Министерката за труд и социјална политика Јагода Шахпаска денеска изјави дека Министерството за труд и социјална политика, претставници на синдикатите, работодавачите и коморите дошле до некои заклучоци и сугестии во врска со прашањето недела да биде неработен ден и тоа прашање да се отвори на Економско-социјалниот совет.

Шахпаска исто така истакна дека оваа дебата се уште тече. Вчера имавме онлајн состанок со сите чинители на социјалниот дијалог. Со претставници на синдикатите, претставници од Организација на работодавачи и комори. Дојдовме до некои заклучоци и сугестии и следниот чекор е истото прашање да се отвори на Економско-социјалниот совет, да разговараме и да биде дефинирана последната драфт-верзија како законско решение.

Таа рече дека Министерството согласно задачата изработи драфт-верзија на предлог-законот и го испрати до колегите министри, но поради интересот и до сите чинители и партнери од социјалниот дијалог.

Отворено се дебатира и кога ќе биде готова дебата ќе се донесе предлог-законот – рече министерката за труд.

Владата нема да се откаже од идејата да се воведе законска можност за предвремено пензионирање пет години пред исполнувањето на старосната возраст за пензионирање. Премиерот Зоран Заев вели дека со оглед на тоа што нивниот мандат во оваа Влада е четиригодишен тие планираат следната година односно 2021 оваа можност прво да ја стават да дебата па после решението и да се усвои.

„Сите што сакаат да можат пет години пред да наполнат 64 за мажи и 62 години за жени или да го докупат стажот и да се пензионираат, рече Заев.

Можноста за предвремено пензионирање до максимум пет години пред остварувањето на правото на пензија, ама со намален износ, ја најави Владата во новата програма за работа од 2020 до 2024 година. Во програмата не беа наведени рокови ама се тврдеше дека тоа ќе биде од 2021 година. 

„Ќе овозможиме флексибилен пензиски систем со воведување можност за предвремено пензионирање до максимум 5 години пред остварувањето на правото на пензија, со пропорционално намален износ на редовната пензија. Зајакнување на улогата на старите лица во локалните заедници и обезбедување услови за вклучување во јавниот живот, стои во програмата. 

Владата во програмата се обврза на нова повисока минимална пензија која ќе изнесува најмалку 10.700 денари за сите. Се најавува и можност за докуп на стаж за да се добие пензија.

Сојузот на здруженија на пензионери упатуваат апел пензионерите да бидат ставени како приоритет при вакцинирањето против новата болест, како најранлива категорија лица со хронични болести и намален имунитет.

Сојузот на синдикати на Македонија смета дека законските измени кои ги разработува Министерството за труд и социјална политика нема да им овозможи на работниците строго да не работат во недела, затоа што работодавачите ќе имаат можност преку посебни закони и колективни договори да им го ограничат ова право.

„Иако Владата ја поздрави иницијативата и ја прифати истата за утврдување на недела за неработен ден за работниците, предложениот Предлог Закон за измени и дополнување на Законот за работните односи доставен од страна на Министерството за труд и социјална политика, не оди во правец на уредување на ова право недела да биде неработен ден за работниците во Државата.Напротив со Предлог Законот за измени и дополнување на Законот за работните односи се уредени варијанти и можности со посебните Закони и Колективните договори дополнително да се ограничи ова право за работниците“, стои во реакцијата на ССМ откако го разгледале понуденото законско решение.Од таму велат дека законот за работните односи е основен, базичен Закон за правата од работен однос и во истиот треба да се регулира ова право за работниците, а не да се остава можност ова право дополнително да се уредува во секоја дејност и секој работодавач посебно.
„Сметаме дека евентиуалните исклучоци од Законски регулираното право недела да биде неработен ден за сите работниците, треба да се уредат во ЗРО врз основа на анализа за нужните дејности во кој работниот процес мора да се одвива континуирано без прекин во недела, утврдени од страна на трипартитно работно тело формирано од Социјалните партнери членови на ЕСС“, смета синдикатот,Предлог на ССМ е работниците кои по исклучок се ангажирани да работат во недела задолжително да имаат право на зголемување на основната плата на работникот, по час најмалку за дополнителни 50 отсто за работа во недела, како и право на слободен ден во текот на неделата.„Предлогот на МТСП според нас е исклучиво во насока на утврдување на постапка која треба да ја спроведуваат работодавачите за работниците да работат во недела, а не да се утврди право дека недела е неработен ден“, гласи во соопштението на синдикатот.