Вчера, 29 октомври, почна зимскиот распоред на летање на Меѓународниот аеродром „Скопје“ и на охридското авиопристаниште „Свети Апостол Павле“, и ќе трае до 31 март 2024.

Од Скопскиот аеродром по зимскиот распоред ќе летаат 13 авиокомпании. „Ер Србија“ ќе лета до Белград, „Аустријан“ до Виена, а „Кроација ерлајнс“ до Загреб. Грчката авиокомпанија „Еџијан“ ќе лета до Атина, а од 2 октомври и до Сараево. „Туркиш ерлајнс“ продолжува да лета до Истанбул, а „Пегасус“, освен до Истанбул, ќе лета и до Измир. Од Скопскиот аеродром, „Сан експрес“ најави дека продолжува да сообраќа со чартер-летови до Измир и до Анталија, како редовни летови и во зимската сезона.

Новата авиокомпанија што влезе на македонскиот авијациски пазар, „Луфтханза“, ќе има редовен лет до Франкфурт, а до Цирих ќе летаат авиокомпаниите „Чаир ерлајнс“ и „Еделваис“. „Изи џет“ ќе лета до Женева, а „ЛОТ Полиш ерлајнс“ ќе лета до Варшава. Останатите 29 дестинации ќе ги опслужува унгарскиот авиопревозник „Визер“, кој, со субвенции од Владата, воведе четири нови линии од Скопје до Луксембург, Штутгарт, Салцбург и до Љубљана.

Од ТАВ Македонија информираа дека деталите за дестинациите, авиокомпаниите и за фреквенциите на летовите може да се видат на веб-страницата

– Нови авиокомпании, враќање на авиокомпании што веќе сообраќале претходно на македонскиот воздухопловен пазар и воведување нови и атрактивни авиолинии се на врвот на нашата листа на приоритети. Како аеродромски оператор, секогаш се стремиме да одговориме на барањата на нашите патници за уште поголем број можности за патување од нашите аеродроми – потенцираат до ТАВ Македонија.

Најчести дестинации од Меѓународниот аеродром „Скопје“, според статистиката на патничкиот сообраќај на ТАВ Македонија, за периодот јануари – септември 2023 година биле Истанбул (двата аеродрома, ИГА и „Сабиха Ѓокчен“ со 10,8% пазарен удел), „Базел Милуз“ (6,1%), Цирих (5,5%), Виена (4,7%), Дортмунд (4,5%), потоа Франкфурт (4,2%), Минхен Меминген (4,1%), Анталија (4%), Малме (2,6%) и Келн (2,6%).

Со зимскиот распоред на летање, од Охридскиот аеродром ќе летаат три авиокомпании, и тоа: „Чаир ерлајнс“ и „Ерелваис“ до Цирих и „Визер“ до Дортмунд, Минхен Меминген и Виена. Аеродромот „Свети Апостол Павле“ беше сведок на одлична летна сезона, засилена со сезонските и чартер-летови до Белград на „Ер Србија“ и до Манчестер и до Лондон („Гетвик“) на ТУИ. Инаку, за трите квартали од 2023 година, јануари – септември, најчеста дестинација за патување од Охридскиот аеродром беше Базел (21,5% удел на пазарот), потоа Виена (21%), Дортмунд (16,4%), Меминген (11,9%), Малме (9,4%), Цирих (9,3%), Амстердам (8,8%), а останатите дестинации имаат 0,5%.

Топ-5 земји со директни летови од македонските аеродроми за периодот јануари – септември 2023 година беа Германија (27,3% удел на пазарот), Турција (16,9%), Швајцарија (13,4%), Шведска (6,7%); и Италија (6,5%).

Што се однесува до учеството на авиокомпаниите во патничкиот сообраќај за првите девет месеци од 2023 година на Скопскиот аеродром, „Визер“ превезол најголем број патници (60,2% удел на пазарот), потоа „Туркиш ерлајнс“ (7,4%), „Пегасус ерлајнс“ (6,1%), „Аустријан ерлајнс“ (4,7%), „Чаир ерлајнс“ (3,7%).

Малопродажната цена на бензинот ЕУРОСУПЕР БС-95 не се менува, односно останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 27.10.2023 година и со тоа малопродажната цена на ЕУРОСУПЕР БС-95 изнесува 81,50 ден/лит.

Малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V), се намалуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 27.10.2023 година и со тоа малопродажната цена на ЕУРОСУПЕР БС-98 изнесува 83,50 ден/лит, додека малопродажната цена на ЕУРОДИЗЕЛ (Д-Е V) изнесува 81,50 ден/лит додека.

Малопродажната цена на Екстра лесното масло за домаќинство на (ЕЛ-1) се намалува за 1,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 27.10.2023 година и со тоа малопродажната цена на Екстра лесното масло за домаќинство на (ЕЛ-1) изнесува 81,00 ден/лит.

Малопродажната цена на Мазутот М-1 НС, се намалува за 0,883 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 27.10.2023 година и со тоа малопродажната цена на Мазутот М-1 НС изнесува 46,291 ден/кг.

Драги студенти,

Ве покануваме на информативен ден со Зегин, организиран со цел да се запознете со можностите за практикантство, менторство преку гемификација, како и проектите кои ги има нашата компанија за Вас студентите на Фармацевтски факултет!

На информативниот ден, ќе имате можност да се запознаете со новите програми за студенти и платформата ЗегИН Младина, која има за цел да даде поддршка на младите идни фармацевти преку можности за успешен кариерен развој, како и стипендирање преку Фондација Др. Верица Механџиска.

Нашата уникатност е иновативниот пристап на практикантство и вработување преку менторство на нов, забавен начин, учење преку игра и наградување на најдобрите!

Настанот претставува поддршка, мотивација и грижа за студентите, со главна цел да го применат знаењето во пракса, вклучувајќи многу нови придобивки специјално создадени за нив.

Студенти – идни фармацевти,

Дојдете

Запознајте не

Ве очекуваме!

Локација: Предавална 3, Фармацевтски факултет при Универзитет “Св. Кирил и Методиј” – Скопје

Датум: 3 ноември 2023 – петок

Време: 12:00 - 13:00 часот

Банката не смее да наплаќа надоместоци за затворање на платежната сметка, ниту, пак, надоместоци за затворање дебитни или кредитни картички, доколку рамковниот договор којшто го има граѓанинот со банката е постар од шест месеци. Банката е должна веднаш да ја затвори сметката на барање на граѓанинот, или, пак, доколку во договорот е предвиден отказен рок, најдоцна во рок од 30 дена, објаснува директорот на Дирекцијата за платни системи при Народната банка, Игор Величковски, во интервју за Македонското радио.

Величковски посочува дека доколку банката им наплати на граѓаните надоместок за затворање на платежната сметка или доколку некоја ставка од тарифниците на банката ги наведе граѓаните на мислење дека им е наплатено за затворање сметка, тие треба да реагираат до банката, бидејќи тоа е без надоместок, исто како и затворањето дебитна или кредитна картичка. „Граѓаните имаат право да поднесат приговор до банката, а потоа и поплака до Народната банка, којашто ќе ја разгледа поплаката и ќе контактира со банката, а потоа соодветно ќе го извести граѓанинот дали приговорот којшто го поднесол е соодветен и ако е, ќе ѝ даде насоки на банката да постапи според приговорот“, посочува директорот.

Величковски понатаму наведува дека со Законот за платежни услуги и платни системи се воведува уште едно системско решение коешто е во прилог на заштитата на правата на потрошувачите, а тоа е концептот на неактивна сметка. „Сите ние отвораме сметки кај банките за различни потреби и по некое време, може да заборавиме дека ја поседуваме таа сметка на која можеби останале парични средства. За првпат, со новата правна рамка се уредува дека доколку граѓаните не ја користеле платежната сметка подолго од две години, или, пак, не оствариле комуникација со давателот на платежните услуги во врска со таа сметка во овој период, банката ќе ја прогласи сметката за неактивна. Доколку станува збор за штедење, бидејќи вообичаено депозитните сметки се на подолг рок, доколку граѓанинот не остварил комуникација со банката во период од 10 години, и таа сметка ќе добие статус на неактивна сметка. Кога банката ќе ја прогласи сметката за неактивна, таа не смее понатаму да наплатува никакви надоместоци од таа сметка, односно паричните средства се заштитени, а банката е должна да пресметува камата на позитивното салдо во согласност со договорот“, истакнува Величковски.