Штетните ПМ честички наместо да завршат во воздухот и вашите бели дробови завршуваат во цилиндарот, изум на скопјанецот Пандо Петковски монтиран над печка за затоплување. Машинскиот инженер испровоциран од се поголемото аерозагадување во земјава заедно со татко му пред 1 година почнале да прават уред кој ги собира не само опасните ПМ честички туку и сите канецерогени материи што излегуваат од оџаците при согорување на цврсти горива.

– Заедно решивме да направиме филтер кој нема да користи течност за неутрализација на штетните материи, односно ќе биде сув. Самиод уред се состои од факач на на ПМ честички и се одбиваат и се таложат во таложник кој потоа може да се исчисти. Уредот има смерник кој ги насочува гасовите добиени од согорувањето во филтер кој е составен од порозна бронза и активен јаглен, вели Пандо Петковски, машински инженер.

За изготвување на механизмот им била потребна многу мала инвестиција која може да си ја дозволи секое семејство. А се користат и помалку дрва за огрев.

– Многу е прост за правење. До аглите е. Секоја материја има свој агол на триење. Придобивките од овој филтер ги фаќа ПМ честичките, диоксините, фуранитеи бојни отрови.

Патентот на Петковски неодамна бил награден со бронзен медал на Саем во Тајван во конкуренција од над 1500 иновации.

– Патентот освои бронзен медал во многу голема конкуренција, рече Пандо Петковски.

За изумот на Петковски биле заинтересирани неколку странски компании, но тие сакаат да помогнат во намалување на загадувањето во земјава и се надеваат дека надлежните институции ќе покажат интерес овој систем да остане во Македонија.

Останува нејасно зошто Фондот за иновации не финансира вакви корисни патенти кои во странство освојуваат престижни награди, а секако се е во насока на подобрување на квалитетот на животот.
Извор: Сител

На подобра и побрза комуникација на луѓето и економиите од регионот придонесуваат и добри патишта како што е Коридорот 10, чиј последен дел е отворен за сообраќај во сабота. Нема да има патарина на тој дел од автопатот до 1 декември. Од тој датум, патарината од Ниш до бугарската граница ќе изнесува 410 динари, а од Белград 1.290 динари.

(ВИДЕО) СРБИЈА ЈА ПОВРЗУВА ЕВРОПА: Вучиќ и Борисов го пуштија „Коридор 10“ со голема публика и трубачи

Нема големи гужви, сообраќајот е со умерен интензитет, но главната причина за тоа е продолжениот викенд пред празникот и фактот што возачите веќе пристигнале на нивните дестинации, пренесува РТС.

Првите возила поминаа овде околу 22 часот во саботата навечер, затоа што му беа потребни на Коридорот и сообраќајната полиција неколку часа за да ја проверат целата рута уште еднаш за безбедност.

Синоќа од 22 часот до денес во 13 часот околу 4.800 возила се движеле во двата правци.

Патарината нема да се наплаќа до 1 декември, а после тоа, од Ниш до бугарската граница ќе бидат 410 динари, или од Белград до бугарската граница 1.290 динари.

Приходите кои можеле да се приберат од прогресивното оданочување и повисоката стапка на личен доход се помали за 51,2 отсто во однос на потенцијалот, покажува анализата на Министерството за финансии насловена „Како до сеопфатен, фер и ефикасен данок вo Република Северна Македонија“, објавена на веб-страната на Министерството.

„Вкупно, износот на остварени приходи само од прогресивната и повисока стапка на личен доход, со анулиран ефект од пораст на плати и вработувања, за првите 6 месеци од 2019 е 12,7 милиони евра. Потенцијалниот приход, доколку субјектите не го променeле своето однесување, ќе бил 19,2 милиони евра. Оттука, вкупно изгубените приходи што можеле да се приберат, а не се прибрале, се оценети на 6,5 милиони евра, што претставува 51,2 отсто од прибраните приходи од прогресивниот и повисок данок на доход. Тоа се средства кои буџетот можел да ги има, но не ги добил поради промената во однесувањето на даночните обврзници“, пишува во анализата.

Потенцијалните објаснувања за промената на однесувањето на обврзниците се дека мерката била воведена во специфичен политички и општествено-економски контекст. Исто така, обврзниците имале чувство дека не биле консултирани, како и дека не добиваат повеќе и подобри услуги, а плаќаат повеќе. 

Високиот удел на сивата економија, односно меѓу 30-40 отсто, е уште едно од објаснувањата за промена на однесувањето на обврзниците. Гледајќи дека има висок степен на неформална економија обврзниците имаат став „Зошто јас да плаќам повеќе, ако тој не плаќа воопшто?“, се вели во анализата.

Анализата посочува дека покрај дизајнот на самото решение на даночната реформа, подеднакво важен е и начинот и тајмингот на спроведување.

Понатаму во анализата се наведува дека Република Северна Македонија спаѓа во земјите кои имаат умерено ниво на доходна нееднаквост, мерена според коефициентот Џини, што значи дека постои нееднаквоста, но истата е умерена. За да може да се влијае на понатамошно намалување на нееднаквоста со даночна политика, пред сѐ треба да се решат поголемите проблеми како намалување на даночната евазија и зајакнување на транспарентна и ефективна алокација на буџетските средства. Имено за да се воведе прогресивното оданочување како коректор за нееднаковста неопходно е да се создадат клучните предуслови.

„Министерството за финансии останува на ставот дека прогресивен данок на личен доход може да даде добри општествено-економски ефекти и поправедно и поразвиено општество, доколку има оптимален дизајн, во чиј центар е домаќинството. Доколку е донесен во консултативен процес со сите засегнати страни и врз основа на објективни анализи и истражувања. Доколку се зајакнати се механизмите за елиминирање на сивата економија, во рамки на холистички пристап согласно Стратегијата за формализирање на неформалната економија 2018-2022 и нејзино унапредување“, велат од Финансии. 

Исто така се наведува дека треба да се подигне довербата во институциите, како и да се воспостават ефикасни и ефективни процеси со искористување на потенцијалот од технологијата, со цел намалување на административниот товар.

Анализата можете да се види на следниот линк.

Поскапуваат бензините и дизелот.

Новите цени стапуваат на сила од полноќ од кога Еуросупер БС-95 ќе се продава поскапо за еден денар и ќе чини  68,50 денари.

Од друга страна Еуросупер БС-98, дизелот  и екстра лесното масло за домаќинства бележат скок на цените за половина денар и од ноќеска ќе се точат за 70,50 денари Еуросупер БС-98, дизелот за 62 денари а екстра лесното масло за домаќинства ќе чини  50,50 денари.