Индустријата за информатичка и комуникациска технологија е најбрзо растечки сектор во македонската економија и игра важна улога како снабдувач на работни места и создавач на извоз. Хардверот е најголемиот сегмент со 55 % на пазарот на ИКТ во Македонија. ИКТ услугите се втор по големина сегмент 30 %, а софтверот сочинува 15 % од пазарот на ИКТ. Со годишна стапка на раст помеѓу 2,5% и 8% во последните неколку години, секторот за информатичка и комуникациска технологија во земјата е ветувачка област за странските компании, но и за домашните.

Просечната плата во овој овој сектор е највисока на ниво на држава и во мај годинава изнесува 73.108 денари според Заводот за статистика. Голем број меѓународни и домашни компании развиваат софтвер во земјата за извозниот пазар и обезбедуваат клиентска поддршка за мултинационални ИТ компании.

Овој пат ќе ги анализираме само домашните ИТ компании, односно оние што се исклучиво во македонска сопственост. Aнализата на Pari.com.mk и податоците на БизнисМрежа.мк покажуваат дека во најголемите 5 компании во македонска сопственост со дејност компјутерско програмирање, четири од фирмите се скопски, додека една е битолска.

Некстсенс е компанијата која генерирала најголеми приходи во последните три години иако може да се забележи континуиран пад низ годините. Од 7,4 во 2018-та на 5,2 милиони евра минатата година.

Втора најголема по приходи е “натрапникот” во групата битолски Интерворкс. Компанијата лани акумулирала приход од 4,8 милиони евра.

Аксапта Мастерс е трета на листата 5 најголеми компании од ИТ во домашна сопственост. Оваа фирма забележала и најголем раст на приходите во последните пет години од 1889%.

Интертек.ИО е следната ИТ компанија во која лани се слеал приход од 2,3 милиони евра. Компaнијата бележи раст на приходите од година в година.

Листата на петте најуспешни македонски фирми од ИТ секторот ја заокружува скопската компанија Интелегент Нетворк Солушн. Оваа компанија за компјутерско програмирање успешно го изменаџирала приходот и од година вo година забележува раст. 2020 година ја завршила со 1,9 милиони евра приход што ја позиционираше во најуспешните пет.

ПЕТТЕ НАЈУСПЕШНИ СО ВКУПЕН ПРИХОД ОД 17,5 МИЛИОНИ ЕВРА

Износите се изразени во евра .

Поинаква е ситуацијата кај профитот. Најголемата компанија по приходи не е и најголема по добивка.

Најпрофитабилна е битолски Интерворкс која остварила добивка од еден милион евра. Компанијата сепак во последните три години забележува пад во добивката.

Втора на листата по добивка избива Аксапта Мастерс со заработка од 662 илјади евра или раст за пет години од 3354 проценти.

Најголемата по приход е на трето место по добивка, но далеку зад прворангираната. Некстсенс остварил профит од 332 илјади евра.

Својата позиција на оваа табела значително ја подобрува и Интелегент Нетворк Солушн. Оваа компанија со речиси 298 илјади евра заработка минатата година и се приближува на треторангираната. Карактеристично за оваа компанија е што и кај приходите и кај добивката од година вo година бележи прогресивен раст. Таа е втората компанија што по Аксапта Мастерс кај добивката покажала најдобри резултати во последните пет години остварувајќи раст од 591 процент.

Последна на листата е Интертек.ИО. Кај оваа компанија добивката од речиси 160 илјади евра во 2018 се намалила на 3.000 евра минатата година.

АКСАПТА МАСТЕРС И ИНТЕЛЕГЕНТ НЕТВОРК СОЛУШН СО НАЈГОЛЕМ РАСТ КАЈ ДОБИВКАТА

Овие пет компании вработуваат вкупно 435 луѓе.Некстсенс (88), Интерворкс (154), Аксапта Мастерс (59), Интертек.ИО (81) и Интелегент Нетворк Солушн(53).

Просечната плата од различни профили во ИКТ секторот во земјата е околу 60% пониска во споредба со Белгија, Швајцарија и Холандија, што ја прави оваа земја конкурентна за обезбедување на најдобро ефективно решение и високо квалитетна услуга.

Македонската аутсорсинг индустрија опслужува клиенти во 37 земји во Европа, Северна Америка, Азија, Австралија и на Блискиот исток. Повеќето компании за ИТО и БПО во Северна Македонија гледаат најголем потенцијал како извозни дестинации во скандинавските земји, Централна и Источна Европа, проследено со сегашниот избор број еден во Северна Америка. Компаниите ИТО се најголемиот дел од стартапите во Северна Македонија.

Добро развиен образовен систем: повеќе од 80 средни училишта со интензивен фокус на јазиците, математиката и науката, како и 22 универзитети; Повеќе од 1.300 македонски студенти дипломирале компјутерски науки, развој на софтвер ја правата Македонија конкурентна во овој бизнис.

Преземено од:

https://pari.com.mk/5-najmokjni-it-kompanii-2020/?fbclid=IwAR0F-pyFAbhKwI1mU5YVkA5iuYYYM-7O_iG1xoweKd_tCGzpJbj06T10vk8

Продажбата на автомобили преку интернет може да биде опција за заштеда на време на купувачите. Доаѓање до брендот на автомобилот исто така не е лесна задача. Иако голем дел од брендовите имаат свои мк. домени, дел можат да се најдат само под своите дистрибутери, така што наоѓањето бара дополнителна авантура. Целиот процес на купување автомобил преку интернет варира од еден застапник до друг, но повеќето го следат истиот основен процес.

Еве четири најдобри избори за онлајн автомобил шопинг:

AutoScout 24 има масовна база на корисници и таа популарност ja прави одлично место за купување или продавање автомобил преку интернет. Од 1998 година e најголемиот европски автомобилски интернет пазар, koj им нуди на приватните клиенти, дилери и производители сеопфатна платформа за трговија на автомобили преку Интернет. Со 20 милиони корисници само во Германија, компанијата работи во 18 земји низ Европа. Преку AutoScout24, корисниците можат да најдат, финансираат, купуваат, претплаќаат и продаваат користени и нови автомобили. Веб сајтот нуди инспирација за сите видови возила и ги прави тешките одлуки лесни.

Cars.com е уште еден добро воспоставен агрегатор кој обезбедува пристап до залихи на застапништва, приватни огласи и богатство на истражувачки информации. Во прилог на пребарувањето со марка и модел, можете исто така да наведете општ тип на возило и комплет на функции. Кога ќе пронајдете возило за кое сте заинтересирани имате можност да ја повикате или да ја испратите е-поштата на застапништвото. Додека не постои интегриран метод на контакт, огласите вклучуваат телефонски броеви, линкови до веб-страниците на дилерот и обрасци за контакт.

На Mobile.de , купувачите можат да најдат нови и користени автомобили, како и мотоцикли, камиони и моторни домови. Корисниците кои го рекламираат своето возило за продажба имаат контакт со клиенти ширум Германија и пошироко. Oбемниот избор и развој на mobile.de гарантираат рамнотежа помеѓу понудата и побарувачката, што овозможува да се обезбедат одлични резултати во продажбата.

Mobile.bg веб-страницата број 1 зa автомобили во Бугарија, се базира на таква огромна база на податоци од сите места, нуди многу поголема веројатност да го пронајдете точнoто возилo што го барате, отколку ако само проверувате локални огласи. Од автомобили, џипови, приколки и чамци, до специјализирана опрема, сигурно ќе најдете совршено совпаѓање за вашите потреби. Мобиле.бг сега е достапна во секое време, каде било со вашиот паметен телефон Андроид.

Ви прелгагаме да го прочитачте правилникот на царинска управа пред да се одлучите да увезете возило: https://customs.gov.mk/index.php/mk/patnici/uvoz-na-vozila-mk

Во летните денови нема ништо поубаво и полесно од свежо подготвена, вкусна салата. Таа може да го комплетира, збогати и подобри речиси секој оброк. Брзо се подготвува, а за нив ви се потребни само неколку здрави, свежи и вкусни намирници. Денес ќе ви предложиме два итнересни рецепти за подготовка на летни салати. Истите може да ви послужат како одличен прилог за ручек или како вечера.

Салата од компири и боранија

Koмпирот е една од најчесто употребуваните намирници во нашата традиционална кујна. Во секој дом, најмалку неколку пати неделно има оброци кои вклучуваат компир, дали е тоа печен, варен, компир-манџа, супа или пак пире од компири. Нутритивниот состав на овој зеленчук е особено корисен и здрав и затоа компирот треба често да се консумира.

За денешната салата од компири и боранија, потребни ќе ви бидат:

• 6-7 компири
• Околу 400g боранија
• Млад кромид, ситно исецкан
• Малку свеж магдонос
• 2-3 испечени зелени пиперки, излупени и исецкани
• 1 поголема главица исецкан кромид
• 100g маслинки

За преливот:

• Малку маслиново масло
• Сол, бибер и малку ким
• Малку оцет (јаболков, вински или балсамико)
• 1-2 лажички сенф

Начин на подготовка:

1.Компирите сварете ги во вода. По варењето, оставете ги неколку минути да се оладат, а потоа излупете ги и исечете ги на покрупни парчиња.
2.Во меѓувреме, додека се варат компирите, сварете ја боранијата (доколку не користите готова боранија од конзерва). По варењето, исцедете ја и оставете ја да се олади.
3.Подгответе го преливот, така што ќе ги ставите сите состојки во мал сад и ќе ги промешате.
4.Младиот кромид, маслинките, кромидот и магдоносот исецкајте ги и додадете ги во еден сад. Кон нив додадете ги испечените зелени пиперки, компирите и боранијата. Прелијте ги зеленчуците со подготвениот прелив. Зачинете дополнително со сол и бибер (по желба).
5.Послужете.

Лесна салата од спанаќ и наут

Вториот предлог за салата, може да ви послужи како одличен прилог на ручекот, но и како самостоен оброк за вечера, бидејќи навистина содржи лесни, хранливи и освежителни состојки – првенствено спанаќ и наут.

За оваа салата, потребни ќе ви бидат:

• 1-2 домати со средна големина, исецкани
• Малку сок од лимон
• Малку маслиново масло
• Околу 150g свеж спанаќ
• 1-2 чешниња лук, ситно исецкани
• Малку сол, бибер и магдонос за зачинување
• 1-2 средно големи моркови, ситно исецкани или изрендани
• 1 мала тиквичка, изрендана
• Околу 150g сварен наут (може и веќе подготвен од конзерва)
• Малку млад кромид, ситно исецкан
• 100g урда или фета сирење
• По желба – 30g ореви или некој друг јаткаст плод

Начин на подготовка:

1. Во еден сад ставете ги ситно исецканите ореви, домати, сок од лимон, маслиново масло, лук и сол и бибер. Ова ќе биде преливот за салатата.
2. Во поголем сад, ставете ги наутот, морковите, тиквичката, младиот кромид, магдоносот и урдата. Прелијте со дел од сосот.
3. За сервирање, поделете го спанаќот по порции и прелијте го со смесата од наут и зеленчуци. Врз тоа, во секоја порција прелијте со преостанатото количество сос.

Преземено од: https://drmitov.mk/letnisalati/?fbclid=IwAR2d6X9EWrijuAedtMu_AYDKzGmYzTM6ImV8repNpx-ZZi-V7Pl72lQwTmg

Тимот на Барселона од денес е побогат за уште еден член. И тоа не било каков туку според многумина за наследникот на неприкосновениот и единствен Лионел Меси.

Многу момчиња во денешно време се нарекувани така, но Јусуф Демир, досегашшниот член на Австрија Виена, ќе ја има таа привилегија да го носи дресот на Барселона, и да биде директен потенцијален наследник на Аргентинецот. Таков му е и прекарот, „австрискиот Меси“.

Неговите соништа се исполнија на само 18. годишна возраст. Направи трансфер во Каталонија благодарение на агентот со потекло од Македонија, Шкумбин Ќормемети, кој живее во Виена, и го направи директниот линк со Барселона, и претседателот на Каталонскиот клуб, Хуан Лапорта.

Во текот на денешниот ден, целиот трансфер беше обавен, а очигледно дека од сега натаму сите очи како во Австрија така и во Каталонија, а и во целиот свет ќе бидат вперени во Јусуф Демир, затоа што со години се чека да се појави новиот Меси, а во името на сите светски љубители на фудбалот искрено веруваме дека Јусуф е конечно тој.

Преземено од: http://bitly.ws/fwTM