Изјавата на Милена Антиќ за РТС пред Министерството за труд и социјална политика, дека работодавците во Србија не сакаат жени кои по месец дена остануваат трудни, туку жени кои ќе работат поттикна бура реакции. 

Во морето од различни приказни, имаше и една Србинка кој раскажа какво искуство има со работа во Данска. 

Се уплашив дека не сум доволно стручна кога почнав да барам работа во државите на Европската Унија, мислејќи дека немам доволно искуство и доаѓам од сиромашна држава. И за чудо ме примија и ми остануваше само да се вратам назад и да ги средам документите. Таа работа не е лесна и не трае два дена - вели оваа девојка. 

Објаснува дека биле максимално толерантни од фирмата во Данска. 

Но, откако забременила им пишала за новонастанатата состојба и мислела дека нема да сакаат да ја ангажираат. 

По ова добила одговор дека нив не ги интересира нејзиниот приватен живот, туку дали сака да работи или не. Данските работодавци одговориле дека ќе има право на она што законот го пропишува за трудници. Оваа жена е изненадена затоа што нив не ги интересирало дали е мажена или не, дали планира да раѓа деца или не. 

Поместување на стрелките на часовникот за последен пат ќе има во март 2019 година, а потоа секоја земја-членка на ЕУ ќе мора да одлучи дали ќе остане на летно или ќе се врати на зимско сметање на времето. 

Ова го наведоа од Европската комисија.

Последното задолжително поместување на часот на летно сметање ќе биде во недела, на 31 март 2019 година.

Секоја членка до април 2019 година би требало да одлучи дали ќе остане во зимско или летно сметање на времето.

Во анкетата на Европската комисија учествуваа 4,6 милиони луѓе и повеќето од нив се изјаснија против поместувањето на стрелките на часовникот.

Членките кои сакаат да се вратат на зимско сметање на времето може да направат уште едно, последно полугодишно поместување, во недела, на 27 октомври 2019 година.

По тој датум, полугодишните промени веќе нема да бидат возможни.

Швајцарија ја замени Норвешка како најдобра земја за пензионирање во светот.

Норвешка, која две години по ред ја предводеше листата на Глобалниот индекс за пензионирање (GRI) на Natixis Investment Managers, оваа година го зазема едвај третото место, зад Швајцарија и Исланд.

Првото место на Швајцарија се должи на високата оценка во категоријата квалитет на живот, благодарение на подобриот квалитет на воздухот во земјата и други еколошки фактори, стабилните финансии и доброто здравство.

Остриот пад во финансиската сфера е причина Норвешка да падне на третото место во рангирањето.

Шведска го зазема четвртото место на табелата, а Нов Зеланд е на петтото. 

Ирска влегува во првите десет за прв пат .

Меѓу првите десет од најдобрите пензионерски земји во светот се Данска, Канада и Холандија.

Сите физички лица кои во текот на 2018 година имаат остварено приход, вклучувајќи и оние што примиле само плата и пензија, треба електронски да се регистрираат во Управата за јавни приходи на системот Е-персонален данок.

Од УЈП, како што беше посочено на денешната прес-конференција, ги повикуваат граѓаните тоа да го направат поскоро и да не се чека крајниот рок 31 декември 2018 година.

Обврска за регистрација во системот имаат сите физички лица кои оствариле приходи по кој било основ – плата, регрес за годишен одмор, приходи од закуп, добивка од игри на среќа, од странство, пензија и други приходи кои подлежат на оданочување со персоналниот данок на доход заради прием на пополнетата годишна даночна пријава што од 1 јануари 2019 година ќе ја доставува УЈП.

Физичките лица ќе треба електронски да се пријават на системот e-pdd.ujp.gov.mk. Откако електронски ќе се пријават на системот потоа си ги потврдуваат податоците во УЈП.

Пополнетата годишна даночна пријава преку електронскиот систем УЈП треба да ја достави до граѓаните најдоцна до 30 април 2019 година, а граѓаните ќе треба да ги потврдат или коригираат податоците од пополнетата даночна пријава најдоцна до 31 мај 2019 година.

Во електронскиот систем досега се регистрирани 13 илјади граѓани.