Конференцијата Microsoft Визија: Reloaded, која се одржа на 17-ти и 18-ти овј месец  предизвика голем интерес кај јавноста. Организаторите информираат дека  за време на двата дена на  Microsoft Визија конференција повеќе од 350 посетители имаа можност да чујат педесетина предавања од професионалци во ИТ индустријата од земјава и  странство, како и да учествуваат во разни дискусии и панели.

Една од главните теми на конференцијата беше Дигиталната трансформација на бизнисите, а главен говорник беше Michael Kögeler, генерален директор за CEE Multi-country Europe во Microsoft, кој опфаќа 15 земји во Централна и во Источна Европа и кој со својот уникатен стил на презентирање ги воодушеви присутните. Според Kögeler, тектонските промени во информатичките технологии ја форсираат дигиталната трансформација која креаира раст, конкурентност, зголемена продуктивност и брз проток на информации преку трансформација на бизнис процесот, трансформација на продуктите и начинот на интеракција со клиентите и вработените.

На Македонија и недостасуваше Визија, а овие два дена само го потврдија тоа. Мериот беше претесен за да ги собере на едно место сите заинтересирани ИТ и бизнис професионалци кои што имаа можност да ја откријат целата приказна за дигиталната трансформација и да ги дознаат потенцијалите и можностите за зголемување на продуктивноста користејќи ја технологијата во рацете на бизнисот. Овие два возбудливи дена само ни даваат поттик за да работиме уште од сега за следната Microsoft Визија: Reloaded 2017, изјави Љупчо Георгиев, директор на Microsoft Македонија и Косово.

Во рамки на Microsoft Визија: Reloaded се одржа и Device Days, традиционален настан кој Microsoft секоја година го прави за своите партнери. За време на Device Days беа претставени новите функционалности на Windows 10 Pro како и новите уреди со Windows 10 достапни во Македонија. Исто така беше претставен и новиот Windows Server 2016 како и разни бизнис сценарија за компаниите од сите сектори.

На конференцијата, помеѓу сите активности, Microsoft Македонија во соработка со Цертиадриа обезбеди и бесплатни ваучери за 30 кандидати вработени во јавната администрација кои на самото место го полагаa испитот Microsoft Office Specialist.

Стратешки партнер на конференцијата беше компанијата Nextsense, а ексклузивен партнер компанијата IT Labs, додека златни партнери беа компаниите Cacttus, VEEAM, TDK и RRC.

Хрватска бара 12.000 странски работници, иако се прогнозираше дека догодина ќе им требаат  2300 работници. 

Според пишувањата на Слободна Далмација, на Хрватска и недостигаат занаетчии и мајстори и тоа е горлив проблем на земјата. 

Побарувачката на работна дила брзо порасна. Се бараат ѕидари, тесари. месари, готвачи, келнери, возачи за северна Хрватска и други кадри. Посебно фалат луѓе кои би управувале со камиони и автобуси. 

Се смета дека решението за овој проблем е „увоз“ на работници, но и дуално образование. 

Населението во Хрватска бега од неатрактивните професии, а иако платите во Хрватска се поголеми од оние во Унгарија, Романија, Бугарија, Србија и Македонија, се чини дека тоа не е доволно странските работници да се задржат. 

Централната банка на Шведска ги разгледува можностите за воведување на електронска валута е-круна. Банката размислува електронската валута да ја пушти во оптек во наредните две години, а причината за тоа е падот на готовинското плаќање во земјата.

Во најстарата централна банка на светот велат дека се уште не ја донеле конечната одлука, бидејќи претходно треба да се решат правните и технички прашања.

Иако издавањето на е-круната може на прв поглед да се чини едноставно, тоа за централните банки е нешто новo и ниту една досега не го направила тоа, истакнува вицегувернерката на Риксбанка, Сесилија Скингслеј.

Таа потсетува дека Шведска не е единствената земја која размислува за дигитална валута и како пример ја наведе Банката на Англија.

Од 2009 година количината на монетите и банкнотите во Шведска паднала за 40%. За сметка на тоа има бум на онлајн купувања со банкарски картички. Сепак Шведска ја разгледува електронската валута само како дополнување. Традиционалните парични средства ќе останат да се применуваат.

Во централната банка на Шведска веќе се испитувале блокчејн технологијата. Во текот на летото со нејзина помош е тестиран системот за регистрација и сметководство на правото на користење и сопственост на земјиште, а исто така и за правење на дигитален катастар на земјиштето во нордиската држава. Новиот метод ќе го намали ризикот од злоупотреби при трансакции.

1583,2 тони злато достигнаа резервите од злато на Руската централна банка (ЦБР), соопштува „Прајм". 

Само во октомври тие се зголемени за рекордни 40,4 тони. Вредноста по берзански цени била за 64,431 милијарди долари.

Во септември ЦБР купила 15,6 тони злато, во август 21,8 тони, во јули се стекнати - 6,22 тони од благородни метали, во јуни - 18,7 тони, во мај - 3,1 тони, во март и април по 15,6 тони, во февруари - 9,3 тони, а во јануари - 21,8 тони.

Во последните десетина години Руската централна банка ги зголемува резервите од злато. На почетокот на 2007 година, обемот им бил 402 тони, а сега се над 3 пати повеќе.