Над 9.000 денари ќе изнесува К-15 годинава за вработените во јавната администрација.

Оваа година и тие ќе добијат К-15.  Од граѓанскиот синдикат УПОЗ информираат дека тоа е минималната сума која им следува на вработените со граѓанскиот колективен договор, а оние кои имаат и колективен договор на ниво на работодавец, според предвиденото во него, ќе добијат и повеќе.

Стопанството излезе со остри реакции за одлуката на Владата со ребалансот на буџетот да се одвојат пари за К-15 за административците. Сметаат дека тоа е непродуктивно. 

Работниците во приватниот сектор претходните години добиваа К-15. Обврската за исплата на регресот за годишен одмор или популарно наречениот К-15 беше воведена во 2014 година. Се предвидува дека работникот има право на овој регрес само доколку работел најмалку шест месеци во текот на годината кај еден ист работодавец. Овој приход се исплаќа еднаш годишно најдоцна до 31 декември во годината. 

  

Во Стразбур во вторникот вечерта на пленарната сесија , европратениците го одобрија воведувањето дигитални зелени сертификати од 1 јули, објави денеска Европскиот парламент.

Иницијативата беше претставена од Европската комисија на 17 март, по што беше покрената итна постапка за воведување на сертификатите.

Цел на иницијативата е да воспостави униформни европски правила за прекугранично движење пред летната туристичка сезона, да ги зајакне патувањата и да предизвика економско закрепнување, со отстранување на сомнежите создадени од различен национален карантин, тестирање и други мерки.

Дигиталниот зелен сертификат, кој ќе се применува за период од 12 месеци, ќе служи како доказ на три работи. Дека лицето било заболено, примило доза или имало негативен тест во последните 72 часа.

Тоа нема да биде предуслов за слободно движење и нема да се смета за патна исправа.

Сертификатот ќе биде достапен во дигитална и хартиена форма и ќе содржи QR-код. Истиот ќе се издава бесплатно од националните власти.

Обезбедени се и 100 милиони евра за набавка на тестови за да се направи тестирањето достапно и прифатливо за граѓаните.

Доколку некои држави одлучат да воведат дополнителни ограничувања, Агилар истакна дека „тие мора да им го кажат тоа на граѓаните 48 часа однапред и 24 часа пред да стапат на сила овие мерки“.

Дидие Рејндерс, комесарот за правда на ЕУ, рече дека дигиталниот зелен сертификат е резултат на заедничката посветеност на трите институции за постигнување конкретни резултати за граѓаните на ЕУ.

Осигуреникот кај кого телесно оштетување ќе настане за време на траењето на осигурување се стекнува со право на паричен надоместок за телесно оштетување под истите услови во поглед на пензискиот стаж под кои се здобива со правото на инвалидска пензија.

Условите се следни:

1) телесното оштетување да е причинето  со повреда на работа или професионална болест – без оглед на должината на пензискиот стаж или

2) телесното оштетување да е причинето со повреда надвор од работа или со болест под услов пред настанувањето на инвалидноста, односно на денот на престанокот на осигурувањето по настанатата инвалидност да е постар од 45 години живот и да има навршени најмалку 12 години пензиски стаж или

3) телесното оштетување да е причинето со повреда надвор од работа или со болест, доколку осигуреникот има навршено над 30 до 37 години живот, треба да има пензиски стаж кој му покрива 30% од работниот век, сметајќи го работниот век на полни години, а осигуреникот има навршено над 37 до 45 години живот, треба да има пензиски стаж кој му покрива 40% од работниот век, сметајќи го работниот век на полни години.

Осигуреник кај кого телесното оштетување настанало пред навршување на 30 години живот како последица на повреда надвор од работата или болест се здобива со право на надоместок за телесно оштетување ако на денот на настанувањето на телесното оштетување  имал својство на осигуреник и ако:

1) телесното оштетување  настанало до навршување на 20 години живот, ако имал најмалку шест месеци стаж на осигурување;

2) телесното оштетување  настанало до навршување на 25 години живот, ако имал најмалку девет месеци стаж на осигурување и

3) телесното оштетување  настанало до навршување на 30 години живот, ако имал најмалку 12 месеци стаж на осигурување.

Право на паричен надоместок за телесно оштетување осигуреникот стекнува независно од тоа дали се стекнал и користи и некое друго право од пензиското и инвалидското осигурување.

Не се стекнува право на паричен надоместок за телесно оштетување од 30% до 40% според листата на телесни оштетувања, кое настанало како последица на болест или повреда надвор од работата, за телесно оштетување кое постоело пред стапувањето во работен однос, како и за подоцнежното влошување на тоа телесно оштетување. По исклучок кога пред стапувањето во работен однос постоело телесно оштетување на еден од парните органи, а подоцна настапи оштетување на другиот истоветен орган, осигуреникот стекнува право на паричен надоместок за телесно оштетување на двата органи.

Висината на паричниот надоместок за телесно оштетување се определува според утврдениот процент на телесното оштетување од следниве основици:

• 9% од просечната плата остварена во Републиката во претходната година кога телесното оштетување е предизвикано со повреда на работа или со професионална болест и
• 7% од просечната плата остварена во Републиката во претходната година кога телесното оштетување е предизвикано со болест или повреда надвор од работата.

Ако постојат две или повеќе телесни оштетувања вкупниот процент се определува на тој начин што на поголемиот процент се додава, и тоа по:

1) 20% за секое натамошно телесно оштетување од 50% или повеќе и

2) 10% за секое натамошно телесно оштетување од 40% и 30%.

На корисникот на паричен надоместок за телесно оштетување во случај на влошување на постојното телесно оштетување или нов случај на телесно оштетување, му се определува паричен надоместок според новиот, односно вкупниот процент на телесно оштетување.

Во склоп на средното ветеринарно и земјоделско училиште „Браќа Миладиновци“ утре се отвора зоолошка градина. 

Оваа зоолошка градина во дворот на училиштето постои веќе повеќе години, која служела како практична настава за учениците, од утре таа официјално ќе биде отворена за сите посетители. 

Во моментов има дваесетина видови на животни или околу 50 единки. Лами, носести мечиња, пони коњчиња, елени, срни, домашни животни, како и многу птици се дел од зоолошката. 

Влезот е слободен, односно со донирање на симболична сума, секој ќе може да влезе, велат од училиштето.