Во следните седум дена возачите ќе полнат резервоари со бензини и дизел по поевтини цени.

Ова станува јасно од одлуката која регулаторна ја соопшти напладне.

Согласно одлуката за 1,5 денари поевтинија бензините, додека дизелот бележи пад во цената за два денари.

Или, поинаку кажано, возачите во следните седум дена за Еуросупер БС-95 ќе плаќаат 66 денари за литар а Еуросупер БС 98 ќе ги чини 68,50 денари за литар.

Од друга страна дизелот ќе се точи за 58 ден/лит.

47,50 денари по литар ќе изнесува цената на  екстра лесното масло за домаќинство а паѓа и цената на мазутот кој ќе се продава 34,922 денари за килограм.

Во неколку основни училишта од денеска почна настава без мобилни телефони. Согласно, Кодексот на однесување во училиштата, од второто полугодие наставниците и учениците за време на часовите мобилните телефони ги ставаат во остава за телефони. 

Целта е непречено одвивање на наставниот процес. За наставниците кои нема да ги почитуваат насоките, следува дисциплинска мерка.

Оваа иницијатива наиде на различни коментари од страна на родителите, но сепак поголем дел ја поздравуваат ваквата одлука, надевајќи се дека истата ќе се почитува и од учениците и од родителите, но и од наставниците. 

Сепак, има и такви на кои им пречи оваа одлука, сметајќи дека телефоните не се проблем, за нормална настава. 

Еве ги дел од коментарите на родителите. 

- Учениците нема да носат мобилни така и треба јас се прашувам дали наставниците ќе користат телефони на час зошто не се само децата, криви се и наставниците на час не се збори денес кај ќе оди на кафе што ќе праи за ручек. 

-Браво, добар потег барем додека се на настава.

-Но, и дома треба да им се редуцира користење на мобилните, не само на училиште.

-Не ја поздравувам оваа одлука. Сметам дека родителите се тие кои треба да ги воспитуваат децата и да им дадат до знаење дали треба или не треба да користат мобилен во училиште. Ако јас како родител дозволувам моето дете да има телефон во училиште, зошто тогаш некој друг да ја оспорува таа моја одлука?

-А што ако детето е преладено? Како ќе го слушнам јас? Гласно НЕ, за оваа иницијатива, 21 век сме. 

-Конечно! Да се надеваме дека возрасните деца ќе ја сватат вредноста на ова и ќе ги остават децата да бидат сплотени без нивен мониторинг, а под стручно око.

Останува да видиме, колку оваа одлука ќе се спроведува и дали останатите училишта ќе ја прифатат иницијативата за настава без мобилен телефон. 

Нокти, депилација, шминка, торти, бели пецива, поправање автомобили, шиење фустани... Сето ова се бизниси кои се работат во домашни услови, на црно, без регистрирана фирма и без никаков трошок. 

Легалните занаетчии постојано во борба со оние кои работат дома, во подрум. Нелојалната конкуренција е огромна, па затоа тешко им е да се изборат на пазар оние кои се регуларни пред законот. 

Јас имам козметички салон. Работа едвај за преживување. Во Куманово, на секој чекор има по некоја жена која депилира, прави нокти, шминка во домашни услови. Цените, пониски за разлика од салоните, тие можат да си го дозволат тоа. Немаат трошоци кон државата, не плаќаат кирија. Но, затоа нив и никој не ги контролира, никој не знае колку сетоа тоа таму е чисто и безбедно. Тешко е денеска да се избриш на пазарот, покрај толку голема конкуренција, која работи дома во подрум, вели Емилија, сопственичка на козметичкки салон.

Ништо не е поразлична состојбата и со фризерските салони и оние кои одат од дом на дом и кои прават фризури и шишаат во домашни услови. 

Денеска, сами сме сведоци дека на социјалните мрежи постојано се нуди храна. Торти, колачи. бели пецива. Цените ниски, примамливи за купувачите, но знаат ли истите што купуваат, од каде, од кој? Знаат ли купувачите со што е направена тортата, во какви услови? Што да правиме ние кои сме се одлучиле, да отвориме фирма за ова, додава сопственик на слаткарница. 

Тие не плаќаат трошоци, ги избегнуваат даноците, административните постапки, уплаќањето на социјални придонеси, даночните и трудовите регулативи. Сето тоа им овзоможува да имаат ниски цени на услугите, а со тоа ја уништуваат оние кои се чисти пред законот. 

Загрепскиот стартап АИР-РМЛД, кој се занимава со индустриско снимање со дронови, деновиве ја направи првата достава на пошта со дрон. Леталото за 12 минути прелетало седум километри, од задарското пристаниште Гаженица до Прек на островот Угљан, каде што ја спушти пратката, пишува „Јутарњи лист“.

Основачите на стартапот, Милан Домазет, Иван Видаковиќ и Давор Сладовиќ, програмирале дрон што лета самостојно, без човечка интервенција, а видеоснимката од доставата предизвика големо внимание на социјалните мрежи.

Директорот Милан Домазет рече дека тој и соработниците, кога го работеле пилот-проектот за достава на пратки за Хрватската пошта, имале десетина тестирања за да се уверат дека се’ е безбедно.

„Секогаш постои можноста да се случи нешто непланирано. На пример, при доставата на поштата од Задар за Угљан, моравме предвид да ја земеме можноста од силна бура што би правела пречки на летот и да ја пресметаме оптималната брзина со која леталото ќе стигне на местото што побрзо, а да не се исцрпат батериите предвреме“, рече Домазет, додавајќи дека идејата е со дронови да се покријат рутите што главно се непристапни и скапи за класична достава на пошта.

Инаку, дронот при летот над морето предизвикал внимание кај галебите, кои го следеле во летот.