Најавениот полициски час нема да остане без свое влијание и врз онака ранетата македонска економија. Секое ограничување делува негативно врз свеста на луѓето, а тоа ја допира и економијата, сметаат од бизнис секторот.

Здравствената ситуација ги диктира мерките, вели претседателот на бизнис конфедерацијата Бошков, за Сител, но економските субјекти немаат друг избор освен да се прилагодат.     

“Свесни сме дека има сектори кои нудат услуги и после 21, но сите треба да сфатат дека во овој момент е таква ситуацијата и треба да и се верува на Комисијата. Од друга страна, истите тие треба да се насочат кон подобар маркетинг кон подобра организација и испорака. Тие услуги или производи кои сметале дека можат да ги купат и искористат по 21 да ги направат пред тоа со цел економските оператори да останат во кондиција”.

Колку недостатокот од вакцини има влијание врз најавената рестриктивна мерка? Бошков смета дека бизнис секторот дефинитивно е погоден од немањето дози за имунизација.    

“Луѓето своите бизниси ги планираа како да ќе има вакцина, во менталната матрица беше дека ќе се ослободиме од стегите, врз основа на тоа се планираа и екномскиот, но и социоекономскиот и културниот живот, така што мерката сега е неминовна”.

Петтиот пакет економски мерки е веќе објавен, но Бошков смета дека воведувањето на полициски час можеби треба повторно да ги активира економските сектори во Владата, во смисла на дополнителна поддршка.

Приоритет, според него, секако треба да имаат оние секори кои придонесуваат во поголемо полнење на буџетот, но дијалог треба да водат сите засегнати. 

Укинувањето на роамингот е дел од договорот на земјите од Западен Балкан (Албанија, Босна и Херцеговина, Северна Македонија, Црна Гора, Косово и Србија).

Првата фаза од спроведувањето на договорот започна во 2019 година, кога цената на роамингот беше намалена за 80 проценти, додека втората фаза, односно целосно укинување на роамингот, беше најавена за 1 јули 2021 година.

Европската унија побара укинување на роамингот во телекомуникациските тарифи за земјите од Западен Балкан, како форма на олеснување на комуникацијата на граѓаните.

извор: mk.tv21.tv

Во 2019 година жените во ЕУ имаа просечно 14,1 процент пониска бруто-плата по час од мажите, покажуваат податоците на Европскиот завод за статистика.

„Постои нерамнотежа во приходот на жените и мажите“, констатира Евростат, истакнувајќи ја разликата во просечната бруто-плата по час.

Податоците од компаниите со повеќе од 10 вработени покажуваат дека во 2019 година, жените имале во просек 14,1 процент пониска бруто-плата по час од мажите, откриваат статистичарите.

Најголемата разлика во 2019 година е забележана во Естонија, Летонија, Австрија, Германија и Чешка, каде што жените примале петтина пониска бруто-плата по час од мажите.

Во групата спаѓаат и Чешка, Словачка и Унгарија, каде што бруто-платата по час на жените била во просек од 18,4 до 18,2 проценти помала од онаа на мажите.

Во Луксембург, Романија, Италија и Белгија, разликата е многу мала, со просечна бруто-плата по час на жените за 1,3 до 5,8 проценти помала од онаа на мажите.

Во Словенија просечната плата на жените за 7,9 проценти е помала од онаа на мажите, во Полска за 8,5 проценти, додека жените во Кипар, Грција и Португалија можат да сметаат на 10,1 до 10,6 проценти помала плата од мажите.

Хрватска е исто така блиска, со просечна бруто-плата по час на жените во 2019 година за 11,5 проценти пониска од онаа на мажите.

Во групата спаѓаат и Ирска, Шведска, Малта и Шпанија, каде жените во 2019 година добивале од 11,3 до 11,9 проценти помала бруто-плата по час од мажите, утврди „Евростат“.

Голем дел од работодавачите се против прогласување на недела за неработен ден, бидејќи тоа може негативно да влијае на нивниот бизнис, но и да доведе до скратување на работни позиции. 

На денешната панел-дискусија на Стопанската комора беа изнесени и ставови и претпоставки дека странските инвеститори можат да се повлечат од македонскиот пазар поради тоа што нивните бизниси нема да работат седум дена во неделата. Според некои од нив, ваквата одлука може да доведе до финансиски потешкотии кога е во прашање одржливоста на бизнисите, но и да резултира со намалување на работните позиции и отпуштање на работници. 

Панелистите се согласни дека прогласувањето на недела за неработен ден нема да ги даде очекуваните придобивки, туку ќе предизвика проблеми во работењето на повеќе сектори. Во градежништвото ќе бидат пролонгирани роковите за градба, ќе се измести производствениот процес во компаниите, а во трговијата и кај спортските обложувалници, каде викендот е период кога има најголем број посетители, ќе има пад на прометот, што ќе повлече и отпуштања на вработените.

Проценките се дека во трговските центри околу 10 проценти од вработените ќе ги загубат своите работни места, а во спортските обложувалници една третина од вработените ќе останат без работа.

Многу од учесниците се согласни дека прогласувањето на недела за неработен ден ќе остави негативни последици во стопанството. 

Работодавачите немаат ништо против засилени инспекциски контроли, а во однос на тоа кој ден да биде слободен, доколку се работи во недела, сметаат дека тоа треба да биде оставено на нив.

Последната везрзија на законот предвидува предлогот недела да биде неработен ден да почне да се применува од септември.