„Многу ти благодарам“, „Навистина ја ценам твојата работа“, „Одлична работа си завршил/а“. 

Ова се само дел од многубројните изјави кои ретко се слушаат од работодавците насочени кон нивните вработени. А секојдневната употреба би довело до хармонична работна атмосфера и поголема продуктивност на вработените. Разликите помеѓу добриот и одличниот менаџер се поврзуваат со односот кон вработените. 

На глобално ниво, се промовираат луѓе со тврди вештини, кога би требало да се промовираат меки вештини. Проект Кислород е еден одличен проект во кој Google се задлабочи во ефективноста на своите менаџери откривајќи дека постојат 7 меки вештини кои најефективните менаџери ги поседуваат. Вкупниот број на вештини изнесувал 8. Тврдите вештини се оние кои се наоѓале на дното, но потребата од нив е клучна за напредокот на менаџерот. 

Вашите вработени се најголемиот адут кој го поседувате, или барем така е назначено на вашата веб страна. Нивната работа и став може да резултираат во успех или неуспех на вашиот бизнис. Без разлика дали некој е тим лидер или менаџер, од оваа личност се бара да води, мотивира, тренира, инспирира и охрабрува. Таа е клучна задача и вашиот бизнис зависи од тоа. Меѓутоа, многу често овие одговорности ги имаат луѓе кои не знаат и не ги развиле вештините за лидерство во денешната работна средина. На крајот и не може вистински да бидат обвинети. 

Една од најтешките задачи со кои менаџерот се соочува е откривање на најдоброто во вработените. Отклучување на потенцијалот на вработениот е клуч за успехот на секој бизнис. Кога талентите кои ги поседуваат вработените не се канализирани правилно, однесувањето може сериозно да го загрози успехот на организацијата. Вработените сакаат пофалба и охрабрување за секој прогрес што го прават. Гореспоменатите зборови се само неколку, но употребени во вистинскиот контекст може да имаат огромен ефект на крајниот производ. 

Процесот започнува од мали нозе

Нашата најважна лидерска вештина започнува уште кога сме деца. Родителите се нашиот прв професор за лидерство. Тие секогаш потсетуваат со „Како се вика?“ на што ние одговараме со „Благодарам“. Нашите родители никогаш не дозволуваат да ја заборавиме вредноста на тој збор. Ако размислувате за развој на лидерские способности, осигурајте се дека ги разбирате овие два зборови, искористени правилно и во вистинско време, се поважни од било кој семинар. 

Денеска ќе биде одбележан 18ти октомври - Европскиот ден за борба против трговијата со луѓе од страна на на Националната комисија за борба против трговијата со луѓе и илегалната миграција. 

Во Скопје ќе бидат одржани неколку настани за одбележување на денот. Најавена е прес-конференција „Најава за отпочнување на Кампањата за борба против трудова експлоатација во модната индустрија“, која ќе се одржи за време на Модниот викенд во Скопје. На прес-конференцијата ќе присуствуваат Магдалена Несторовска, национален координатор за борба против трговијата со луѓе и илегална миграција и Државен секретар  во Министерството за внатрешни работи, Елена Грозданова која е член на Националната комисија и Државен секретар во Министреството за труд и социјална политика и Марија Илиќ од Модниот викенд Скопје. Прес конференцијата ќе започне во 11 часот и ќе биде одржана во хотел „Мериот“ Скопје. 

Предвидена е и тркалезна маса „Трговија со луѓе, национални трендови, појавни облици и предизвици“, која ќе ја отвори Магдалена Несторовска, а покрај неа ќе се обрати и Соња Божиновска Петрушевска, шеф на канцеларијата на ИОМ во Скопје. Тркалезната маса ќе се одржи исто така во хотел „Мериот“ со почеток од 13:30 часот. 

По повод Светскиот ден за борба против сиромаштијата 17 октомври, министерката за труд и социјална политика Мила Царовска изјави дека во Македонија 21,5% од населението живее во сиромаштија. Според неа, во Македонија, нажалост, покрај лицата што немаат работа, сиромашни се и голем број вработени и поради ова е важно зголемување на минималните приходи.

• За да успее борбата против сиромаштијата, на младите лица мора да им се гарантира перспектива, можност да работат и напредуваат дома, за да се запре нивното иселување. Треба и многу да се работи на подобрување на економската позиција на жените во нашето општество, како и на квалитетно и достапно образование и социјални услуги - изјави Царовска. 

Целта е на среден рок стапката на сиромаштија да се намали под 16 проценти до 2020 година. Министерката Царовкса вели дека за исполнување на целта, од клучно значење е економскиот развој кој ќе значи повеќе средства и услуги за сите.  

Facebook моментално ја испитува функцијата „резиме/CV“, судејќи по слики од екранот односно screenshots објавени на социјалните медиуми - потег кој би го ставил Facebook во директна конкуренција со професионалната социјална мрежа LinkedIn.

Мет Навара, директорот за социјални медиуми на The Next Web, споделил слики од функцијата „CV“ пратени до него од веб дизајнерот Џејн М. Вонг, која видела дека се појавиле на нејзиниот профил. Оваа функција им дозволува на корисниците да го внесат нивното професионално искуство и образование, како и нивнот контакт, слика и останати информации.

Опцијата за внесување на работната историја и образованието веќе е возможно на Facebook. Прашањето е дали би сакале потенцијалниот работодавач да ги гледа вашите приватни фотографии? Наместо тоа, новата функција ќе ги комбинира сите важни информации во еден, професионален пакет, одвоено од личните фотографии, пишаните статуси и останати постови кои корисниците не би сакале да ги споделат со рекрутерите и поширокиот свет. 

Фактот дека Facebook експериментира со оваа опција е понатамошен доказ за тоа како оваа Калифорниска компанија се обидува агресиво да ги промени нејзините корени од едноставна социјална мрежа во професионалниот сектор. Во 2016, Facebook го лансирале Facebook At Work - модифицирана верзија на Facebook дизајнирана за тимот во канцеларија да ја користи. Опцијата за воведување на CV на личниот профил на Facebook може да е доволно загрижувачка информација за LinkedIn.