На крајот од 2016 година, бројот на трансакциски сметки, коишто се во сопственост на 1.725.891 депонент изнесуваше 3.865.479 и оствари годишен раст од 1,2%, покажуваат најновите податоци на Народната банка.

Притоа, бројот на сметките на физичките лица изнесува 3.672.384 и бележи годишен раст од 1,7%, додека намалување е забележано кај сметките на правните лица за 6,4%, на годишна основа. Така, бројот на сметките на правните лица во Република Македонија изнесува 193.095, а тие се во сопственост на 118.787 депоненти правни лица.

„Бројот на блокирани сметки на крајот од 2016 година што се во сопственост на 117.602 блокирани депоненти, изнесуваше 244.049 (или 6,3% од вкупните трансакциски сметки) и оствари годишен пад од 2,1%. Намалувањето на блокираните сметки се должи на намалениот број на блокирани сметки на правните лица (53.656 на крајот на 2016 година што се во сопственост на 35.339 блокирани депоненти, наспроти 68.836 блокирани сметки на правните лица во 2015 година), коишто на годишна основа бележат голем пад од 22,1%.

Големиот пад на блокираните сметки на правните лица е прво вакво придвижување по појавата на глобалната криза во 2009 година и следува по период на речиси постојан раст на бројот на блокирани сметки“, соопшти НБРМ.

Бројот на блокирани сметки на физички лица (190.393) што се во сопственост на 82.263 блокирани депоненти физички лица е зголемен за 5,8% во однос на истиот период од претходната година.

„Сепак, за 2016 година карактеристично е значително забавување на растот на блокираните сметки на физичките лица, во споредба со претходните две години кога беа забележани двоцифрени стапки на раст на блокираните сметки (од 35,4% и 19,1% во 2014 година и 2015 година, соодветно)“, се вели во извештајот на НБРМ.

Држави од целиот свет го промовираат претприемништвото и претставуваат добри услови за бизнис. Ова покажува  го индексот на Универзитетот Вартон (Wharton University) и истражувачката компанија Y & R. 

Претходно ви претставивме и 10-те земји каде најлесно се стартува бизнис, а меѓу нив преовладуваа европските држави.

Студијата за претприемништвото ги зема предвид факторите како квалитет на животот, отвореноста за бизнис, образовното ниво, професионалните вештини на работната сила, транспарентноста на управување и развој на инфраструктурата.

Еве ги земјите кои се во Топ 9 за претприемништво:

9. Австралија

Во Австралија се развива силен стартп екосистем, иако трошоците за стартување на бизнис се релативно високи поради високото ниво на надоместоци. Земјата сепак заработува силен пласман поради добра конекција, развиена инфраструктура и транспарентни бизнис практики.

8. Сингапур

Сингапур со години е сочен како пример за развиена држава со високи стандарди и квалитет на живот, како и одлично место за водење бизнис. Ги додаваме развиената инфраструктура и најдобри транспортни врски.

7. Канада

Високиот резултат се должи на нејзината развиена инфраструктура, транспарентните деловни практики и образованата работна сила. Во 2015 година земјата го претстави иновативниот систем „Стартап Виза“, која прифаќа имигранти-претприемачи со канадски организации од приватниот сектор.

6. Шведска

Нордиската држава вообичаено е на челните позиции поради добрите бизнис практики и високо образованата работна сила. Главниот град Стокхолм е водечки центар на стартап индустријата на глобално ниво.

5. Швајцарија

Една од најбогатите земји во светот, Швајцарија може да се пофали како со образованието и развиените вештини на работната сила, така и со атрактивноста за претприемачите, ниските даночни стапки, лесниот пристап до капитал и добро развиената правна рамка за бизнис.

4. Велика Британија

Само на еден чекор од почесното скалило останува Велика Британија, која е со виоск резултат за развиена инфраструктура, транспортни врски и одлична правна рамка за бизнис.

3. САД

САД е водечки центар за иновации и претприемничка активност во последниве години, особено во светски познатата Силиконска долина во Калифорнија, каде се јавуваат брендови како Facebook и Google. Америка добива полни 10 поени од 10 можни за транспортни врски и лесен пристап до капитал.

2. Јапонија

Јапонија е една од земјите со највисоко ниво на образование и технолошки напредок, што пак ја прави многу атрактивна за претприемачите. Таа добива 10 поени за инфраструктура.

1. Германија

Германија е најдобра земја за претприемништво поради високо развиената инфраструктура, одличните транспортни врски, со работна сила со одлични вештини и обезбедува лесен пристап до капитал.

Во Хонг Конг, бирото полно со документи покажува напорна работа.

Во Европа тоа означува несреденост и неорганизираност.

Во Америка значи презафатеност.

Тимот на КАРИЕРА.мк состави интересни слики кои прикажуваат различни типови на бироа и што тоа зборува за луѓето кои работат на нив.

Интересно е да се проучува како некои мали работи толку многу зборуваат за нас.

Пронајдете го подоле и вашето работно биро:

Салатите освен што се здрави и вкусни за јадење носат и добра заработувачка. Сузан Ницовски која потекнува од Македонија, решила да направи своја компанија преку која ќе продава свежи салати.

Нејзината компанија се вика „Летни свежи салати “ (Summer fresh salads inc) и специјално е направена за гладни луѓе кои немаат многу време за јадење, а сакаат да се хранат здраво. Бидејќи Сузан има дипломирано хемија, воопшто не и било проблем преку хемиски процеси да ги задржи салатите свежи и квалитетни и по неколку дена.

Кога Сузан и нејзината мајка ја отвориле компанијата се наоѓала во едно мало просторче во Онтарио, за денеска да прерасне во гигантско здание од кое со зеленучук се снабдуваат Канада и Северна Америка.  Во „Летни свежи салати“ има 300 вработени и библиотека со преку 3000 рецепти за нивните производи.

Преку продажба на салати, Сузан одамна ја надмина заработката на над 100 милиони долари, а нејзината компанија прерасна во империја за здрава храна. Мега успешниот бизнис на Ницовски досега  има добиено повеќе награди од индустријата за храна, но и од бизнис секторот меѓу кои и наградата за најиновативна компанија.

Таа заедно со најуспешните македонски бизнисмени од земјава, но и од дијаспората е член на одборот во „Македонија 2025“- асоцијација на бизнисмени и професионалци.

Го напуштив светот на корпорациите и по дома со мајка ми почнавме да готвиме и сецкаме креативни јадења во кујната. Храната отсекогаш била дел од мојата фамилија. Моите баба, дедо и вујко поседуваа ресторани, а мојот татко е инжињер специјализиран за опрема за готвење и производство на храна. Јас уште од мали нозе обожував да готвам домати на скара. Останатото е веќе историја, вели Сузан.