Сончевите зраци се одлични за добро расположение и витамин Д, но прекумерното изложување без заштита може да предизвика изгореници, предвремено стареење на кожата и сериозни здравствени последици. Затоа, кремата за сончање не треба да биде луксуз, туку задолжителен дел од секојдневната рутина  особено во летните месеци.

Што треба да знаете за кремите за сончање?

Квалитетната крема за сончање треба да има широк спектар на заштита (UVA и UVB), со минимум SPF 30. Изберете формула што одговара на вашиот тип на кожа – лесна текстура за масна кожа, а похидратантна за сува. Не заборавајте да ја нанесете 15-30 минути пред изложување на сонце и да ја обновувате на секои 2 часа или после капење.

Препораки – Креми за сончање:

La Roche-Posay Anthelios SPF 50+

Лесна, некомедогена формула, идеална за чувствителна кожа.

Eucerin Sun Gel-Cream Oil Control SPF 50+

Одлична за комбинирана и масна кожа – не остава масен сјај.

Vichy Capital Soleil SPF 50+

Сигурна заштита, со хидратантен ефект и пријатен мирис.

Afrodita Sun Care SPF 30/50

Македонски бренд со солидна заштита и поволна цена.

Nivea Sun Protect & Moisture SPF 50+

Класичен избор кој ефикасно штити и ја хидрира кожата.

Сонцето може да биде пријател, но само ако се заштитите правилно. Инвестирајте во добра крема за сончање вашата кожа ќе ви биде благодарна. Без разлика дали сте на плажа, во град или на планина, заштитата од сонце треба да биде секојдневна навика.

Тагови: годишен одмор здравје креми за сончање

Жичницата на Водно нема да биде пуштена во употреба во текот на целото лето, откако при вонреден увид биле утврдени сериозни технички недостатоци и ризици по безбедноста на патниците, изјави градоначалникот на Скопје Орце Ѓорѓиевски за САКАМДАКАЖАМ.МК.

Според него, 15 години по пуштањето во употреба, жичницата никогаш не била целосно сервисирана од австрискиот производител „Допелмаер“, што довело до оштетувања кои можеле да предизвикаат сериозна несреќа.

Жичницата беше затворена на 25 април, кога од ЈСП „Скопје“ информираа дека прекинот ќе трае два дена. Но, по проверките што ги извршил тим од „Допелмаер“, градските власти одлучиле таа да остане надвор од функција.

Побарав да дојдат претставници на ‘Допелмаер‘, по што беше утврдено дека не бил направен сервис. Биле барани понуди од фирмата, но ниту еднаш не бил склучен договор за целосно сервисирање. Увидот покажа дека гумичките биле изедени и поради тоа доаѓало до триење на гондолите. Исто така не работеле и неколку сензори. Поради овие причини можело да се случи да се откачи гондола, изјавил Ѓорѓиевски.

Од ЈСП „Скопје“ сега очекуваат австриската компанија да достави понуда за целосно сервисирање и санација на системот.

Колку точно ќе трае сервисирањето не можеме да кажеме, чекаме да ја добиеме понудата од ‘Допелмаер‘, но сигурно е дека летово нема да работи, додал градоначалникот.

Темата дополнително ја отвори дебатата за безбедноста на жичниците, особено по трагичните несреќи во регионот и Европа. Минатата година четири лица загинаа во Италија по пад на кабина од жичница во Неапол, додека на Дурмитор во Црна Гора загина германски турист кој испаднал од гондола.

Жичницата од Средно Водно до Милениумскиот крст беше пуштена во употреба на 3 јуни 2011 година. Ја изгради австриската компанија „Допелмаер“, а проектот чинеше 6,7 милиони евра.

Системот располага со 28 кабини со капацитет за осум лица, како и две ВИП кабини, а дел од гондолите се опремени и со држачи за велосипеди.

Тагови: Жичницата „Милениумски крст“

ЈП „Паркинзи Општина Центар“ воведува измени во условите и начинот на користење на јавните паркиралишта, со фокус на поголема достапност на паркинг за жителите на Општина Центар, намалување на метежот и поефикасно управување со јавниот простор, информираа надлежните од претпријатето. 

Велат дека измените се донесени по консултации со жителите, стручни лица, како и анализа на европски практики.

Дел од новите мерки стапуваат во сила веднаш, а дел во наредниот период. 

Со новите измени, повластените карти повеќе нема да се врзуваат само со лична карта, туку со станбена единица — со цел пофер и поорганизиран систем за жителите. 

Ова се новите измени на ПОЦ: 

• Бесплатно секторско паркирање за прво возило

За станарите за второ возило: Месечната претплата се зголемува од 250 на 500 денари.

Трето возило: Цената се коригира од 1.200 на 1.500 денари месечно. 

• Нова „Услуга Плус" за пошироко користење надвор од матичниот сектор
• Корекција на цените за надворешни корисници и деловни субјекти.

Значајни промени се воведени и кај зонското комерцијално паркирање: 

Дневни карти: Поскапуваат за 100 денари (од 300 на 400 денари).

Дневни припејд карти: Во Зона 1 цената се зголемува на 1.000 денари, а во Зона 2 на 900 денари.

Бизнис карти (правни лица): Месечната мобилна бизнес карта поскапува на 2.500 денари.

За вработени во фирми во Општина Центар: Цената на месечниот билет се зголемува од 2.000 на 3.000 денари.

Службени возила на затворени паркиралишта: Новата месечна цена изнесува 4.000 денари.

Поскапо ќе се плаќа и за услугата на „пајак“ службата за подигнување на непрописно паркирано возило. Сопствениците на ваквите возила наместо досегашните 3.500 денари, сега ќе наплаќаат 4.000 денари.

Од претпријатето велат дека, средствата ќе се инвестираат во нова опрема, автоматска наплата, системи за читање, регистарски таблици, подобра безбедност, нови возила и подобра инфраструктура.

Тагови: ЈП Паркинзи краткото паркирање Општина Центар

Во новата епизода на серијалот „ОД НУЛА“, ни гостува еден од најактивните чинители на нашата урбана сцена – Огнен Андоновски (DJ Boogieman). Човекот кој успеа својата страст кон музиката да ја преточи во успешен бренд како Street Soul Delight, споделува искуства кои се корисни за секој креативец и претприемач.

Во овој опширен разговор, ги анализираме предизвиците на ноќниот живот, но од еден поинаков агол – организацискиот. Boogieman детално објаснува што се случува зад сцената: од моментот кога ќе се роди идејата за настан, па сè до финалниот поздрав со публиката.

Клучни теми на епизодата:

• Како да се изгради стил кој е препознатлив по првите неколку бита?
• Дали денес е потешко да се пробиеш како DJ и колку селекцијата на музика е стратешка одлука?
• Каде се движи ноќниот живот во Скопје и каква е иднината на Street Soul движењето кај нас?

Дознајте како еден артист успева да биде и стратег во сопствената кариера, останувајќи верен на своите вредности и визија. Разговор полн со знаење, искуство и искреност.
Целата епизода е достапна на нашиот Youtube канал:

Тагови: креативност музикотерапија Од нула DJ Boogieman