Истражувањата на Светскиот економски форум покажаа дека фискалната криза е водечки ризик за водење бизнис на глобално ниво. Истражувањето, во кое учествуваа 13.000 деловни лидери во повеќе од 130 земји, ги наведе сајбер нападите како втор најголем предизвик.

Невработеноста  дојде на третото место и шок цените на енергијата се најдоа на четвртото место. Овие ризици имаат силни врски со социјално нарушување и придонесуваат за „неуспех на националното управување“, на петтото место и длабока социјална нестабилност, на шестото место.

Ризиците од животната средина се голем проблем во Јужна Азија, Источна Азија и Пацификот, и двата региони претрпеле разорни природни непогоди и екстремни временски настани. Социјалните предизвици се рангирани високо во евроазиската економија, водена од падот на економијата, како во Латинска Америка, така и на Карибите, каде владите продолжуваат да бараат критични социјални услуги.

Топ 10 најголеми ризици

• Фискална криза
• Сајбер напади
• Невработеност
• Потреси од цената на енергијата
• Неуспех на националното управување
• Длабока социјална нестабилност
• Измама или кражба на податоци
• Меѓудржавни конфликти
• Критички неуспех на инфраструктурата
• Меурчиња за недвижнини

На предлог на Министерството за финансии, со цел понатамошно зајакнување на фискалната дисциплина и подигањето на свеста на граѓаните за задолжително барање и земање на фискални сметки, на вчерашната седница на владата е усвоена информацијата за  организирање наградна игра „Мој ДДВ, моја награда“.

Мерката, како што информираат од владината прес служба, ќе генерира дополнителни приходи за граѓаните, а ќе ја спроведува Државната лотарија на Република Северна Македонија, како овластено трговско друштво во целосна сопственост на државата, во соработка со Министерството за финансии и Управата за јавни приходи. 

Вкупно 10 милиони евра одобрува владата за набавка на клими инвертори за семејства од Тетово, Битола, Кичево и Скопје. Владата соопшти дека се одобрени по 1.000 евра за набавка на инвертери. Целта е да не се користат енергетски неефикасни уреди за греење на тврдо и фосилно гориво, со што сериозно влијаат на загадувањето на воздухот.

За остварување на оваа мерка владата му препорача на Управниот одбор на АД Електрани на Северна Македонија (ЕСМ), во рамките на акумулираната добивка, да донесе одлука за обезбедување средства во висина од 618.000.000 денари за субвенционирање на граѓаните за набавка на високоефикасни инвертер клима уреди, како и да донесе одлука за обезбедување средства за јавна едукативна кампања за придонесот од имплементација на мерката за здравјето на граѓаните и за начинот на кој таа ќе биде спроведена – соопштија од Влада.

Од владата го поканиле Советот за соработка со и развој на граѓанскиот сектор, за да номинира две граѓански еколошки организации да бидат вклучени во имплементација на мерката.

Во меѓувреме, веќе почна грејната сезона, а граѓаните набавуваат дрва.

Претседателот на Република Северна Македонија, Стево Пендаровски вчера се сретна со претставници на иницијативата „Стоп за извршителите“.

На средбата, тие во детали ја образложија ситуацијата во којашто се наоѓаат како и нивните иницијативи за разрешување на состојбите во насока на времен мораториум на извршувањето на долговите кон физички лица, ревизија на работата на извршителите, почитување на постапката на застареност на долговите согласно законот за облигациони односи и постоење на lex specialis, т.е. закон за бришење на долгови.

Претседателот Пендаровски на состанокот искажа поддршка на основното барање на иницијативата „Стоп за извршителите“, односно дека е потребно да се изнајде решение за оваа категорија на граѓани на Република Северна Македонија во најскоро можно време.

Исто така, претседателот Пендаровски се заложи дека од надлежните институции ќе побара што поскоро детално да ги разгледаат барањата на иницијативата „Стоп за извршителите“, со цел да се утврди на кој начин би се дошло до конечно решение на нивните проблеми.