Како да се пресели училницата во домот? Во ек на пандемија, виртуелната настава се повеќе станува реалност, а потребата од функционално образование бара негова неопходна дигитализација.

“Крајно време е да почнеме со нејзино спроведување бидејќи немаме избор. Дури и да почнеме да работиме во редовна настава, може да се случи на пола година да се префлиме дома“.

Една од образовните институции која најдобро се прилагоди на новонастанатата ситуација е Факултетот за информатички науки. Нивното искуство може да биде драгоцено во спроведувањето на националната платформа за далечинско учење.

Според професорката Филиповска од ФИНКИ, која зборува за Сител, целиот процес има три главни столба:

“Едно е да се постави платформата, друго е професорите да се адаптираат на неа, затоа што онлајн учењето е различно од предавање. Не може сами одма се да правите и тоа е тоа. Трето тешко е за студентите, многу зависи од нивната самодисциплина”.

Предизвиците се бројни. Нема да има оправдување ако во септември затекнеме неподготвен образовен систем вели Кордалов, кој смета дека до почетокот на учебната година има доволно време да се лоцираат главните проблеми. 

“Тоа треба да се прави на ниво на училиште, на ниво на општина, односно да се види каде треба да се интервенира со технички средства како лаптопи, компјутери. Каде треба поголем проток на интернет”.

Образовните институции досега испробуваа различни приоди за квалитетна дигитализација, но искуството од ФИНКИ вели дека најдобро би се работело преку единствена платформа.    

“Да се одбере решение кое би било унифицирано за сите. Не верувам дека ако се оди на решение каде што секој ќе бира што ќе прави, нема да може искуствата да се соберат и да се направи вистинско ефикасно решение за сите”.

Дигитализацијата е повеќе од потребна и тоа не само во образованието, вели Кордалов. Во таа насока за наесен се планира првиот оглас за користење на фреквенции за 5Г технологија, за која Филиповска уверува дека не претставува опасност за здравјето.

Хонорарното работење доживеа бум поради пандемијата. 

Ова мораше да се случи поради редуцирањето на работните места. 

Отворените работни места се зголемиле за повеќе од 25 отсто во период од април до јуни 2020 година, споредено со првите три месеци од годината, стои во извештајот на хонорарните преведувачи „Фаст 50“.

„Работодавците ги преиспитуваат буџетите и се одлучуваат за пофлексибилна работна сила. Дополнително, ова укажува на зголемен интерес кај вработените да се придвижат кон независна работа“, изјави извршниот директор на „Фриленсер“, Мет Бари за CNBC.

Истражувањето ги следи движењата од првите 50 најбрзорастечки и опаѓачки работни места на глобалниот пазар во Северна Америка, Европа и Азија.

Поради коронавирусот глобалниот пазар на труд е во голема криза, а стапката на вработеност не може да се врати како претходно. 

Комисијата за заразни болести не даде зелено светло за организирање на свадби и веселби во угостителските објекти. Заклучокот е дека не се створени услови за организација на ваквите настани со оглед на моменталната епидемиолошка состојба која се манифестира со зголемен број на потврдени случаи на Ковид-19.

Во заклучокот на Комисијата се вели дека кога ќе се стабилизира епидемиолошката состојба и ќе се намали бројот на инфицирани свадбените и другите свечености ќе се организираат согласно протоколите кои ќе предвидат строго пропишани мерки за превенција од Ковид-19.

Угостителите за утре најавија протест пред Владата доколку не им биде дозволено организирање на веселби.

Минатата недела Владата дозволи да се организираат концерти на отворено со преполовен капацитет, задолжително носење маски на сите гости и продавање карти онлајн за да не створаат гужви на билетарниците.

Владата на денешната седница, донесе заклучок со кој 15 јули се определува за неработен ден заради непречено спроведување на изборниот процес за предвремените парламентарни избори и истиот нема да се одработува.

Владата на денешната 74-та седница го прифати предлогот на Комисијата за заразни болести, со кој од категориите на лица кои се ослободени од работа и работни активности – родителите на деца до 10-годишна возраст, во овој период да се вратат на работните места само родителите на децата кои се вклучени во воспитно-образовниот процес во училиштата, имајќи предвид дека учебната 2019/2020 година е завршена.

Дополнително, институциите кои за време на претстојните предвремени избори за пратеници во Собранието на Република Северна Македонија имаат зголемен обем на работа во делокругот на нивната надлежност поврзана со изборниот процес, како на пример Основниот и Вишиот управен суд, Државната изборна комисија и други, да ги вратат во редовен работен процес вработените лица во овие институции кои по различни основи се опфатени и ослободени од работни активности со мерките и препораките на Владата со цел непречено извршување на редовните законски надлежности поврзани со активностите во изборниот период, информираат од Владата.