Твитер одлучи двојно да ја зголеми максималната должина на пораките, односно од 140 на 280 карактери, соопшти американската компанија.

Веста претставува миниреволуција за социјалната мрежа, која спроведе тестирање во септември меѓу своите корисници.

– Наша цел е да го направиме тоа, а истовремено да ја гарантираме брзината и кратката содржина, кои се олицетворение на Твитер. По резултатите од тестирањето со задоволство соопштуваме дека ја постигнавме целта и ќе извршиме промена на сите јазици, каде лимитот од 140 карактери им отежнува на корисниците, напиша компанијата на својот налог на Твитер.

Продолжувањето на твитовите ќе се однесува само за пораките со латински букви, напоменува американската компанија, бидејќи лимитот од 140 знаци веројатно им претставува проблем пред се на корисниците кои пишуваат на англиски, шпански, португалски или француски јазик, за разлика од оние кои пишуваат на јапонски, корејски или кинески јазик.

Владата на вчерашната седница го укина Ден на дрвото поради слаб ефект од досегашното пошумување.

Според првичните анализи, во изминативе години на 13.000 хектари биле засадени 35 милиони садници. Ефектот од нив се движи 0 до само 15 отсто, односно на многу е мал процентот на успешно засадени дрва. Владата го задолжила ЈП „Македонки шуми“ да достави сеопфатна информација за ефектите од оваа акција.

Акцијата Ден на дрво – Засади ја својата иднина, започна во август 2007 година, кога оперскиот пејач Борис Трајанов, поттикна проект за масовно засадување на голините и опустошените планини. Владата го прифати овој предлог на Трајанов и оттогаш секоја година организираше акции за садење дрва, а денот беше неработен.

Џули Брискман добила отказ од работа поради фотографијата на која таа му покажува среден прст на американскиот претседател Доналд Трамп, кој се враќал од играње голф недалеку од Вашингтон.

Фотографијата направена од фотографот на Белата куќа предизвика лавина коментари на социјалните мрежи.

На компанијата „Акима“, која е владин изведувач, не ѝ се допаѓала оваа ситуација, па Брикман е отпуштена од работа.

Како што ѝ кажале нејзините работодавци, со објавувањето на фотографијата на своите профили на „Твитер“ и на „Фејсбук“ оваа 50-годишна мајка на две деца ги прекршила правилата на компанијата во врска со социјалните медиуми.

Брискман се јавила во Американската унија за граѓански слободи и, како што вели, повторно би го сторила истото.

Повеќето луѓе ги сметаат парите како главна мотивација, но односот на менаџерот е исто така клуч за начинот на кој работат вработените. Важно е на тимот да му покаже дека е вредно што неговите напори се забележани дека тој има вистински ефект врз неговата работа.

За таа цел, шефовите не треба да ја чуваат својата пофалба кога ќе биде заслужена. Inc.com дава пример со неколку реченици, што е добро за секој шеф често да ги каже.

Пофалба за одредена задача

1. "Знам дека анализата на овие податоци е многу тешка и одзема многу време. Сте направиле одлична работа!"

2. "Убаво е што успеавте да го научите вашиот нов колега да работи толку брзо, а тоа многу му помогна на тимот!"

Пофалба за квалитети

3. "Вашиот позитивизам навистина создава пријатна атмосфера во канцеларијата!"

4. "Мирот со кој се соочи по напната ситуација вчера, беше исклучително важно. Тоа помогна и на останатите да не паничарат, туку да се фокусираат на најважните работи!"

Пофалба за придонес

5. "Вашето присуство тука беше клучен фактор во развојот на компанијата. Без вас, немаше да постигнеме таков успех!"

Пофалби кои покажуваат дека мислењето на вработениот е ценето

6. "Имаме важен состанок денес. Ќе ми биде драго да присуствуваш, бидејќи си добар експерт во областа и идеите ти се многу оригинални!"

Пофалби придружени со награди

7. "Оваа недела работеше напорно, може да земеш слободен ден во следната".

8. "Во последните три месеци Ти издржа најмногу работа на грбот. Затоа од фирмата сакаме да ти подариме одмор за време на викендот."