Родовата нееднаквост во платите се однесува на разликите во плата меѓу мажите и жените за ист или сличен вид на работа.

Еве неколку факти кои ги обележуваат оваа појава:

• Плата

Жените во многу случаи добиваат помали плати во споредба со мажите за иста или слична работа. Оваа разлика може да биде изразена во проценти или апсолутни износи.​

• Глобални разлики

Разликите во платите меѓу мажите и жените постојат низ целиот свет, макар и со одредени варијации според регионот и економските услови.

• Законски рамки

Многу земји имаат закони и правила кои ги спроведуваат за да се намали родовата нееднаквост во платите, но сепак, таа продолжува да постои во различни облици.

• Сензибилност кон ставки 

Освен платите, родовата нееднаквост може да биде видлива и во разни други ставки како што се бонусите, пензиите и други видови на компензации.

• Ефект на медиумите и културата

Медиумите и културните норми може да влијаат на перцепцијата и очекувањата за платите, што може да има влијание на родовата нееднаквост. На пример, стереотипите за мажи и жени и нивните улоги во општеството може да влијаат на тоа како се оценува и наградува нивниот труд.

Овие факти ја илустрираат комплексноста на родовата нееднаквост во платите и потребата за континуирана борба за постигнување на рамноправност на работното место.

KARIERA.mk ја поддржува тин баскет лигата!

Vodno Suns Partizan како организатор го најавува третото коло на ТБЛ!

Тин баскет лигата не е само спортски настан. Тоа е место каде се промовира тимскиот дух, фер игра и почит кон противниците. Оваа лига е место каде се градат и креираат пријателства, преку спортот како заеднички јазик.

Третото коло овој пат ќе се игра во малата сала Борис Трајковски во недела (31.03.2024 год.) од 16:30 - 20:30 часот.

Со нетрпение го очекуваме настапот на овие млади баскетари, кои без сомнение ќе ни понудат уште една несекојдневна забава.

Дојдете на баскет и многу позитивна енергија!

Главната препрека беше пред се кога почнавме и кога сакавме да правиме нешто плус. Немаше пари тогаш, немаше банки за кредит да се земат многу беше тешко да се дојде до средства. Потоа кога отидов 2002-2003 година на првиот курс за успешен менаџер тогаш сфатив дека треба само да се донесе одлука, а кога ќе се донесе одлука тогаш сите препреки се решаваат по патот така да, стрикно клучни некој препреки сме имале постојано, тие сум ги прифаќала како предизвик како дека тоа така треба да биде и треба да се најде модул таа препрека да се прескокне односно да се тргне од патот. - вели Даница Личанин Блажеска сопственик на Рептил маркети.

А1 Македонија објави успешен резултат на уште една група од својата уникатна практикантска програма A1 WayUp. 15 млади таленти од третата генерација на A1 WayUp за 2023/2024 година ја добија можноста својата кариера да ја градат во најатрактивните дигитални области: E-commerce/Digital Transformation, Data Science & Analytics, Infrastructure & Cloud, ICT Solutions и IT Systems & Technology.

Посветена на практично учење и стекнување вештини, програмата A1 WayUp уште еднаш ги надмина очекувањата. Она што ја издвојува е нејзиниот прецизен пристап кон менторирање на секој еден од учесниците во програмата, што значи целосна поддршка од менторите и тимовите на А1, како и бенефиции еднакви со сите вработени во компанијата во поглед на учење, раст и развој. Покрај работа на конкретни и иновативни проекти, практикантите имаат можност да се надоградуваат преку обуки за важни деловни вештини кои им се потребни во секојдневната работа.

“Во улога на ментор по втор пат како дел од програма А1 WayUp можам да кажам дека дефинитивно уживам во истата како дел од мојата работа. Следењето на прогресот на овие млади таленти навистина ми претставува задоволство, а квалитетот со кој што тие ги завршуваат задачите и придонесуваат за напредокот на проектите покажува дека мојата работа е исполнета и дека оваа програма е одлична можност за секој еден млад талент - истакна Елинда Стојанова Милошеска, Лидер за дигитална трансформација во А1 Македонија.

Успехот на практикантската програма A1 WayUp ја истакнува посветеност на А1 Македонија за негување таленти и културата на континуирано учење и развој. Додека ги славиме достигнувањата на нашите практиканти, ја потврдуваме нашата посветеност на обликувањето на посветла иднина за нашата компанија и за професионалците кои секојдневно растат и се надоградуваат.

А1 Македонија на сите кои се дел од програмата A1 WayUp им посака успех во понатамошниот развој на кариерата, многу нови знаења и успешни проекти. Со големо задовоство го најави продолжувањето програмата A1 WayUp и повикот за четвртата генерација кој наскоро ќе биде објавен.