Возачите секогаш треба да го имаат во предвид фактот дека во зима снегот и мразот се оние кои го диктираат начинот на однесување во сообраќаjот, а возачите се тие кои треба да се прилагодат на нив и на условите за возење кои ги создаваат.

РСБСП со нови корисни совети за возачите, поврзани со возење во услови на снег.

Не е мал бројот на случаи кога безбедноста на оние кои се зад воланот не е директно поврзана со техничката исправност на возилото и користењето зимски гуми, туку со прегледноста на возачот во возилото, психофизичката подготвеност на возачите, облеката што ја имаат на себе, информираноста итн.

Совет број 1: Исчистете го целиот снег од возилото

Во брзање на време да стигнат до саканата дестинација, возачите често го чистат само оној дел од возилото кој им е најпотребен, односно доволно да можат да гледаат надвор од прозорите.       Но, тоа е многу лоша навика бидејќи освен тоа што тие треба да гледаат прегледно надвор од возилото, и другите возачи треба да имаат можност да го видат нивното возило, светлата, трепкачите, стоп светлата кога запира итн.. Исто така, снежната покривка која останала на возилото, може да се разлета и привремено да го заслепи возачот кој доаѓа од спротивната насока.

Совет број 2:  Не возете со тешки чизми

Чизмите се неопходни во студените денови и кога има натрупано многу снег на патот, но тие може да го отежнат возењето и да оневозможат возачот да го има потребното чувство на сопирачките и на педалата за гас. Затоа, ако сте во можност, ставете уште еден дополнителен пар чевли или патики во возилото и менувајте ги пред да излезете од него. Ова ќе ви овозможи да добиете подобро чувство на педалите, а воедно ќе ви овозможи подобра стабилност на ногата. Овој совет е особено корисен ако патувате на подолга дестинација.

Совет број 3: Возење со „тешки“ алишта

Сѐ што е тешко, големо и гломазно, ви го отежнува возењето. Големиот и дебел капут повеќе ќе ви пречи во возењето, отколку што ќе ве стопли. Затоа пред да седнете зад воланот, соблечете се и раскомотете се доволно да не се чувствувате тромаво и затегнато, а палтото оставете го на задното седиште од автомобилот. Само така ќе можете слободно да маневрирате со воланот и менувачот, да се поместите во седиштето и да бидете фокусирани на она што се случува на патот.

Совет број 4: Возете одморени и здрави

Како во летните месеци, така и во зима, важи истото правило: секогаш кога ќе седнете зад воланот бидете одморени и психофизички здрави. Во случај кога не сте спремни за патување, не ја предизвикувајте судбината и избегнувајте да возите. Во зима важи уште едно правило: не седнувајте зад воланот доколку не сте доволно искусни за возење во зимски услови или не сте психички спремни. Во тој случај, ги советуваме возачите добро да размислат за важноста и итноста на патувањето, а доколку е неодложно, да ги земат предвид алтернативните можности за превоз (автобус, воз, такси итн).

Совет број 5: Внимателно бирајте го местото за паркирање

Паркирањето во услови на мраз и снег е важен момент на кој треба да му се посвети големо внимание. Паркирањето општо претставува голем проблем за сите возачи, а посебно  во овој дел од годината. Најпрво, бидете смирени и без паника. Кога паркирате надвор од својата гаража, внимателно одберете место каде ќе паркирате и одбегнувајте паркирање на угорнина или надолнина. Стартувањето на возилото и неговото почетно движење е ризично особено за неискусните возачи. Секогаш бирајте порамни места за паркирање и доколку сте во можност поставете песок или тврд предмет под тркалата за да го олесните почетното вртење на тркалата. За оние возачи кои паркираат во гаража РСБСП потсетува: не го загревајте автомобилот во затворен простор поради опасниот и отровен јаглерод моноксид. Исто така, како возач, мора да знаете дека доколку возилото остане заглавено во снег, возачот треба да ги провери издувниуте цевки - ауспухот да не биде прекриен со снег. Блокираните издувни цевки може да предизвикаат навлегување на токсичниот јаглерод-моноксид во автомобилот .

РСБСП до сите возачи апелира да ги почитуваат дадените совети за да си го олеснат патувањето и безбедно да стигнат до саканата дестинација. Почитувајте ги ограничувањата на брзината, предупредувањата за условите на патот и запомнете, во зима треба да возите многу побавно и да ја прилагодувате брзината на условите на патот.

Бидете внимателни за вас и за оние околу вас, возете одговорно и секогаш чувствувајте се безбедно во вашите возила.

Државјаните на земјите од Западен Балкан во иднина ќе мораат преку интернет од Европската Унија да побараат дозвола за влез во Шенген зоната и иако не им е потребна виза за патување да платат такса од 7 евра – предвидуваат новите мерки кои ЕУ ги воведе за многу построг надзор на надворешните граници на Унијата.

Откако беше потврдена од Европскиот парламент, а потоа и усвоена од страна на Советот на министри на Унијата, мерката ќе стапи на сила од јануари 2021 година како дел од ЕТИАС системот.

Со мерката ќе бидат опфатени сите државјани на земјите кои не се членки на ЕУ, на кои ќе им биде потребна виза во Шенген просторот на ЕУ, вклучувајќи ги и земјите од Западен Балкан.

Како ќе изгледа целата процедура?

Откако ќе поднесе барање, патникот мора во рок од 96 часа да добие одговор дали неговата дозвола ќе биде издадена. Таа ќе важи 3 години, односно до крајот на важноста на патните документи.

Во самото образложение на овие мерки е наведено дека авиопревозниците и бродарските компании пред качување на патниците ќе мора да проверат дали тие располагаат со важечка дозвола за премин на границата на Унијата и влез во Шенген зоната.

Инаку, Македонските државјани наместо со патна исправа, може да патуваат со важечка лична карта во Албанија, Црна Гора, Косово и Србија. Ако сакате да уживате во убавините на Јадранското Море, можете да стигнете до Албанија и Црна Гора и без пасош.

Со овие држави Македонија има потпишано билатерални договори.

Доколку се одлучите набрзо да патувате надвор од границите на Македонија треба да поседувате доволно парични средства (во готово, кредитни картички, травел чекови и слично) за издржување во планираниот период за престојот во странство.

За доволно парични средства не е пропишана сума бидејќи таа е индивидуална во однос на стандардот на земјата каде што се патува но вообичаено е да се пресметува педесет (50) евра од ден.

Средствата може да бидат во готовина, травел чекови и кредитни картички кои ги поседува граѓанинот и валиден документ од банка за поседување парични средства.

Во изминатите неколку години повеќе студии се занимаваа со темата осумчасовно работно време, за кое се установи дека едноставно не функционира. Резултатите од овие студии покажаа дека должината на траењето на работното време нема никаква врска со ефикасноста и продуктивноста. Па тогаш од каде произлегла темата за осумчасовно работно време?

Кампањата ја покренал социјалниот реформатор Роберт Овен во 1810 година во време кога фабриките работеле по 24 часа, а работниците најчесто работеле по 10 до 15 часа на ден. Тогаш Овен го измислил слоганот „Осум часа работа, осум часа одмор, осум часа спиење“, а во 1926 година, повеќе од еден век подоцна, компанијата „Форд мотор“ стана правата компанија што воведе три смени во работењето, со осумчасовно работно време, при што двојно ги зголемила платите на вработените.

Денес, осумчасовното работно време дефинитивно е застарен концепт.

Истражувачот на циклусите на сонот, Натаниел Клејтман, открил нешто што се нарекува „основен циклус на одмарање“, сфаќајќи дека нашите тела функционираат на дваесетминутен период во текот на ноќта меѓу длабок и лесен сон. Тоа истото се случува и во текот на денот, нашата повисока и пониска будност се менуваат во истиот период, па затоа ни се потребни повеќе паузи за да бидеме попродуктивни.

Доктор Трејвис Брејдери ја предложил следнава алтернатива: идеалниот однос меѓу работењето и одморот би бил: 52 минути работа и 17 минути одмор. Луѓето што вака го одржувале овој баланс имале завидно ниво на фокусираност на работата.

Новинарот Овен Џонс предложил да се работи четири дена неделно, а неговиот колега од „Гардијан“ ја застапува идејата за четиричасовен работен ден.

Според последните проекции на ОН, Македонија ќе регистрира огромен пад на населението до 2100 година, односно 28,78 отсто од своето население. Според процентот Македонија е на 24 место во светот според големината на падот. Од 2,088 милиони жители, тогаш ќе има 1,487 милиони.

Најголем пад кај населението е предвиден за Молдавија (53,8 проценти), потоа Бугарија (50,5 проценти) и БиХ на третото место.

Користејќи ја средната вредност на променливите на варијаблите, ОН предвидува дека најголемото намалување на популацијата ќе биде забележано во земјите од Балканот и Источна Европа. Според проекциите, во 2100 година, првите 30 земји загубат во просек 38,5 проценти од населението, Хрватска 37,2 проценти, Црна Гора 30,2 проценти и Македонија 28,8 проценти.

Најголем пораст на населението се предвидува главно во африканските земји (во првите 30 само Ирак и Палестина не се од африканскиот континент). Се предвидува дека населението во Нигер ќе се зголеми за 761 проценти во 2100 година од сегашните 24 милиони на 209 милиони.

Замбија предвидува зголемување од 455 отсто, а во Танзанија 380 отсто.