Моторните возила и мобилните машини кога учествуваат во сообраќај на пат, во периодот од 15 ноември до 15 март задолжително треба да поседуваат пропишана зимска опрема.

На 15. ноември, за 14 дена отсега, почнува да важи законската обврска за зимска опрема во возилата.

Моторните возила и мобилните машини кога учествуваат во сообраќај на пат, во периодот од 15 ноември до 15 март задолжително треба да поседуваат пропишана зимска опрема.

Полицискиот службеник може ќе нареди на возач да го прекине натамошното движење на возилото, ако не постапи според сообраќајниот знак за задолжително носење и употреба на зимска опрема согласно ставот (1) од  член 136 од Законот за безбедност на сообраќајот на патиштата.

Полицискиот службеник може да нареди возачот да го прекине натамошното движење и кога не постои сообраќаен знак за задолжително носење на зимска опрема, ако зимските услови на патот не овозможуваат непречено и безбедно одвивање на сообраќајот, односно задолжително да ја постави на возилото зимската опрема.

На владина седница измените кои се готват да го регулираат однесувањето на управувачите со електрични тротинети поминаа, сега ќе се чека на пратениците.

Во собрание ќе треба да се расправа и одлучи за употребата на најновиот тренд во сообраќајниот превоз а ние ве информираме што е она што се предлага од МВР во однос на електричните тротинети.

Тротинет ќе смеете да возите само по велосипедска лента, но доколку нема таква тогаш ќе возите на тротоар или пешачка патека. Возење на коловоз заборавете бидејќи ќе добиете глоба од 120 евра.

Она што плус се предвидува за електричните тротинети е да се носи задолжително кацига и флуоресцентно елече, а имајте на ум дека смеете да ги возите само по десна страна а ако пред или по вас има и други лица со тротинети тогаш мора да управувате еден позади друг, во спротивно казната за непочитување на овој предлог закон ќе биде 80 евра.

Електричен тротинет ќе смеат да управуваат лица не помали од 14 години . Казната за управување на тротинет за дете под 14 години е 50 евра за родителот.

Во однос на брзината со која се управува електричен тротинет надлежните предвидуваат максимална дозволена од 25 км/ч на велосипедска патека додека на другите патеки дозволено ќе биде најмногу 6 км/ч.

Ако сакате да управувате со тротинет ќе мора на истиот да имате бело светло на предната, и црвено на задната страна а за неносење на рефлектирачки елек подгответе се за казна од 50 евра.

Министерството за економија го објави јавниот повик за субвенционирање на дел од трошоците за купување и вградување на уред за погон на ТНГ, метан или друг вид на алтернативно гориво во возилата.

Како што веќе појасни министерот за економија Крешник Бектеши со јавниот повик ќе се надоместат до 50% од трошоците за купен и вграден уред за погон на ТНГ, метан или друг вид на алтернативно гориво во возилото, но не повеќе од 18.000 денари по возило.

Согласно Програма за субвенционирање на дел од трошоците за купување и вградување на уред за погон на ТНГ, метан или друг вид на алтернативно гориво во возилата се предвидени средства во вкупен износ од 15.000.000 денари.

Како што стои во јавниот повик предвидено е да бидат надоместувани само трошоците за купен и вграден уред за погон на ТНГ, метан или друг вид на алтернативно гориво во возилото, настанати по денот на објавување на овој јавен повик.

Надоместок на дел од трошоците ќе се врши за само едно возило во семејство.

Право на учество на јавниот повик имаат физички лица, сопственици на возила произведени од 2005 година наваму, кои ќе извршат купување и вградување на уред за погон на ТНГ, метан или друг вид на алтернативно гориво во возилата.

За да се запазат одредбите од јавниот оглас неопходна е и документација за пријавување, односно треба да се пополни барање, кое може да се подигне од архивата на Министерството за економија или да се обезбеди преку интернет страната на министерството. Неопходна е и изјава за веродостојноста на податоците и верноста на приложената документација, заверена на нотар под морална и материјална одговорност, која може да се подигне од архивата на Министерството за економија.

Треба да се достави и фискална сметка (во оригинал) со сметкопотврда, или фактура (во оригинал) со извод од деловна банка за извршено плаќање за купување и вградување на уред за погон на ТНГ, метан или друг вид на алтернативно гориво во возилата, издадени по денот на објавување на јавниот повик.Неопходна е и копија од сообраќајната дозвола за возилото, заверена на нотар, во која е евидентирана промената (вградување на уред за погон на ТНГ, метан или друг вид на алтернативно гориво во возилото), или потврда за вграден уред за погон на течен нафтен гас или компримиран земјен гас во возилото, издадена од правно лице овластено (од Министерството за економија) копија од сообраќајната дозвола за возилото, заверена на нотар, во која е евидентирана промената (вградување на уред за погон на ТНГ, метан или друг вид на алтернативно гориво во возилото), или потврда за вграден уред за погон на течен нафтен гас или компримиран земјен гас во возилото, издадена од правно лице овластено за вградување на уреди за погон на течен нафтен гас и/или компримиран земјен гас во возилото.за вградување на уреди за погон на течен нафтен гас и/или компримиран земјен гас во возилото. Во приложените документи неопходна е и фотокопија од лична карта и број на трансакциска сметка, како и уплатниците кои што се заедно се доставуваат во затворен плик до Архивата на Министерството за економија.

Секој барател има право да поднесе Барање за само едно возило во семејство.При поднесување на Барањето барателот од Архивата на Министерството за економија добива архивски број со датумот на поднесување на барањето.

Доколку барањето се доставува преку пошта како датум на поднесување на барањето ќе се смета датумот кога барањето е пристигнато и заведено во Архивата на Министерството за економија.

Разгледувањето и изборот на апликантите кои ги исполнуваатусловите утврдени со Јавниот повик, ќе се прави по принципот „ПРВ ДОЈДЕН, ПРВ УСЛУЖЕН” односно по редослед на поднесување и пристигнување на Барањата во архивата на Министерството за економија.

Доколку средствата се исцрпат додека се уште трае јавниот повик, Министерството за еконимија ќе објави Известување за исцрпување на расположивите средства на својата веб страна..

Барањата, ќе ги разгледува Комисија фирмирана од министерот за економија. Крајниот рок за поднесување на Барања по овој повик е до втори декември годинава. Барањата кои се некомплетни ќе бидат одбиени.

Барањата кои ќе пристигнат по завршување на рокот за аплицирање нема да бидат разгледувани.

Во Скопје ќе се воведе електричен трамвај на гуми кој ќе чини 100 милиони евра, кажа денеска премиерот Зоран Заев, одговарајќи на пратеничко прашање, пренесува СДК.

„Со Град Скопје ќе влеземе во воведување електричен трамвај на гуми за што се потребни 100 милиони евра. Ќе подигнеме кредитна линија за да можеме да воведеме еколошки превоз како мерка против загадувањето“, рече Заев.

Пратеникот од ВМРО-ДПМНЕ Драган Данев го праша Заев дали и по три години власт сѐ уште мисли дека неговата партија е виновна за проблемот со загадувањето.

„Скопје деновиве е европски шампион во загадување. До која фаза ви е гасификацијата каде е новиот современ јавен превоз во Скопје, гасификацијата на болницата во Чаир и студентскиот дом Кузман Јосифовски-Питу, зошто субвенциите за инвертерите доцнат. Доста е веќе од вашите одговори кои почнуваат со ’ќе‘“, рече Данев.

Премиерот Зоран Заев кажа дека жали што прашањето за загадувањето се отворило и на него се работи последниве 2 години.

Целиот текст прочитајте го ТУКА.