Во Јапонија од овој месец стапи во сила нов закон, со кој се легализираат дигиталните валути како законско платежно средство.

Јапонската Комисија за сметководствени стандарди соопшти дека почнува да работи на создавање рамка, која треба да му ја олесни работата на сметководствениот сектор при обработка на трансакции во дигитални валути. Се очекува тој процес да трае околу шест месеци.

Големите компании се многу загрижени бидејќи државата не успеала да обезбеди насоки за сметководствените процедури при работа со криптовалути, што овозможува да бидат ранливи во случај на лоша проценка на вредноста, а тоа да доведе до појава на неочекувано огромни загуби.

Во Јапонија пред две години се пуштени во оптек криптовалутите, вклучувајќи биткоини, литекоини, рипли и други, во вредност од околу 1,7 милијарди долари. Според Институтот за истражување „Фуџи Чимера“, предвидено е до 2020 година во оптек да бидат дигитални пари во противвредност од околу девет милијарди долари.

Саемот за вработување и кариера, организиран од студентската организација БЕСТ (Борд на европски студенти по технологија) од денеска до 12 април ќе се одржува на Технолошко-металуршкиот факултет во Скопје.

На саемот студентите можат да се информираат за се што нудат компаниите учеснички, како и за потенцијално работно место или пракса. Компаниите, пак, имаат можност да стапат во контакт со нивните потенцијални вработени.

Нашата цел е да ги доближиме амбициите на студентите до компаниите и да бидеме дел од нивниот чекор поблиску до кариерата. Минатата година Job fair се покажа како најуспешен досега, со вкупно 36 присутни компании, велат од БЕСТ.

Според организаторите, овој саем е одлична можност за студентите да добијат пракса или работа во некоја од најдобрите компании во земјата. Потребно е да ги остават своите биографии на www.jobfair.org.mk  и со тоа да станат дел од датабазата до која имаат пристап сите компании – учеснички од Република Македонија и надвор од неа, во текот на целата година.

Компаниите на овој саем ќе имаат можност да држат бесплатни предавања и презентации.

Наместо наметнати цени од државата компаниите за безбедност при работа бараат креирање на сопствен ценовник на услугите кои ги нудат. Според нив, измени на законот донесен во 2014 година кој предвидува унифицирани цени за компаниите се неоходни.

Претставниците од компаниите сметаат дека правилникот наметнат од министерството за труд и социјална политика е неприлагодлив на услугите кои се нудат. За една услуга која трае неколку минути и друга која трае најмалку два часа, цената според правилникот е иста несметајќи го трошокот на компаниите. 
 

Се ставаме сите под ист чадор. Овој период оние кои работат професионално, се соочуваат со егзистенција - вели Борче Стојчевски – потпретседател на Групацијата за безбедност и здравје при работа.

 Откога новиот правилник стапил на сила драстично е намален квалитет на услугите за безбедност при работа поради што бројката на смртни случаи и повреди на работните места се зголемува. Токму затоа велат од групацијата од сопствениот ценовник на компаниите зависи и здравјето на работниците.
 
„До 2014 ние сме конкурентски фирми и секој може да си понуди цена колку што сака, а клиентот нека оцени која фирма ја сака“ - вели Сашко Стојмановски - претседателот на Групацијата за безбедност и здравје при работа.
 
Во Македонија има околу 45 компании кои се занимаваат со безбедност и заштита при работа. Законот кој ја регулира дејноста е донесен во 2007, а правилникот со унифицирани цени стапил на сила во 2014г. Според последниот извештај во 2015 година се случиле 144 несреќи при работа од кои 39 биле фатални. 

Од 1 април во Германија на сила стапи нов закон за привремена работа преку агенција. Според тој закон, работниците веќе нема да може да работат привремено подолго од 10 месеци, а после девет месеци работа мора да заработуваат слична плата каква што имаат и работниците на фирмите, фабриките или компаниите во кои работат, кои работат на слични работи.

Новиот закон предвидува и дека привремените работници повеќе нема да се вработуваат во текот на штрајк. Токму по пат на вакви претпријатија во Германија работат многумина од регионот. Тие притоа се работници на агенција, а не на фирмата во која ги извршуваат работните задачи. Стјепан Бингула, кој веќе повеќе од триесет години живее во Минхен и добро е запознаен со пазарот на труд, верува дека донесувањето на новиот закон нема да промени многу работи.

– Едноставно агенциите човекот кој го изнајмиле после девет месеци ќе го оттргнат од тој работодавец и ќе го испратат кај некој друг и така се почнува од почеток. Истата работа е и со овие 18 месеци, го повлечат работникот и го испратат во друга фирма – смета Бингула.

Според неофицијалните информации преку овој закон во Германија работат околу милиони луѓе, што е отприлика три посто од сите вработени во таа земја.Новиот закон предвидува и дека привремените работници повеќе нема да се вработуваат во текот на штрајк. Токму по пат на вакви претпријатија во Германија работат многумина од регионот. Тие притоа се работници на агенција, а не на фирмата во која ги извршуваат работните задачи. Стјепан Бингула, кој веќе повеќе од триесет години живее во Минхен и добро е запознаен со пазарот на труд, верува дека донесувањето на новиот закон нема да промени многу работи.

Едноставно агенциите човекот кој го изнајмиле после девет месеци ќе го оттргнат од тој работодавец и ќе го испратат кај некој друг и така се почнува од почеток. Истата работа е и со овие 18 месеци, го повлечат работникот и го испратат во друга фирма – смета Бингула.

Според неофицијалните информации преку овој закон во Германија работат околу милиони луѓе, што е отприлика три посто од сите вработени во таа земја.