PRIMA е најнапреден систем кој произведува и продава мебел во регионот.

Моментално вработува:

ДИЗАЈНЕР ЗА ВНАТРЕШНО УРЕДУВАЊЕ ВО СКОПЈЕ
СОВЕТНИК ЗА ПРОДАЖБА ВО БИТОЛА

Компанијата ФИБЕРНЕТ М-К Скопје е македонска компанија основана во 2005 година. Во периодот од 18 години, па до денес, компанијата прерасна и постана препознатлив бренд во ИТ секторот.

Моментално вработува:

ХИГИЕНИЧАР/КА

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР - Ц КАТЕГОРИЈА

„АЛФИ БИ КОМПАНИ“ е трговско друштво кое успешно ја гради својата професионална приказна од 1992 година, во рамки на компанијата се отворени и подружниците Алфи Техноцентар во Куманово, која постои 13 години и Алфи Техноцентар Скопје која постои 3 години.

Моментално вработува:

КАСИЕРИ/КИ – СКОПЈЕ
ВОЗАЧ / ДОСТАВУВАЧ (B КАТЕГОРИЈА) ЗА СКОПЈЕ
ПЕРСОНАЛ ЗА ПРОДАЖБА – СКОПЈЕ

Се уште невработени?! Сите останати активни работни позиции можете да ги најдете ТУКА.

Транзицијата од 20-тите во 30-тите години е голема. За многумина од нас, одлуките што ги донесуваме во тие клучни години завршуваат со дефинирање на остатокот од нашата кариера.

Еве пет совети што е добро да ги знаете во вашите 20-ти години.

1. Изберете кариера што ви се допаѓа, а не онаа што плаќа повеќе

Ова е многу чест совет. Ако само се обидувате да бидете успешни само заради правење пари, тогаш ќе ви биде тешко да бидете среќни во кариерата. 

2. Никогаш не лажете во вашата професионална биографија (CV)

Можеби мислите дека може да се извлечете со малку украсување на CV-то, но порано или подоцна, некој ќе го открие тоа.

3. Преземајте ризици

Кога сте млади, можете да си дозволите да ризикувате бидејќи имате многу време и енергија за да застанете на нозе, ако работите не функционираат. 

4. Не плашете се да аплицирате за работа што ви се допаѓа, дури и ако не ги исполнувате сите услови.

Ако аплицирате за работа и не се чувствувате премногу сигурно во врска со вашите шанси, сепак треба да аплицирате затоа што секогаш вреди да се проба.

5. Секогаш можете да ја смените кариерата 

Можеби на почетокот мислите дека ќе ве интересира професијата цел живот, но на крај да се покаже дека тоа е само фаза. Добрата работа во тоа што имате 20-ти години е што имате многу живот пред себе и можете да си дозволите да направите некои грешки при изборот на кариерата.

ТАВ Аеродроми со воодушевување го најавуваат влегувањето на нова авиокомпанија на македонскиот авијациски пазар, водечката авиокомпанија на Балтикот, латвиската авиокомпанија airBaltic и воведувањето на нова авиолинија од Меѓународниот Аеродром Скопје, на релација Скопје–Рига–Скопје, откако авиокомпанијата го најави распоредот на летови со сите нови линии за следната летна сезона во 2024 година.  

Македонскиот главен град Скопје ќе биде поврзан со Рига, главниот град на Латвија, два пати неделно, од 3 мај, 2024, до 30 септември, 2024.    

Новата сезонска авиолинија на airBaltic, од скопскиот аеродром, ќе им овозможи на клиентите поврзување од витално значење со балтичките држави и светот и ќе им овозможи да ги истражуваат овие различни региони со огромна леснотија и удобност.

Претставниците на ТАВ Аеродроми се воодушевени за веста дека airBaltic од следната летна сезона во 2024 година влегува на македонскиот авијациски пазар со воведување на новата авиолинија Скопје–Рига–Скопје, бидејќи оваа новина ќе создаде зголемени можности за клиентите кои патуваат преку Меѓународниот Аеродром Скопје.  

Воведувањето на нов лет до Рига од скопскиот аеродром и додавањето на airBaltic како нова авиокомпанија во портфолиото на ТАВ, како и влегувањето на авиокомпанија на македонскиот авијациски пазар е одлична вест. Ова дополнување ќе им овозможи на клиентите беспрекорен пристап до многу културни, историски и деловни дестинации. Оваа нова авиолинија не само што ќе ја подобри поврзаноста, туку и ќе им овозможи на патниците да ги истражуваат овие различни региони со леснотија и удобност – Рига, со својот волшебен спој на историја, култура и современост, во исто време и бизнис-центар во балтичкиот регион, и Скопје и балканскиот регион, со своето историско значење, природни убавини, кујна и гостопримство. Честитаме на airBaltic и ја цениме нивната одлука бидејќи оваа нова авиолинија ќе ги поврзе балтичкиот и балканскиот регион. -изјави Неџат Курт, генерален директор на ТАВ Македонија.  

airBaltic и натаму е водечка авиокомпанија во регионот, а со воведувањето на 11 нови линии следното лето, ќе ја зајакнеме нашата позиција и нашата амбиција да растеме, подобрувајќи ја поврзаноста од Балтикот. При подготовките за следна сезона, секогаш внимателно ја проценуваме состојбата на пазарот и побарувачката. Овој пат, идентификувавме можност да ја прошириме нашата мрежа во Централна и Југоисточна Европа со конекции со балтичките и нордиските земји. Затоа, драго ни е да ја прошириме понудата на airBaltic следното лето со практични и погодни директни летови до и од овој регион. – изјави Мартин Гаус, претседател и главен извршен директор на airBaltic.

Билетите за новата авиолинија се достапни за резервација преку веб страницата на airBaltic www.airbaltic.com, со цени почнувајќи од 89 евра за патување во еден правец.

Големо намалување на прометот во маркетите, покажуваат последните податоци на Државниот завод за статистика. 

Имено, во трговијата на мало, во јули годинава, во споредба со јули лани, гледано по групи и класи, зголемување на прометот кај номиналните и реалните стапки е забележано само во групата Трговија на мало со непрехранбени продукти, освен гориво, и тоа номинално за 7,6 отсто, а реално за 0,5 проценти, додека во групите Трговија на мало, освен трговија со горива номинално расте за 1,5 отсто, а реално опаѓа за 6,5 процент, соопшти Државниот завод за статистика.

Во групата Трговија на мало со автомобилски горива номинално опаѓа за 20,6 процент, а реално расте за 5,5 отсто. Пад и кај двете стапки е забележан во групата Трговија на мало со храна, пијалаци и тутун, и тоа номинално за 4,2 процент, а реално за 13 отсто.