Промовирани огласи »

Иако сега празниците ги прославуваме на поинаков начин, би било навистина прекрасно ако не го прескокнете Денот на сесловенските просветители, зашто писменоста денес, за жал, е сè помалку застапена, а е исклучително важна во процесот на зачувување на интегритетот на еден народ.

Писменоста е нераскинлив дел скоро од секој аспект на новото време кое го живееме, зашто таа не се однесува само на молив, гума и тетратка со тесни-широки линии, туку се трансформира според потребите и еволуцијата на човештвото.

Моментално, тргнувајќи од тоа дека скоро се е дигитално, повеќето услуги и производи се лесно достапни на Интернет, некогаш ја забораваме најважната работа, а тоа се нови вистински информации во било каква форма. Писменоста ни помага да стигнеме до тие нови информации, а способноста за самостојно распознавање на вистинитоста на тие вести се развива само со постојано проверување на фактите дури и од релевантни извори. 

Новите информации го стимулираат мозокот и создаваат простор за нови. 

Интернетот првично бил алатка во поглед на напредок на човештвото, моментално кај нас се користи за губење време во буквална смисла. 

Дигиталната и медиумската писменост се есенцијални вештини за опстојување на пазарот на трудот во вакви периоди. 

Распознавање на лажни вести, истражување пред да се искоментира или слично, соодветна реакција на типот на содржина која се сервира на публиката се суштинските елементи поврзани со добивањето на правите вести и информации. 

Разбивањето на бариерата меѓу публиката и вистинитоста на информациите кои таа публика ги чита кај нас се одвива навистина бавно. 

Во Рим во 869 година папата Адријан ги осветил словенските книги, што значи дека Римската Црква официјално ја признала словенската писменост.

Поминати се 1 152 години, а ние уште не сме ја завршиле оваа еволуирана верзија на мисијата на светите браќа. 

Нивото на писменост на одредена нација зависи правопропорционално од нивото на свест и способност за држење чекор со брзиот развој на светот.

Ако порано требаше да се посветиме само на азбуката за да постигнеме ниво, сега процесот на личниот развој е многу посложен и бара фокус. 

За да го испочитуваме нивното дело, треба да се придржуваме до нивната идеологијата - описменување на народот без разлика на сè. 

Тогаш имало притисоци против ваквата мисија под изговорот дека се работи за ширење ерес, сега владее само игнорантноста кон релевантноста на описменувањето во која било форма. 

Никогаш не е доцна да се покаже дека писменоста вдахнува моќ. 

Промовирани огласи »

Луѓето кои се занимаваат со производство на чевли и облека земаат најниски плати. 

Најниска просечна плата има во дејноста производство на кожа и слични производи од кожа – 23.579 денари, бруто, а потоа следи дејноста заштитни и истражни дејности – 24.700 денари. Со ниски плати се и вработените во туристички дејности и туроператори и останати резервациски услуги и дејности поврзани со нив, односно 25.542 денари.

Работниците кои се занимаваат со производство на облека се со просечна плата од 26.173 денари и услуги поврзани со одржување на згради и уредување и одржување на животна средина и природа со плата во просек од 26.218 денари.

Просечната месечна исплатена нето-плата по вработен во март 2021 година е 28.217 денари и бележи раст во однос на март лани од 6,8 проценти. Податоците деновиве ги објави Државниот завод за статистика.

Од СДСМ велат дека економските мерки и политики што ги реализираше Владата предводена од  премиерот Зоран Заев дадоа резултат. Според нив, економските индикатори покажуваат позитивен нагорен тренд, македонската економија е стабилна, жива и динамична.

Промовирани огласи »

На денешен ден, на 23.05.1937 година, починал Џон Д.Рокфелер, човек за кој се проценува дека бил, засновано на богатството што го стекнал само во последните десет години од својот живот, најбогатиот човек на светот.

Џон Дејвидсон Рокфелер е роден на 8 јули 1839 година, како второ дете на семејството Рокфелер во Ричфорд, Њујорк.

Бидејќи Вилијам Рокфелер, таткото на Џон, честопати бил далеку од дома, Џон и помагал на неговата мајка во домаќинството и продавал компири, слатки и мисирки за дополнителни пари.

Бидејќи семејството Рокфелер често се преселувало за време на неговото растење, тој најпрво ја посетувал Академијата во Овег, а кога започнале да живеат во Кливленд, се запишал во средното училиште во Кливленд.

Заедно со средното образование, запишал и курс на Колеџот за трговија Фолсом, каде што студирал книговодство.

Кога наполнил 16 години, ја добил својата прва работа како помошник сметководител во компанија во Кливленд, каде ја искористил својата прекувремена работа за да стекне искуство во преговори со сопственици на фирми, а тој бил особено вешт во пресметки и трошоци.

За три месеци работа, добивал 16 долари месечно, а подоцна неговата плата била зголемена на 50 долари.

Во тој период, Рокфелер наводно изјавил дека имал два сона и големи амбиции во животот – да заработи сто илјади долари и да живее сто години.

Џон и неговиот прв деловен партнер, Морис Кларк, подигнале четири илјади долари капитал во 1859 година, а една година подоцна веќе направиле голем профит со овој потег, од околу 17 000 долари.

Рокфелер, исто така, видел голем потенцијал во тогашното растечко производство на нафта во западна Пенсилванија, па затоа во 1863 година ја изградил својата прва рафинерија за нафта недалеку од Кливленд, која била најголема во таа област.

Рафинеријата била во сопственост на Рокфелер, неговиот партнер Кларк, хемичарот Ендрус, а дел им припаѓал на браќата Кларк.

Братот на Џон изградил рафинерија во Кливленд во 1866 година, па го покани Џон да му биде деловен партнер.

До крајот на следната година, оваа рафинерија била најголема во светот, благодарение на добрата контрола на трошоците, употребата на рафинериски отпад и континуираните практики за инвестирање за да се оствари профит.

Џон Рокфелер ја основал својата нафтена компанија „Стандард оил“ во Охајо во 1870 година, а неговите рафинерии станале најпрофитабилни.

Со текот на времето, Стандард Оил, компанија предводена од Рокфелер, добила доминација на пазарот за рафинирање и продажба на нафта – дури 90 проценти од американскиот пазар.

Многу новинари и политичари ја осудиле и нападнале компанијата, тврдејќи дека „Стандард Оил“ бил најсуровиот, немилосрден вид монопол во тоа време, на што Џон одговорил дека во големиот бизнис што го прави се случуваат работи што тој не ги одобрувал, но на крај се обидувал да ги поправи.

Семејството Рокфелер било критикувано од јавноста кога во 1989 година продаде 51 процент од своите акции на јапонската компанија „Митсубиши“, поточно акциите на групата Рокфелер, која исто така беше сопственик на Центарот Рокфелер.

Веќе со својата прва плата кога имал 16 години, Рокфелер дал процент од својата заработка во добротворни цели.

Како што растела неговата заработка, тој вложувал сè повеќе во образованието и здравството, науката, уметноста и се проценува дека тој и неговата фондација донирале повеќе од 250 милиони долари во добротворни цели.

Тој и неговиот син ја основале Фондацијата Рокфелер, која првично обезбедила голема финансиска поддршка за јавното здравство и 2о15. година, таа беше на 39-то место според количината на донации.

По пензионирањето од бизнисот, се верува дека заработил просечно околу една милијарда и петстотини милиони долари од инвестиции и компанијата, што е најголемата сума што можела да се создаде од приватно лице дотогаш.

Умрел на 23 мај 1937 година во Флорида.

Центарот Рокфелер, лоциран во Менхетен, е комплекс од 19 згради изградени од семејството Рокфелер во 1930 година, а во 1987 година беше наведен како национално обележје на САД.

Денес Центарот Рокфелер е седиште на познатата национална телевизиска компанија „Ен-Би-Си“.

Промовирани огласи »

За разлика од пред една недела, сега грчките власти признаваат и тест за антитела, за оние кои сакаат да ја посетат Грција, но документот мора да биде на англиски, германски, француски или италијански јазик.

Ова е покрај негативниот ПЦР тест, или примени две дози вакцини, но само ако од втората доза се поминати 14 дена.

Најголемиот дел од патниците кои вчера се упатија кон Грција беа македонски и српски државјани. Речиси сите кои доаѓаат од Србија  имаат документ  за примени две дози вакцини, додека поголемиот дел од македонските граѓани границата ја минуваат со негативен ПЦР тест, но имаше и такви кои веќе го завршиле процесот на вакцинација.

Оние што влегуваат вакцинирани, треба да имаат поминати 14 дена од втората доза.

Граничниот премин Евзони кој беше затворен цели 14 месеци грчките власти го отворија минатата недела. Од тогаш па до денес преку овој премин влез во Грчките оствариле околу 13.500 патници, што е далеку од периодот пред пандемијата со корона вирусот кога вакви бројки се регистрираа само за еден ден.

Повеќе вести...
барај огласи за вработување » барај останати огласи »