Како да се заштитите од грип доколку некој од колегите е болен?

Болеста во просек трае околу една недела, а доколку сте болни треба да се изолирате во посебна просторија со цел да ја намалите можноста од зараза на тие околу вас. Канцеларијата во која се наоѓате треба често да се проветрува, а лекарите препорачуваат и носење на маска за лице.

Доколку сакате да ги намалите шансите од зараза, почесто мијте ги рацете со сапун и вода. Исто така, хранете се здраво и правете паузи на чист воздух. Одбегнувајте контакт со колегите кои кашлаат или киваат и избегнувајте ракување и бакнување.

Најдобро е да се избегнуваат затворените простории во кои има поголем број на луѓе бидејќи можноста за ширење на заразата станува поголема. Тоа е особено важно доколку имате слаб имунитет.

Во денешната економија, луѓето се највредната карактеристика на една компанија и губењето на талентирани вработени може да биде екстремно скапо. Лазло Бок, потпретседателот на Секторот за човечки ресурси на Google и автор на новата книга „Работата е одлична!“ во едно панел интервју се изјаснува дека најголем дел од компаниите не знаат како да ги задржат своите најквалитетни ресурси, луѓето. 

„Луѓето не остануваат поради парите,“ вели Бок, забележувајчи дека повеќе од една третина од првите вработени во Google се уште се вработени во Google. 

Според Бок, луѓето остануваат во една компанија поради следниве две причини:

1. Квалитетот на луѓето со кои работат

„Поради ова, вработувањето и целиот процес на вработување е многу важен“, објаснува тој. Google поставува високи стандарди за секој кој го вработува. Без разлика дали аплицирате за административен асистент или за сениор инженер, секој кандидат е набљудуван од неговиот потенцијален претпоставен, потенцијални колеги, комисија за вработување и на крајот, Генералниот директор на Google, Лери Пејџ.

2. Корисноста од нивната работа

„Луѓето сакаат да направат нешто повеќе од само пари“, вели Бок. „Луѓето сакаат да работат нешто што има одредена вредност, што е значајно.“ Дополнително на ова, споделувањето на чувство на цел на вашите вработени има огромни бенефиции. Тој открил дека кога се способни да ја поврзат нивната работа со нешто значајно, нивото на продуктивност се зголемува за пет пати повеќе. 

Интересни се останатите бенефиции по кои Google e надалеку познат - бесплатни гурмански оброци, масажи како и хемиско чистење, кои е одлично за една фирма да ги овозможува, но не се пресудни. 

„Вистината позади сите тие бенефиции е дека всушност тие не ги задржуваат ниту привлекуваат луѓето,“ според Бок. Додека бенефициите може да овозможат зголемена ефикасност, чувство на култура во компанијата како и добредојдена и пријатна атмосфера, тој верува дека на крајот на краиштата, овие бенефиции нема да го променат мислењето на вработениот кој е одлучен да ја напушти компанијата.

Берлин е седмиот рангиран град во Европа за поддршка на дигиталното претприемништво, според Европскиот Дигитален Индекс. 

Погледнете го видеото за тоа колку всушност Берлин е развиен во тој поглед: https://www.facebook.com/foundcenter/videos/735287580002341/

Што мислите за девојките кои станале жени и мајки пред да ја започнат својата кариера? Или пак никогаш немале време да се изразат во она што го прават најдобро на бизнис план?

Од друга страна, од биолошка гледна точка, дваесеттите се најдобрите години за мајчинство. Со социјалните промени и еманципацијата на припадничките на понежниот пол, добата за првата бременост значително се помести, што не значи дека и женското тело се прилагоди на истото.

Според статистиките, процентот на првородени деца кои на свет ги донеле мајки над 30 години, бележи драстичен пораст во однос на минатото, додека бројот на породувања после 35-тата година, пак, речиси двојно е зголемен во последните неколку децении.

Жената се чувствува свежо и полетно, па полесно ги поднесува и бројните непроспиени ноќи покрај детето, за ралика од тие во 30-тите, а особено во споредба со постарите жени.

Кај жените во раните дваесетти, поголеми се и шансите на свет да донесат дете со премала тежина, што во најголема мера е последица на лошите здравствени навики.

Тие почесто пушат, послабо се хранат и ја одложуваат пренаталната нега, односно добиваат помалку на тежина од препорачаното, за разлика од жените кои се постари од 25 години.

Од друга страна, иако за здравјето на мајката и детето е најдобро да забремени во 20-тите години, тоа е и периодот во кој жените се образуваат и градат кариера.

Бидејќи живееме во модерно општество и жените имаат право на своја одлука кога ќе го започнат своето семејство, размислете што ќе ви донесе оваа животна одлука и во кој момент за вас ќе биде најдобро да го направите тоа.

Децата и семејството се најубавите дарови кои ни ги носи животот и важно е да се дојдени во вистински момент!