Од околу 4.000 вработени во Тојота во Калифорнија, Кентаки и во Њујорк беше побарано да се преселат во Плано, Тексас, каде Тојота го гради своето ново седиште составено од седум објекти.

Врз основа на првичните одговори од вработените, Ленс предвиде дека околу 70 проценти од вработените на Тојота - невообичаено голем број, ќе ја прифати понудата за преселба.

Сите дополнителни 1000 работни места кои се достапни ќе бидат објавени на www.toyota.com/careers иако Тојота одби да разговара за платите и објави само дека ќе бидат навистина конкурентни.

Веќе 19 000 луѓе аплицирале за вработување во Тојота и Ленс објасни дека најмногу им требаат луѓе со универзитетска диплома.

Со ставање во функција на новата гигафабрика лоцирана во Невада, компанијата „Тесла“ на Илон Маск позната како автомобилска компанија сега прераснува во амбициозен алтернативен снабдувач на енергија. Првите батерии веќе се произведени.

Оваа недела компанијата Тесла и нејзиниот партнер- Панасоник го означија стартот на масовното производство на литиум-јонски батериски ќелии. Фабриката во Невада е гига-фабрика затоа што се протега на околу половина милион квадратни метри, каде моментално работат 2.900 вработени, а дополнителни 4.000 работат на доизградба на фабриката.

Сега е завршена само една третина од фабриката, а конечното завршување се очекува до крајот на годината. До 2020 година во фабриката е предвидено да работат вкупно 6.500 работници, а полниот капацитет на фабриката ќе значи и удвојување на светското производство на литиум-јонски батерии. Дополнително, гигафабриката индиректно ќе креира 20.000-30.000 работни места во регионот.

Ова е важен чекор од неколку причини:

Прво, потребни се многу батерии за Тесла електричните возила вклучувајќии го моделот Model 3 кој треба да се позиционира на средно-ценовниот пазар. Овој модел ќе почне сериски да се произведува во текот на оваа година. Во 2018 година Тесла планира да произведува 500.000 возила, сите опремени со новата батерија.

Второ, во фабриката во Невада се произведуваат Powerwall батерии за домаќинства и компании за складирање на енергија произведена од соларни покриви. Во ноември Тесла се спои со компанијата SolarCity за производство на соларни покриви.

Тим Кук кој неколку години по ред беше еден од најуспешните директори во САД со постојан раст на профитот на компанијата, а со тоа и еден од најбогатите, за прв пат по долго време е казнет од Apple поради намалената продажба на iPhone, iPad и останатите производи. 

На Тим Кук платата му е намалена за околу 2 милиони долари. Исто така повеќе директори на Apple ќе земат помали плати со скратени бонуси бидејќи компанијата оствари за 3.7% помал приход од планираното, односно за фискалната 2016-та има 215.6 милијарди долари. Приходот од iPhone 7 изнесува 60 милијарди долари или за речиси 1% помалку од предвиденото. 

Тим Кук иако е извршен директор на Apple нема најголема плата, но затоа пак има поголем број на вредни акции и останати бонуси кои ги носи самата функција. 

Компанијата за организирање на туристички крстарења „Ројал Карибиан“ бара професионално ангажиран „човек за одмор“, чија единствена задача ќе биде за време на турите да објавува по три фотографии дневно на Инстраграм, за што ќе заработи 65.000 долари...

„Вработениот турист“ ќе добие три платени крстарења со брод по Карипското Море во траење од по три недели, за време на кои треба да објавува фотографии од морската шир, пристаништа, бродските простории и несекојдневни искуства.

Покрај „работата“ на бродот, работните обвски вклучуваат и да се учествува во најмалку три екскурзии на копно на секое од трите крстарења.

Заедно со објавувањето на фотографиите на Инстаграм, негова задача ќе биде и да ги поттикнува остантите корисници на мрежата да ги коментираат снимките, да споделуваат свои искуства од крстарењата или да даваат препораки кои места треба да се посетат.