Изборот на кариера е една од најважните одлуки што ги носиме во животот, но често луѓето ја темелат само на моменталната плата или популарноста на одредена професија. Иако овие фактори се важни, подеднакво важно е да размислите дали работата одговара на вашите интереси, способности и вредности. Кариера што ве исполнува на долг рок е онаа во која ќе имате можност да учите, да напредувате и да се чувствувате мотивирано.

Пред да донесете одлука, истражете го пазарот на труд и побарувачката за професијата што ве интересира. Разговарајте со луѓе кои веќе работат во таа област, информирајте се за можностите за напредување и стекнете реална слика за секојдневните обврски. Не заборавајте дека добрата кариера не се гради преку ноќ таа бара постојано усовршување, стекнување нови вештини и подготвеност да се прифатат нови предизвици.

Исто така, размислете каков живот сакате да имате надвор од работното место. Работното време, флексибилноста, можностите за работа од далечина, организациската култура и балансот помеѓу приватниот и професионалниот живот се фактори што можат значително да влијаат на вашето задоволство. Најдобриот избор не е секогаш најплатената работа, туку онаа што ќе ви овозможи професионален развој, финансиска стабилност и чувство дека секој ден работите нешто што има вредност за вас.

Тагови: напредување во кариера професии

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Помлад соработник за тековни активности, Oдделение за тековни активности на претседателот на Собранието, Кабинет на претседателот на Собранието

Помошник раководител на сектор за протоколарни работи

Раководител на одделение за административно - општи работи, Одделение за административни работи, Сектор за административни работи и човечки ресурси

Раководител на oдделението за статистика и библиотека, Сектор за едукација, комуникација, статистика и библиотека, Посебна организациона единица - Парламентарен институт

Соработник за сметководствени работи, Одделение за сметководство и плаќање, Сектор за финансиски прашања

Сите останати позиции за во државна администрација можете да ги најдете ТУКА.

Тагови: државна администрација

Регулаторната комисија за енергетика (РКЕ) донесе одлука за зголемување на максималните малопродажни цени на нафтените деривати во просек за 4,55% во однос на претходната одлука донесена минатата недела, односно на 20 јули.

Новите цени ќе важат од ноќеска на полноќ.

Согласно одлуката, цената на бензинот ЕУРОСУПЕР БС-95 ќе изнесува 93 денари за литар, а ЕУРОСУПЕР БС-98 95 денари за литар, што претставува поскапување од 3 денари по литар.

Цената на ЕУРОДИЗЕЛ БС (Д-Е V) се зголемува за 4,5 денари и ќе изнесува 98,5 денари за литар, додека екстра лесното масло за домаќинство (ЕЛ-1) поскапува за 5 денари, на 98 денари за литар.

Поскапува и мазутот М-1 НС, чија нова максимална цена ќе изнесува 48,099 денари за килограм, односно за 2,726 денари повеќе од досегашната.

Од РКЕ информираат дека зголемувањето на цените е резултат на растот на референтните цени на светските пазари, каде што бензините поскапеле за 6,229 проценти, дизелот за 7,442 проценти, екстра лесното масло за 8,051 процент, а мазутот за 8,159 проценти. Комисијата потсетува дека станува збор за максимални малопродажни цени, а трговците можат да ги продаваат нафтените деривати и по пониски цени од утврдените.

Тагови: дизел нафтените деривати Регулаторната комисија за енергетика-(РКЕ)

Министерството за внатрешни работи од следниот месец ќе започне со примена на брзи тестови за откривање наркотични средства кај возачите за време на сообраќајните контроли. Новата мерка ќе им овозможи на полициските службеници веднаш на терен да проверат дали постои сомнеж дека некој управува возило под дејство на дрога, а резултатите ќе бидат достапни за само три до десет минути со брис од плунка.

МВР веќе набавило почетна количина од 10.000 тестови, кои се очекува да пристигнат на почетокот на август. Цената на еден тест изнесува 218 денари, а набавката е дел од двегодишна рамковна спогодба со максимална вредност до 80.000 евра. Според достапните податоци, тестовите имаат точност од 99 проценти и можат да се користат и без посебно медицинско знаење.

Со еден примерок од плунка ќе може да се открие присуство на седум видови психоактивни супстанции, меѓу кои кокаин, амфетамин, метамфетамин, опијати, екстази, седативи и ТХЦ. Со ова, полицијата ќе може побрзо да утврди дали возачите се под дејство на дрога уште на самото место на контролата, без долго чекање за првични резултати.

Тагови: Македонија Министерството за внатрешни работи-(МВР) тестови за дрога