Новиот Galaxy S8 се промовира како најбезбедниот смартфон на сите времиња бидејќи корисникот може да се заштити со скенерот за отчитување на отпечатоци од прст, Ирис скенерот за рожницата од окото, како и софтвер за препознавање на лица.

Сепак, се чини дека третата заштита е најслаба бидејќи iDeviceHelp направија тест и само со слика успеаја да го измамат софтверот за препознавање на лица. Се чини дека оваа опција ќе биде најмалку корисна во осигурување на идентитетот на корисникот, па затоа се препорачува да се користи скенерот за очи и прсти.

На крајот од 2016 година, бројот на трансакциски сметки, коишто се во сопственост на 1.725.891 депонент изнесуваше 3.865.479 и оствари годишен раст од 1,2%, покажуваат најновите податоци на Народната банка.

Притоа, бројот на сметките на физичките лица изнесува 3.672.384 и бележи годишен раст од 1,7%, додека намалување е забележано кај сметките на правните лица за 6,4%, на годишна основа. Така, бројот на сметките на правните лица во Република Македонија изнесува 193.095, а тие се во сопственост на 118.787 депоненти правни лица.

„Бројот на блокирани сметки на крајот од 2016 година што се во сопственост на 117.602 блокирани депоненти, изнесуваше 244.049 (или 6,3% од вкупните трансакциски сметки) и оствари годишен пад од 2,1%. Намалувањето на блокираните сметки се должи на намалениот број на блокирани сметки на правните лица (53.656 на крајот на 2016 година што се во сопственост на 35.339 блокирани депоненти, наспроти 68.836 блокирани сметки на правните лица во 2015 година), коишто на годишна основа бележат голем пад од 22,1%.

Големиот пад на блокираните сметки на правните лица е прво вакво придвижување по појавата на глобалната криза во 2009 година и следува по период на речиси постојан раст на бројот на блокирани сметки“, соопшти НБРМ.

Бројот на блокирани сметки на физички лица (190.393) што се во сопственост на 82.263 блокирани депоненти физички лица е зголемен за 5,8% во однос на истиот период од претходната година.

„Сепак, за 2016 година карактеристично е значително забавување на растот на блокираните сметки на физичките лица, во споредба со претходните две години кога беа забележани двоцифрени стапки на раст на блокираните сметки (од 35,4% и 19,1% во 2014 година и 2015 година, соодветно)“, се вели во извештајот на НБРМ.

Укинат е осумминутниот лет меѓу Германија и Швајцарија, најкратката редовна меѓународна линија.

Рутата што ги превезуваше патниците преку езерото Костанца на летот меѓу Алтераин во Швајцарија и Фридрихшафен на југот на Германија беше воведен во ноември минатата година.

Како што соопштија властите на аеродромот во Фридрихшафен, виенската воздухопловна компанија People’s Viennaline ја укинува линијата на 14 април поради малата побарувачка.

Борците за заштита на околината го критикуваа овој мини лет како бесмислен извор на загадување.

Држави од целиот свет го промовираат претприемништвото и претставуваат добри услови за бизнис. Ова покажува  го индексот на Универзитетот Вартон (Wharton University) и истражувачката компанија Y & R. 

Претходно ви претставивме и 10-те земји каде најлесно се стартува бизнис, а меѓу нив преовладуваа европските држави.

Студијата за претприемништвото ги зема предвид факторите како квалитет на животот, отвореноста за бизнис, образовното ниво, професионалните вештини на работната сила, транспарентноста на управување и развој на инфраструктурата.

Еве ги земјите кои се во Топ 9 за претприемништво:

9. Австралија

Во Австралија се развива силен стартп екосистем, иако трошоците за стартување на бизнис се релативно високи поради високото ниво на надоместоци. Земјата сепак заработува силен пласман поради добра конекција, развиена инфраструктура и транспарентни бизнис практики.

8. Сингапур

Сингапур со години е сочен како пример за развиена држава со високи стандарди и квалитет на живот, како и одлично место за водење бизнис. Ги додаваме развиената инфраструктура и најдобри транспортни врски.

7. Канада

Високиот резултат се должи на нејзината развиена инфраструктура, транспарентните деловни практики и образованата работна сила. Во 2015 година земјата го претстави иновативниот систем „Стартап Виза“, која прифаќа имигранти-претприемачи со канадски организации од приватниот сектор.

6. Шведска

Нордиската држава вообичаено е на челните позиции поради добрите бизнис практики и високо образованата работна сила. Главниот град Стокхолм е водечки центар на стартап индустријата на глобално ниво.

5. Швајцарија

Една од најбогатите земји во светот, Швајцарија може да се пофали како со образованието и развиените вештини на работната сила, така и со атрактивноста за претприемачите, ниските даночни стапки, лесниот пристап до капитал и добро развиената правна рамка за бизнис.

4. Велика Британија

Само на еден чекор од почесното скалило останува Велика Британија, која е со виоск резултат за развиена инфраструктура, транспортни врски и одлична правна рамка за бизнис.

3. САД

САД е водечки центар за иновации и претприемничка активност во последниве години, особено во светски познатата Силиконска долина во Калифорнија, каде се јавуваат брендови како Facebook и Google. Америка добива полни 10 поени од 10 можни за транспортни врски и лесен пристап до капитал.

2. Јапонија

Јапонија е една од земјите со највисоко ниво на образование и технолошки напредок, што пак ја прави многу атрактивна за претприемачите. Таа добива 10 поени за инфраструктура.

1. Германија

Германија е најдобра земја за претприемништво поради високо развиената инфраструктура, одличните транспортни врски, со работна сила со одлични вештини и обезбедува лесен пристап до капитал.