Прашањето „Како да се препознае кога еден вработен има премногу работа?“ е сосема легитимно. Во зависност од работодавачот, возможно е да се бара што е можно повеќе се додека количината на обврски и работа стане неподнослива. И покрај ова, сопствениците често знаат да паднат во стапицата да им дадат прекумерна работа на нивните најдобри вработени. Сепак, тие се вашите најдобри вработени и вие сакате тие да имаат и повеќе обврски и квалитетот на работа да остане ист. 

Но, неспособноста за менаџирање на работните обврски може да го зголеми стресот кај вработените, крвниот притисок и кардиоваскуларните болести, нестабилноста во семејството и несреќите на работно место. Дополнително на ова, вработените кои се чувствуваат како да имаат премногу работа и не се ценети често даваат отказ, во потрага по подобра ситуација. 

Колку часа се премногу часа? Одредени студии покажуваат дека работењето повеќе од 50 - 55 часа неделно е поврзано со проблеми со здравјето, пониска продуктивност, и зголемена конзумација на алкохол. 

Прочитајте ги следниве совети од KARIERA.mk за предупредувачките знаци кога ваш вработен е пренатрупан со работа:

• Луѓе кои работат навечер, рано наутро и за време на викенди

Обрнете внимание на времето кога вашите вработени доаѓаат и си одат од работа. Понекогаш, сигурносните системи може да ја содржат оваа информација. Ако забележите зголемување во работните часови, можеби е време да извршите проверка на работата. Да, постојат одредени работни позиции каде дополнителните работни часови може да се бидат појава, ако е сезонска работа или ако се празници. Но, ако не постои крај на постојаната прекувремена работа, тогаш треба да паузирате и да ги испитате работните задачи на вашите вработени. 

• Луѓе кои пропуштаат семејни обврски поради работата

Ако слушнете дека вработените пропуштаат семејни обврски поради тоа што чувствуваат дека не можат да одвојат време поради нивната работа, големи се шансите дека тоа е индикатор за прекумерното работење. Доколку не се превземат мерки за решавање на ваквите ситуации, многу е веројатно дека вашиот вработен може да си даде отказ и да се вработи во фирма која му ја овозможува оваа слобода. 

• Вработените ви се чинат поемотивни

Кога луѓето се чувствуваат дека работат премногу, резултатот може да биде проблеми со спиењето и гореспоменатото, проблеми со семејството. Исто така, можно е повеќе драматични ситуации во канцелариите на работа. Зачестената нервоза, нестрпливост, можеби и нецелосно извршување на задачите може да се знаци за прекумерна работа. Причините може да се страв од одбивање или неуспех, но решението не е прекумерна работа. Решението е во заблагодарување за завршената работа, за вработениот да знае дека вие како работодавач го/ја цените завршената работа. 

• Намалување на квалитетот

Истражувањата покажуваат дека прекумерната работа предизвикува непоправливи резултати. Подолгото работење на вработените е причина за неефективното работење, поради недостатокот на одмор. Луѓето кои ја користат паузата или одморот кој им следува се многу попродуктивни. Ако забележите зголемување на бројот на грешки на вашето работно место, погледнете ги работните часови. 

• Доброволниот придонес се намалува 

Ако искусувате високо ниво на намалување на доброволната работа од страна на вработените (особено високо квалификуваните вработени), тогаш е време за намалување на работните обврски. Талентираните вработени кои се мотивирани и амбициозни доброволно се пријавуваат за дополнителни задачи кои го крадат нивното време. Меѓутоа, ако овие задачи ги спречуваат во секојдневниот живот, особено семејните обврски, не добиваат покачување или унапредување или не се чувствуваат ценети во компанијата, тие исти вработени може да одлучат да продолжат понатаму.

Кога ќе се случи ова е предоцна. Со вашите најдобри вработени, внимавајте особено на спомнатите знаци и држете ги работните обврски на разумно ниво. 

Иако стапи во сила во 2007 година, дури од пред три години Министерството за внатрешни почна да дели прекршочни пријави за несменето презиме во патна исправа. Моминското презиме на невестите во пасошот ги чини од 100 до 500 евра.

Според информациите на МВР, досега постојано се изрекуваат прекршочни мерки токму поради оваа причина. Нема ниту една казна од 500 евра, казните најмногу изнесуваат 100 евра. Инспекторите најчесто делат опомени за тие што не ја напуштиле земјата или пасошoт го искористиле само за медениот месец.

Граѓаните се соочуваат со казни и кога ќе стигнат на шалтер на одделението за патни исправи. Оттаму се повикани на разговор со инспектор. Доколку пасошот е искористен, од страна на МВР следува глоба. Ако не се плати во рок од осум дена, прекршочната пријава се испраќа до судија за прекршоци.

Во Законот за патни исправи е предвиден рок од 30 дена за промена на патните исправи доколку има промена на лични податоци.

Иако хрватските граѓани во Германија може да работат илегално, и денес од Хрватска заминуваат таму на работа „на црно“.

Еден хрватски полицаец (46) во пензија е еден од нив.

Веќе шест години е во пензија и во текот на тие шест години два до три пати годишно заминува на работа во Германија. Иако е уште релативно млад, не може да се пресели во Германија и бара легална работа бидејќи е во пензија па не би смеел да работи целосно работно време, а така максимално би можел да заработи 1000 евра.

Тој за хрватски Дојче вели опишал како функционира работата „на црно“ во Германија. Од очигледни причини одлучил својата приказна да ја раскаже анонимно. За работата на црно во Германија се одлучил од финансиски причини.

Работи за Германци бидејќи Хрватите мамат

Како вели, во 90 отсто од случаите работи во градежништво, а освен адаптација на станови и куќи, илегалните работници се ангажираат и на работи како уредување на околина, одржување на паркови и шуми, предградија. Како вели мнозинството инсистираат да работат за Германци бидејќи Хрватите многу ги измамуваат.

„Никаде не одам сам туку одиме во групи. Ако работиш кај „наши луѓе“ во 50 отсто од случаите ќе ти се случи нешто лошо, односно во 50 посто од случаите нема да бидеш платен. Ти кинат на дневница, на плаќање, на се што можат“, продолжува тој.

Како функционира се?

„Германските компании ги ангажираат нашите луѓе да им донесат работници на црно. Да речеме, германска компанија има градежен проект кој мора да се заврши во одреден рок и има потреба од работници како тоа би се завршило, а тие да избегнат да платат дел од давачките за државата. Дел од работниците секогаш работат легално. Тогаш ангажираат наши луѓе да им донесат број на работници кои им требаат. Тие луѓе доаѓаат кај нас и ангажираат помеѓу 10 и 50 од нас“, колку требаат.

Одиме „горе“ (се мисли на Германија) и работиме, поставаме вода, струја, канализација, уредуваме фасади, работиме во затворени простории. Речиси никогаш не се работи на отворено. Работата се извршува на затворено, се добива смествување и храна а дневницата до цент се исплаќа како што е договорена. Неретко се добива и награда за извршената работа-објаснува тој за Дојче веле.

Се додава како по тура може да се заработат и до 2000 евра. Работата во сабота е платена дупло па така по една сабота може да се заработат и по 200 евра. Се работи по осум часа до десет секој ден и така месечно, вели, може да се заработат и до 2300 евра. 

На крај заклучува дека работата во Германија е сепак само за оние кои навистина сакаат да работат. 

Двајца сурфери од Австралија дизајнирале автоматска корпа која го вшмукува сметот од водата во океанот, како и пристаништата. Ова евтино и едноставно решение може да го држи под контрола нивото на ѓубре кое го има во огромни количини во океанот. 

Корпата е наречена Seabin. Уредот се содржи од огромна кофа која е поврзана со водена пумпа. Водената пумпа вшмукува вода назад во корпата, заедно со пластиката и цело останато ѓубре. Објектите кои се загадувачи остануваат заробени во мрежата која е вградена во кофата, а водата е веќе во водената пумпа и тука се издвојува било какво масло кое може да постои. Чистата, незагадена вода е потоа повторно пуштена во океанот преку друга цевка. 

Според дизајнерите, овој вид на корпа не е штетен за рибите бидејќи само објекти кои лебдат на површината на океанот се вшмукувани. Во октомври оваа година Велика Британија ја добила својата прва корпа од овој вид. Секоја корпа може да собере околу 1,5 килограм ѓубре на ден и може да издржи до 12 килограми. Тоа е еднакво на 20,000 пластични шишиња или на 83,000 пластични ќесиња на годишно ниво. 

Една корпа чини 3,957 долари. Шпанија и Финска исто така се на листата за купување на оваа корпа, која се покажува многу ефективна за справување со загадувањето на океанот. 

Погледнете и видео на следниот линк: https://www.engadget.com/2017/10/11/seabin-portsmouth-harbour/