По охрабрувачките вести од анализата на резултатите на бројките на загадување во месец јануари во Скопје, споредено со истиот период од претходните години, ја продолживме анализата и за месец февруари. Со споредувањето на нивото на ПМ10 честички и бројот на денови на надминување може да се заклучи дека позитивните трендови на опаѓање продолжуваат.

(извор - мерни станици на министерство за животна средина и просторно планирање)

Од графиконите јасно забележуваме дека во сите државни мерни станици во централното градско подрачје (Центар, Гази Баба, Карпош, Лисиче и Ректорат) има континуитет во намалувањето на загадувањето во последниве години – 2018, 2019, 2020 и 2021. За пример, најзагадениот ден со максимална средно дневна концентрација на ПМ10 во Карпош е од 471 микрограми на метар кубен во 2017, додека оваа година бројката е за повеќе од четири пати намалена, односно изнесува 100 микрограми на метар кубен. Во 2021 Карпош и Гази Баба го бележат најниското ново на максимална средно дневна концентрација на ПМ10 честички од 2015, односно од кога има мерења за концентрација на ПМ10 честички во воздухот. Исти или слични резултати се измерени во сите државни мерни станици во Скопје.

При анализа на податоците за месец февруари, вклучувајќи ги сите државни мерни станици во централното градско подрачје, по драстичниот пад во 2018 година, сведоци сме на постепено и континуирано намалување на нивото на максималната вредност на ПМ10 во воздухот. (извор - мерни станици на министерство за животна средина и просторно планирање)

(извор - мерни станици на министерство за животна средина и просторно планирање)

Доколку пошироко ја анализираме оваа тема и бројките кои се однесуваат на неа, и направиме пресек на годишно ниво, ќе видиме дека падот на нивото на ПМ10 честички на метар кубен е посебно видлив последната година, 2020. Земајќи го превид тоа дека и јануари и февруари (односно најзагадените месеци) од 2021 имаме дополнително намалување на бројките, можеме да очекуваме дека 2021 ќе биде подеднакво охрабрувачка. Тоа што е посебно значајно е дека овие податоци се индикација дека се преземени вистински чекори за надминување на овој проблем на долг рок.

(извор - мерни станици на министерство за животна средина и просторно планирање)

Очекувано е дека политиките насочени на намалување на загадувањето не можат да дадат резултати преку ноќ, токму затоа ваквите податоци се вистинска индикација дека треба посветено да се продолжи со преземените активности за да истите доведат до посакуваната цел.

Би биле наивни ако мислите дека регрутерите секогаш се искрени и директни со оние кои доаѓаат кај нив на интервју. Неретко може да слушнете општи форми на одговори кои служат за избегнување на непријатни ситуации во процесот на регрутација. Еве неколку дипломатски одговори што можеби ќе ги слушнете од вашиот регрутер во текот на целиот процес на вработување.

• Ќе бидеме во контакт. Ова е многу ноншалантен начин некој да ви го каже тоа што сакате да го слушнете без никакви конкретни временски рамки.
• Одлично ти е резимето. Ова значи дека тимот за вработување не ве смета за најдобар кандидат за тоа работно место или едноставно не ве сакаат во тимот. 
• Ќе дознаете од нас дали сте ангажирани или не, или испратете ми ја вашата биографија - ќе Ви одговорам, ветувам. Иако некои регрутери навистина се обидуваат да искомуницираат со секој кандидат, некои едноставно се однесуваат како да пропаднале во земја.
• Платата зависи од искуството. Секоја компанија има одредено приближна сума за плата за конкретното работно место. Регрутерите може да мислат дека сте премногу скапи, или едноставно само се обидуваат да ги слушнат прво вашите барања.
• Ние сме заинтересирани, но интервјуираме и други кандидати. Во време на брзото екипирање на потребниот тим, тие немаат време да бидат радосни - тие или мислат дека добро се вклопувате, или не.

• Заеднички контакт ми ги даде Вашите информации, но тој побара да остане анонимен. Всушност, овој регрутер ве следел преку отворен извор.
• Оваа можност можеби ви делува дека не соодветствува на Вашето искуство, или можеби не звучи премногу возбудливо, но тоа е неверојатна компанија за која сум сигурен дека подоцна ќе Ве унапреди, или ќе Ви плати повеќе. Ова може да биде вистина, но поголемиот дел од времето, работодавците само се обидуваат да ве охрабрат да ја потпишете понудата и да го пополните отвореното работно место во моментот.
• Со кои други работодавци имате закажано интервју? Потребно е да ми кажете - но тоа ќе остане доверливо. Како кандидат, од вас не се бара да им ги кажете тие информации и навистина, тие само се обидуваат да видат дали зборувате со конкуренти или други компании околу процес на вработување.
• Нема ништо негативно во врска со овој работодавач! На какви било негативни коментари на Интернет не може да се верува. Прифатете го ова со доза на резерва. Некои луѓе се неправедно оцрнувани, но може да има одредена вистина во поплаките од поранешните вработени.
• Дефинитивно треба да ја прифатите оваа понуда затоа што брзо ќе се пополни работното место и нема да најдете ништо подобро. Ова е уште една тактика за заплашување за да ги намамите кандидатите брзо да потпишат понуда - и нешто сигурно ќе се појави попатно ако моментално не сте подготвени да се качите на „бродот“.

Не станувајте жртва на тактиката со притисок. Следниот пат кога ќе слушнете еден од овие дипломатски искази, ќе знаете дека тоа е само блеф на регрутерот.

Филип Морис Интернешнал е мултинационален тутунски гигант, чии производи се продаваат во преку 180 земји, компанија чија долга и успешна традиција има почетоци дури во 1800-тите години. Речиси да нема некој кој не знае за Филип Морис или за ултра популарните брендови на компанијата. Па логично прашање кое следува е зошто би имало потреба ваков голем и успешен интернационален играч да прави радикална промена во своето работење?

Во 2016-та година, Филип Морис Интернешнaл (ФМИ) објави дека се обврзува на голема деловна трансформација – оддалечување од дотогашниот фокус на цигарите и другите согорливи производи од тутун и насочување кон подобри производи без чад кои претставуваат подобра алтернативи за сите возрасни пушачи кои би продолжиле да пушат. Целта до 2025 година, како што објави компанијата, е да се достигне бројка од најмалку 40 милиони нејзини возрасни потрошувачи кои ќе се откажат од докажано штетните традиционални цигари и ќе се префрлат на една од алтернативите, за на крајот, да ја постигнат зацртаната цел наречена „Иднина без чад“.

Денес, во различни фази на развој се 4 т.н. платформи кои работат на создавање бездимни алтернативи кои сосема го елиминираат согорувањето, со цел намалување на изложеноста на штетни и потенцијално штетни материи содржани во чадот од цигарите. Првата платформа, која е веќе достапна во многу земји низ светот, а воедно и кај нас, претставува алтернатива базирана на систем на загревање на тутунот, позната под името IQOS. Самиот уред IQOS претставува водечка технолошка иновација опремена со патентираната Heat Control® технологија која не дозволува температурата на загревање на тутунот да надмине 350°. Зошто токму 350°? Истражувањата на научниот тим кој ги развива алтернативите докажале дека согорувањето започнува на температура од 400°, а производ на тој процес е чадот од тутунот кој содржи огромен број докажано канцерогени, штетни и потенцијално штетни материи. Филип Морис Интернешнал од 2008-та година па наваму има инвестирано повеќе од 8,1 милијарди американски долари во науката и истражувањето за развој на производи без чад и вработува повеќе од 400 светски научници, инженери и техничари кои го водат процесот на трансформација. Воедно е 45-та компанија по број на прифатени патенти во ЕУ, со одобрени 4600 патенти и дополнително 6300 поднесени патенти.

Во својот Извештај за напредокот до 2019 компанијата објави дека испорачала 114 милијарди единици помалку цигари и други согорливи производи и 52 милијарди повеќе единици од нејзините производи без чад, што претставува потврда за нејзините напори да ја испорача ветената цел – Иднина без чад. Дополнително, компанијата се обврзува да се подобрува заедно со неколку димензии на своето eколошко, социјално и корпоративно управување.

Oд Светската здравствена организација(СЗО) тврдат дека е откриен изворот на пандемијата.  Детали ќе дадат во наредниот период. 

СЗО започна истрага во јануари за да го открие изворот на пандемијата, а сега велат дека се работи за фарми на диви животни. Многу од фармите се лоцирани во провинцијата Јунан. Оттаму препродавачите набавуваат диви животни за пазарот на морска храна Хуанан во Вухан. Питер Дазак, еколог од тимот на СЗО, за сајтот НПР го раскажа своето искуство во оваа мисија да го бара изворот на пандемијата и рече дека некои од овие диви животни може да биле заразени со вирусот САРС-КоВ-2, и дека тие го зеле вирусот од лилјаците. Мисијата започна во јануари, по серијата теории на заговор што се раширија низ целиот свет. Една од нив беше дека вирусот некако избегал од лабораторијата во Вухан, а СЗО го отфрли тоа сценарио минатиот месец, бидејќи нема докази за тоа.

Научниците се согласуваат дека вирусот циркулирал во лилјаци, а потоа „скокал“ врз луѓето преку посредници, најверојатно преку диви животни кои биле продавани на пазарот. Досега во светот има повеќе од 122 милиони потврдени случаи на коронавирусот. САД, Бразил, Индија, и Русија имаат најмногу случаи. 

foto freepik