Веднаш по новогодишните празници на сила стапува законското решение со се предвидува да не може веќе да се блокираат сметки без најава. Ова е предвидено во измените на законот за извршување кои нема да имаат можност за одложување. Од новите правила корист ќе имаат доверителите, должниците но и самите извршители.

Со новите измени се предвидува пред да се донесе одлука за блокирање на сметката должникот да биде известен за тоа и тој да добие рок од три дена да го подмири долгот. Ако и по ова последно предупредување не го плати долгот тогаш извршителот ќе добие дозвола да испрати налог до банката да се блокира сметката. Во исто време и должникот ќе добие известување, каде и колку должи.

Со ова се смета дека ќе се избегнат негативните критики на сметка на извршителите за директно блокирање сметки без најава. Во првите девет месеци извршителите во земјава примиле над130 илјади барања за извршување. Реализирани се нешто помалку од 30% од нив. Вкупниот износот на наплата од извршување изнесува над 76 милиони евра што споредено со ланскиот показатели се два милиони евра помалку.

Во моментов во земјава има над 100 извршители. Според комората оваа бројка е голема и не сите имаат работа. Новите измени во законот минимално ќе го намалат бројот на барања но тоа нема да затвори дел од канцелариите.

Помалите фирми и оние кои имаат финансиски потешкотии сѐ уште не исплатиле регрес за годишниот одмор, познатиот К-15.Тие имаат уште два месеци за да ја исполнат законската обврска пред да бидат казнети во вкупна вредност од 4.000 евра.

Додатокот за годишен одмор, според законот е утврден во висина од 40 % од основицата. Услов кој треба да се исполни за регресот за годишен одмор е работникот да работел најмалку 6 месеци во една календарска година кај ист работодавач. Додатокот изнесува 8.500 денари.

Фирмите треба да побараат дозвола од работниците, односно нивни претставници доколку сакаат да исплатат понизок износ од утврдениот. При тоа треба да исполнат неколку услови, главно фирмата да има проблеми во работењето, ценејќи ја нивната економско- финансиска состојба.

Посетителите и тур операторите од Романија на Саемот за туризам во Букурешт покажаа интерес за посета на Македонија имајќи ја предвид близината на двете земји и предноста што ја даваат на патувања со своето семејство во автомобил.

Ова, според Агенцијата за промоција и поддршка на туризмот, ја иницира богатата понуда на романските тур оператори за пакети во кои има вклучено и изнајмување автомобил во конкретната дестинација, додека пак повозрасните туристи најмногу ги избираат групните патувања во автобус.

ур операторите кои веќе ја имаат вклучено Македонија во нивните продажни каталози детектираат интерес кај Романците за неколкудневни зимски туризам за Македонија и Балканот, а тој интерес е најсилен во почетокот на декември.

Претставници на АППТ на овој саем за туризам остварија бројни средби со медиуми и романски тур-оператори меѓу кои и Gama travel, Geea turism, Icar travel, Vikingul saltaret, Meitner turs, HTS travel, paralela 45 turism и така натаму.

Саемот, како што информираа од Агенцијата за промоција и поддршка на туризмот (АППТ) на Република Македонија, се одржа од 12 до 15 ноември 2016 година, на кој учествуваа 223 излагачи кои својата понуда ја презентираа по 36-ти пат.

Американската Агенција за Меѓународен Развој (УСАИД) во петокот го започна Проектот за граѓанско учество (CEP), петгодишна иницијатива за поддршка на македонскиот граѓански сектор и младинските организациикои ги вклучуваат граѓаните, приватниот сектор и владините институции и засегнатите страни за прашања од јавен интерес.

Проектот ќе ги поддржи граѓанските организации и коалиции на граѓански организации фокусирани на приоритетни прашања од интерес на граѓаните на Македонија; ќе им помогне да го промовираат дијалогот; ќе организира едногодишна LEAD (Водство, Учество, Акција, Развој) програма која ќе им овозможи на мотивираните млади луѓе, вештини за да работат во рамките на нивните заедници. Исто така, LEAD ќе им овозможи на младите мажи и жени учество во јавниот живот и процесот на донесување одлуки за прашања кои влијаат на нивниот живот, заедниците и воопшто на македонското општество.

Директорот на канцеларијата за развој на УСАИД, Едвард Гонзалес, истакна дека: “Преку Проектот за граѓанско учество младите и граѓанските организации ќе се здобијат со знаење, мотивација, вредности и ќе развијат вештини кои ќе им овозможат активно да се вклучат во дијалогот со власта и приватниот сектор во акции кои ја промовираат добросостојбата во нивните заедници. ” Тој исто така истакна дека: “Целтта на УСАИД е зајакнување на комуникацијата и соработката помеѓу граѓаните и оние на кои тие им служат, како и поддршка на Граѓанските организации ефикасно да се вклучат со јавните институции и засегнатите страни.”

Проектот за граѓанско учество е имплементиран од страна на Ист Вест Менаџмент Институт (East West Management Institute- ЕWMI), во партнерство со четири граѓански организации: Фондацијата за интернет и општество “Метаморфозис”, Асоцијацијата за демократски иницијативи (АДИ), Фондацијата Отворено општество- Македонија (ФООМ), и Националниот младински совет на Македонија (НМСМ). Ист Вест Менаџмент Институте независна непрофитна организација која работи на зајакнување на демократските општества преку здружување на власта, граѓанското општество и приватниот сектор да изградат одговорни, кадарни и транспарентни институции кои им служат на граѓаните и работат за нивно добро.