Eконалепница во соодветна боја ќе добие секое возило според тоа колку го загадува воздухот и по потреба ќе се исклучува од сообраќај. Ова по средбата со градоначалниците од скопските општини и министерот за животна средина, Садула Дураку, го најави градоначалникот на Скопје, Петре Шилегов.

Шилегов рече дека Градот Скопје и Министерството за внатрешни работи подготвуваат законски измени со кои при технички преглед на возилата ќе се мери количеството и составот на издувните гасови што ги испуштаат и врз основа на тој параметар да добијат соодветна еколошка налепница во зависност колку учествуваат во загадување на воздухот. „Идејата е да се мапираат возилата во целата држава. Да добијат соодветна еконалепница, која ќе има соодветна боја, за да можам како градоначалник административно да забранам движење во одреден период на оние возила што најмногу загадуваат, на пример, оние со црвена налепница. Правиме анализа на категоризација на возилата според издувните гасови во согласност со правилата на Европската комисија“, рече Шилегов. Градоначалникот рече дека очекува до крајот на идната година да бидат мапирани и обележани сите возила.

Растењето на деца во овој брз и модерен свет не е воопшто лесна работа. На страна од работните обврски сите ние мораме да најдеме време и за родителството.

Најдобри земји се Финска и Естонија бидејќи таму има најголемо почитување кон вработените родители. Финска е прва по бројот на бодови за платено годишно отсуство, а Естонија е на второ мето со најдобар резултат во категоријата платено породилно отсуство. Тие даваат 85 недели со полна плата.

Иако важат за една од најразвиените нации, САД се најлоша земја за родители кои работата. Лошо им се организирани деновите за платено отсуство на родителите, а работодавците воопшто не плаќаат за денови отуство поради семејни или родителски проблеми.

Судејќи според SquareTrade, компанија која се занимава со продажба на заштитни планови за паметни телефони, сопствениците на новиот iPhone треба да бидат посебно внимателни и да не дозволат телефонот да им падне од рака. 

Најновиот телефон на Apple е креиран со „најиздржливото стакло било кога вградено во паметен телефон“. Но, нема да издржи посериозна штета. 

Видеа од повеќе тестови за паѓање на iPhone X се појавиле на Интернет во последната недела. Воопшто не е изненадување дека телефонот се кршел целосно кога го допирал подот. Според SquareTrade, iPhone X e најкршливиот телефон што постои.

Погледнете неколку видеа на следниот линк за кршливоста на iPhone X: https://www.entrepreneur.com/article/304311

Како што работодавачите ги избегнуваат грешките кои може да се појават со регрутирањето, го стеснуваат изборот на вештини и го забрзуваат процесот на вработување, така се почесто се појавуаат најсовремени решенија.

Што е тоа што треба да го бараат регрутерите и вработените во секторот за човечки ресурси наредна година? Многу од решенијата се засновани на технологијата, но има и дел од нив кои се потпираат како на човековата интелигенција така и на вештачката. 

1. Предвидувачки анализи - Што ако може да предвидете, со задржана доза на веродостојност, кој од десет кандидати ќе биде најдобар за вашата организација? Во истражување направено во Далас во САД кое било спроведено врз близу 200 професионалци за човечки ресурси, сите се изјасниле јасно дека има подобар начин за вработување и започнува со предвидувачките анализи. Од тие 200 вработени, 95% изјавиле дека овој вид на анализи ќе им биде од многу голема помош. Со овој вид на работни анализи, компаниите може да го мерат влијанието на растењето на профит преку имплементирањето на оваа ставка во секторот за човечки ресурси и да забележат дека има огромен удел во успехот и профитабилноста на компанијата.

2. Разновидно вработување - Дискриминацијата на работното место не е ниту нова ниту ретка. 

„Најдобрите регрутери ќе разберат дека овој труд е многу повеќе од само следење на правила или почитување на регулации. Вистинската разновидност е за прифаќање на концептот да се биде сеприфатлив и за препознавање на вредноста која разноликоста во работниот простор може да ја збогати компанијата и да ја зголеми продуктивноста„ 

Ова го изјавува Мириам Душејн, директор за менаџирање на регрутерска фирма во Њујорк. Овој концепт, како што е увидено, многу од компаниите го прифаќаат и употребуваат. 

3. Темелно размислување за огласите за работа - Агенциите кои објавуваат огласи за работа кои имаат дискриминирачка содржина треба да внимаваат на својата работа. SAP, на пример, неодамна објави софтвер кој ги одбележува зборови кои се пристрасни во огласите за работа и ги заменува со неутрални зборови.