А1 Македонија го објавува назначувањето на Методија Мирчев на функцијата Извршен директор. Веќе од денеска тој ги превзема одговорностите на извршната позиција и ќе го наследи Мислав Галер кој одлучи да ја продолжи својата кариера надвор од компанијата и Кластерот Македонија и Хрватска.

Методија Мирчев доаѓа на оваа позиција со огромно знаење и стекнато искуство во различни области во мултинационални компании. Тој ја започнува својата кариера во FMCG индустријата во Полска извршувајќи раководни позиции во неколку интернационални компании. Пред да премине во телеком индустријата, тој имал извршна позиција во L’Oréal Полска.

Како Директор за продажба и Главен комерцијален директор во телекомуникациската компанија Космофон, Методија покажува врвни лидерски способности за кои е потребно огромно познавање на технологијата во бизнис работењето, како во B2B така и во B2C сегментот. Во 2011 година Методија ја продолжува кариерата на позицијата Главен директор за продажба и маркетинг во ОНЕ – Телеком Словенија Групацијата по која бил унапреден во Извршен член на Бордот на директори на ОНЕ и ја извршува функцијата Главен оперативен директор.

Методија дипломирал на Варшавскиот технолошки универзитет, магистрирал на Лондонската и Париската бизнис школа, како и Норвешката школа за економија.

А1 Македонија му посакува добредојде на Методија како нов Извршен директор. Уверени сме дека со неговата биографија и широко искуство во телекомуникациската индустрија ќе ја направи компанијата уште посилен играч на телекомуникацискиот  пазар во земјата.

Методија го наследува Мислав Галер кој во 2017 година беше назначен за Извршен директор на оне.Вип, период кога тој даде значителен придонес во бизнис заедницата и телекомуникацискиот пазар во земјава. Тој успешно ги имплементираше проектите за развој и забрзување на компаниските процеси кои доведоа до суштински промени во компанијата, го воведе агилниот начин на работа и имплементираше работна средина која инспирира иновативност. Мислав го водеше најголемиот проект за 2019 година, ребрендирањето на компанијата и промовирањето на А1 брендот во нашата земја.

А1 Македонија ја изразува својата благодарност кон Мислав за неговото посветено работење во изминатите две години во компанијата и му посакува успех во неговата идна кариера.

Третиот понеделник во јануари се смета за најдепресивниот ден во годината. Оваа година тоа е денешниов ден понеделник 20-ти јануари. Во светот, овој ден е познат како Blue Monday, или тажниот понеделник. На лошото расположение на луѓето се смета дека влијае состојбата по новогодишните празници, ладното време и исчекувањето на пролетта и летото.

Нептун Македонија, компанијата која е лидер на пазарот за малопродажба на апарати за домаќинство и компанија која инспирира радост, се потруди да на граѓаните на нашата држава овој “Blue Monday” им биде еден од најсреќните денови во годината. Нептун денес организира голема акција со цел да предизвика радост и среќа кај купувачите, со најголеми попусти и супер понуди. Акцијата “Само еден најсреќен ден” нуди најголеми попусти и одличен избор на производи од сите продуктни категории. Потрошувачите може да купат производи по најниски цени, со супер услови и можност да плаќаат до 60 рати. Застапени се одлични модели на: смартфони, телевизори, лаптопи, смарт уреди и аксесоари, бела техника, мали апарати за домаќинство, апарати за нега и убавина.

Акцијата важи за купување во Нептун продажните салони ширум Македонија, но и за онлајн продажба преку веб сајтот Neptun.mk и преку нивната мобилна апликација за онлајн шопинг NEPTUN достапна на Play Store и App Store. Не ја пропуштајте оваа идеална прилика за шопинг по супер цени, посетете ги “Нептун” продавниците и уживајте во овој најсреќен ден!

Јапонските работодавци одлучија спиењето на работното место да стане дел од работните одговорности на секој вработен.

Тоа не се мисли дека вработените ќе добијат неколку минути да ги затворат очите пред својот компјутер, туку на располагање ќе добијат просторија за спиење.

Го одлучија тоа откако новата студија открила поспаност кај вработените, која потоа влијаела на ефикасноста во работењето, а јапонските компании годишно ги чини дури 138 милијарди долари.

Затоа предлогот на работодавците и јапонското Министерство за здравство е да добијат вработените најмалку половина час да спијат во раните попладневни часови.

Nextbeat, јапонска информатичка компанија, веднаш го прифати овој тренд па за своите вработени веднаш воспостави две, како што велат, „стратешки спални“.

Собите се опремени со уреди за блокирање на бучава, кревети и софи, а строго забранети се мобилни, таблети и лаптопи.

Минатата година 44 отсто од граѓаните во ЕУ, на возраст меѓу 16 и 74 години, ги ограничија своите приватни активности преку интернет, загрижени заради безбедноста, објави Евростат.

Најчесто (25 отсто од населението) избегнува да остава лични информации на социјални и професионални мрежи.

Во исто време, еден од четворица жители на ЕУ избегнува да остави информации за социјално или професионално вмрежување. Поради безбедносни ризици, употребата на јавно Ви-Фи ограничија 19 проценти од граѓаните на ЕУ, додека 17 проценти одбиваа да преземаат софтвер, апликации, музика, видео-датотеки, игри или други датотеки.

Интернет-купувањето го избегнуваат 16 отсто од жителите на ЕУ, а 13 проценти интернет банкарство.

Комуникацијата со јавни сервиси или администрација е помалку загрижувачка за корисниците на интернет – само осум проценти, при што само еден процент од жителите на ЕУ пријавуваат финансиски загуби како резултат на кражба на идентитет, фишинг или пренасочување кон лажни веб-страници.

Информациите што ги објави Евростат се дел од истражувањето спроведено во 2019 година, кога, 34 проценти од граѓаните на ЕУ се изјасниле дека имаат безбедносни проблеми при користење на интернет во приватни цели.