На 30 јануари 2025 година, во организација на KARIERA.mk, ќе се одржи ексклузивна работилница посветена на менталното здравје предводена од две наши добро познати психолози Розалија Секулоска и Цветанка Штерјова Бурзевска. Настанот ќе се одржи во просториите на Хотел Панорамика и е наменет за сите оние кои сакаат да го подобрат својот ментален баланс и продуктивност.

За кого е наменета работилницата?

• Вработени професионалци: Доколку чувствувате стрес или прегорување на работното место, оваа работилница ќе ви помогне да се справите со предизвиците.
• Менаџери и лидери: Ќе научите како да креирате поддржувачка и инклузивна работна средина за вашиот тим.
• Студенти и новозавршени дипломци: Ова е одлична можност да се подготвите за справување со притисоците на професионалниот живот.
• Сите заинтересирани: Без разлика на вашата професија или индустрија, оваа работилница е отворена за секој кој го препознава значењето на менталното здравје.

Што ќе научите?

• Техники за управување со стресот и одржување на менталната рамнотежа.
• Како да препознаете и да се справите со знаците на прегорување (burnout).
• Стратегии за подобрување на комуникацијата и односите на работното место.
• Начини за градење позитивна работна култура.
• Човечноста да стане водечки принцип во секојдневната работа
• Да изградите тим кој ќе биде отпорен на стрес
• Да создадете динамика на работа базирана на разбирање и соработка а притоа да може да спроведувате и соодветни техники на наградување и казнување
• Како полесно да успееме да ги пребродиме потешкотиите во нашиот кариерен ангажман без притоа силно да влијаат на нашите приватни животи?

Ставете го вашето ментално здравје и менталното здравје на вашиот тим во преден план!

Како да се пријавите?

Обезбедете го вашето место ТУКА.

Или за карти на фактура пишете ни на [email protected]

Се гледаме на 30.01.2025 во Хотел Панорамика.

Центарот за управување со кризи информира дека, според прогнозата на УХМР за следните денови, се очекува студен бран проследен со врнежи од снег.

ЦУК апелира до граѓаните, доколку планираат патување, да се подготват во согласност со дестинацијата и да ги следат информациите за временските услови и состојбата на патиштата, кои ги објавуваат надлежните институции и служби.
 

Еве неколку мерки за претпазливост кои се препорачуваат за студен бран со врнежи од снег:

Опрема за возилото:

• Обезбедете зимски гуми и проверете ја исправноста на возилото.
• Носете синџири за снег, особено ако се движите низ планински предели.
• Имајте резерва на антифриз, течност за бришачи отпорна на мраз и целосно наполнет резервоар за гориво.

Лична заштита:

• Облечете топла облека во слоеви, вклучително капа, шал, ракавици и водоотпорни обувки.
• Носете ќебе или топла прекривка во автомобилот за итни случаи.

Патнички прибор:

• Обезбедете песок или сол за расчистување.
• Имајте батериска лампа со резервни батерии, прва помош, полнач за телефон и дополнителна храна и вода.

Безбедност на патиштата:

• Возете внимателно и прилагодете ја брзината на условите на патот.
• Одржувајте безбедно растојание од другите возила.
• Избегнувајте нагли сопирања и задржувајте контрола врз возилото во услови на мраз и снег.

Со следење на овие препораки, ќе го зголемите нивото на безбедност за време на патувањата во зимски услови.

Вицепремиерот и министер за транспорт Александар Николоски најави дека конечно ќе се воспостави директна линија од Скопје до Амстердам. Тоа според него е огромна можност за туризмот во Македонија. Другата вест која ја сподели Николоски е дека авиокомпанијата Изиџет формално поднела документи во министерството за Скопје-Париз до аеродромот “Орли”, кој што е најблиску до центарот на Париз.

Тој потенцираше дека во наредниот период се очекува да бидат потврдени уште 3-4 дестинации до кои ќе се лета од македонските аеродроми. Во однос на состојбата во која како министер ги затекнал аеродромите во државата, тој истакна: 

Во услови каде приштинскиот аеродром го заминува скопскиот, а охридскиот ќе добие сериозна конкуренција во аеродромот во Валона кој што се гради во моментов, како и во помалите грчки аеродроми во северниот дел на Грција, сфатив дека мора да направиме драстична промена. Таа промена ја направивме со политиката на субвенционирање на летови, каде што прво субвенциите ќе одат по патник кој што доаѓа во Македонија, а не по патник кој што заминува од државата, како што правела претходната власт. Второ, драстично се зголемени субвенциите, и за охридскиот аеродром се повисоки од скопскиот, со цел привлекување на туристи. Тоа ги даде првите резултати и веќе имаме 8 нови линии. Од Скопје ќе се лета до Дубаи, Барселона, Лион и Штутгарт, а од Охрид како дестинации се потврдени Базел и главниот аеродром во Истанбул”, истакна Николоски, кој додаде дека поврзувањето со овој аеродром во Истанбул веќе донесе и резервации на карти од Сиднеј, Вашингтон, Торонто и други светски метрополи до Охрид, потенцираше вицепремиерот Николоски.

Во 2025 година, трендовите за вработување се фокусирани на експанзијата на индустрии како вештачка интелигенција (AI) и машинско учење (ML), кои бележат раст од 36%. Други значајни индустрии со пораст се нафтената и гасната индустрија (13%), FMCG (12%), и здравството (12%). Според извештаите, AI-умеењата стануваат клучни, со организации што даваат приоритет на кандидати со техничко знаење и капацитет за брзо учење. Компании како Magellanic Cloud и Happiest Minds Technologies инвестираат во обука за AI, нагласувајќи важноста на адаптабилноста и континуираното надградување.

Критични вештини за 2025 година вклучуваат програмски јазици како Python, R, и TensorFlow, познавање на NLP и невронски мрежи, како и способности за обработка на големи податоци (Hadoop, Spark) и аналитички алатки (Tableau, Power BI). Побарувачката за AI етика исто така расте, со акцент на управување со AI, откривање пристрасности и законите за приватност на податоци. Во секторот за компјутерска визија, експертизата во OpenCV и 3D моделирање станува значајна, додека AI продукт менаџментот бара стратешко размислување и проектно управување.

Миграцијата на вработените во IT секторот е на врвот, со 82% од професионалците што планираат да ги сменат своите работни места во април, што создава притисок врз HR тимовите. Одложувањата во циклусите за оценување на перформансите, особено од октомври-декември, придонесуваат за несигурност кај компаниите. Градови како Бенгалуру се водечки за AI работни места, додека Ченај, Хајдерабад и Коимбатор покажуваат значителен раст во вработувањето. За професионалците, унапредувањето на вештините и ажурирањето на CV-то се неопходни за да останат конкурентни.