Нокти, депилација, шминка, торти, бели пецива, поправање автомобили, шиење фустани... Сето ова се бизниси кои се работат во домашни услови, на црно, без регистрирана фирма и без никаков трошок. 

Легалните занаетчии постојано во борба со оние кои работат дома, во подрум. Нелојалната конкуренција е огромна, па затоа тешко им е да се изборат на пазар оние кои се регуларни пред законот. 

Јас имам козметички салон. Работа едвај за преживување. Во Куманово, на секој чекор има по некоја жена која депилира, прави нокти, шминка во домашни услови. Цените, пониски за разлика од салоните, тие можат да си го дозволат тоа. Немаат трошоци кон државата, не плаќаат кирија. Но, затоа нив и никој не ги контролира, никој не знае колку сетоа тоа таму е чисто и безбедно. Тешко е денеска да се избриш на пазарот, покрај толку голема конкуренција, која работи дома во подрум, вели Емилија, сопственичка на козметичкки салон.

Ништо не е поразлична состојбата и со фризерските салони и оние кои одат од дом на дом и кои прават фризури и шишаат во домашни услови. 

Денеска, сами сме сведоци дека на социјалните мрежи постојано се нуди храна. Торти, колачи. бели пецива. Цените ниски, примамливи за купувачите, но знаат ли истите што купуваат, од каде, од кој? Знаат ли купувачите со што е направена тортата, во какви услови? Што да правиме ние кои сме се одлучиле, да отвориме фирма за ова, додава сопственик на слаткарница. 

Тие не плаќаат трошоци, ги избегнуваат даноците, административните постапки, уплаќањето на социјални придонеси, даночните и трудовите регулативи. Сето тоа им овзоможува да имаат ниски цени на услугите, а со тоа ја уништуваат оние кои се чисти пред законот. 

Загрепскиот стартап АИР-РМЛД, кој се занимава со индустриско снимање со дронови, деновиве ја направи првата достава на пошта со дрон. Леталото за 12 минути прелетало седум километри, од задарското пристаниште Гаженица до Прек на островот Угљан, каде што ја спушти пратката, пишува „Јутарњи лист“.

Основачите на стартапот, Милан Домазет, Иван Видаковиќ и Давор Сладовиќ, програмирале дрон што лета самостојно, без човечка интервенција, а видеоснимката од доставата предизвика големо внимание на социјалните мрежи.

Директорот Милан Домазет рече дека тој и соработниците, кога го работеле пилот-проектот за достава на пратки за Хрватската пошта, имале десетина тестирања за да се уверат дека се’ е безбедно.

„Секогаш постои можноста да се случи нешто непланирано. На пример, при доставата на поштата од Задар за Угљан, моравме предвид да ја земеме можноста од силна бура што би правела пречки на летот и да ја пресметаме оптималната брзина со која леталото ќе стигне на местото што побрзо, а да не се исцрпат батериите предвреме“, рече Домазет, додавајќи дека идејата е со дронови да се покријат рутите што главно се непристапни и скапи за класична достава на пошта.

Инаку, дронот при летот над морето предизвикал внимание кај галебите, кои го следеле во летот.

Основците од неколку училишта во државата од денеска ќе следат настава бев телефони во џебовите. По Ѓорче Петров и основно училиште од Куманово забрани употреба на мобилен за време на часовите. Освен учениците со себе телефон ќе немаат и наставниците. Пред почеток на секој час ќе ги оставаат во нумерирани џебови. Директорот на кумановското училиште Крсте Мисирков, вели дека забраната е договорена во соработка со родителите поради честите злоупотреби на телефоните.

Настава без телефони од денеска ќе се спроведува и во основните училишта во Ѓорче Петров. Таму се предвидени дисциплински мерки за наставниците кои нема да ја почитуваат иницијативата. Настава без мобилни се реализира и во училиштата во Карпош.Од министерството за образование велат дека засега нема конкретен предлог кој би важел за сите училишта во државата, но поддржуваат иницијативи за кои согласни се родителите и училиштата.

„Не само мобилните телефони, туку и се друго што го попречува наставниот процес и му наштетува, не треба да има место во нашите училиште“, велат од МОН.

Наставниците очекуваат дека на овој начин, ќе се зголеми квалитетот на часовите..

Забрани за внесување мобилен за време на часовите веќе постојат во Албанија и Грција.

Падот на цените на нафтата на светските пазари минатата недела, четврти ден по ред, и тоа за повеќе од четири отсто, е последица на стравувањата на вложувачите од економските последици заради ширењето на коронавирусот и надвор од Кина.

На Лондонската берза цената на нафтата минатата недела падна за 4,2 отсто, на 58,16 долари, додека на американскиот пазар барелот поевтини за 4,8 отсто, на 51,56 долари.

Остриот пад на цените е последица на ширењето на коронавирусот во Кина, од кого досега починаа над 360 лица, а заразени се над 17.000. Притоа случаи на овој вирус се забележени и во сите кинески провинции и во дваесетина земји од светот.

Кина презема серија мерки за спречување на ширењето на заразата, од карантини во неколку градови до забрани за јавно собирање, но вложувачите се загрижени додека се прават проценки  колкав може да биде негативниот ефект врз економијата.

Воздухопловните компании ги откажуваат летовите за Кина и надвор од неа, а многу компании привремемно го прекинаа работењето со Кина.

Аналитичарите сметаат дека ширењето на коронавирусот, како што своевремено беше случајот со САРС-от, најмногу ќе ги погоди туризмот и довервата на потрошувачите, па затоа се очекува и пад на потрошувачката и приходите во многу кинески компании.

Аналитичарите проценуваат дека ширењето на коронавирусот може да ја намали побарувачката за нафта во првото тримесечје од годината за 250.00 барели дневно и да ја закочи цената на нафтата , веќе притисната од сериозната понуда.