Пари Сен Жермен донесе уште една светска мегаѕвезда во својот тим после доаѓањето на Лионел Меси, кој во Париз потпиша двегодишен договор вреден 70 милиони евра, па парискиот гигант со тоа стана клуб кој има – ненормално најголем буџет за плати во светскиот спорт.

Меси ќе има плата од 35 милиони евра годишно, толку заработува и Нејмар, Мбапе е на 20 милиони, Рамос, Донарума се по 12, тука се Ди Марија, Верати, Хакими... Сега со Меси, буџетот само за првиот тим на клубот надмина 300 милиони евра или поточно 302,7 милиони евра.

Со ова ПСЖ стана прв клуб кој надминува четврт милијарда за плати, зашто досега број еден беше Реал Мадрид со 250 милиони, а зад нив Манчестер јунајтед со 237,7 милиони, па Барселона со 230,6 милиони. Во топ десет во светскиот спорт од фудбалските клубови се и Јувентус со 220, Баерн со 196,3, Челси со 192,75...

ЛА Доџерс е петти на светската листа со 228,2 милиони, Далас Кубојс девети со 186,83, а десет Кливленд Кавалирс со 185,65 милиони.

Во некои фирми може да постојат одредени правила за деловно облекување. Но,исто така, изборот на облекување може да биде индивидуален без било какви сугестии или наредби. Летните температури може да ве натераат да размислувате што да облечете и сепак да изгледате професионално и деловно,а истовремено да може да ги издржите високите температури. Една од добрите работи е што летните парчиња облека се изработени од лесен материјал,кој што ќе направи да се чуствувате удобно и пријатно додека работите. Пред се,одбирајте парчиња кои што имаат светла и неутрална боја,бидејќи потемните парчиња облека може полесно да ја привлечат сончевата светлина. Кога станува збор за изборот на чевли,одберете внимателно обувки кои што ќе ви бидат удобни доколку ги носите на боса нога. Во продолжение ви предлагаме неколку комбинации во кои што ќе се чувствувате пријатно,а истовремено и елегантно на вашето работно место.

Две минимални плати не го крпат едно четиричлено македонско семејство. 

2490
Објавил: Катерина Капкоска
10 август 2021, 15:26
СподелиСподели

ССМ пресмета дека синдикалната кошница за јули изнесува над 34 илјади денари, што е за близу 100 евра повеќе во однос на износот на две минимални плати.

Најмногу пари треба да се одвојат за храна и пијалоци, или 14 400 денари, за режиски трошоци близу 11 илјади денари. За лична хигиена 2 300 денари, а за превоз минимум се потребни над 2 500 денари. Математиката на ССМ покажува дека трошоците за живот од месец во месец се зголемуваат.

„ССМ оправдано бараше минималната плата да изнесува 60% од просечната, бидејќи ниту 2 плати не го...ако со ваков тренд продолжи ниту три плати нема да се доволни.“ изјави за Канал 5 Светлана Димоски, ССМ

Граѓаните велат дека цените забрзано растат. Живеачката од година в година е се потешка.

Ако во минатото синдикалната кошница за една година се зголемувала за 200 до 300 денари, лани за истиот период порасна за цели илјада денари. Годинава пак за само 6 месеци растот на трошоците за живот пораснале за 500 денари.

Минимална синдикална кошница 34 128 денари

• храна и пијалоци 14 417 денари
• режиски трошоци 10 826 денари
• превоз 2 528 денари
• лична хигиена 2 381 денари

На над 20.000 службеници во јавната администрација, односно во министерствата, Владата, судовите, јавните обвинителства, агенциите, фондови, но и некои општини веќе им легнуваат по 9.000 денари на сметка. Станува збор за исплати за регрес за годишниот одмор или популарното К-15 кое во државата на административците им се исплаќа за прв пат во последните 25 години. К-15 добиваат сите вработени во јавната администрација кои се опфатени со гранскиот колективен договор.

Во овој договор кој се однесува на органи на државната управа, стручните служби на Владата, судовите, јавните обвинителства, казнено - поправните и воспитно - поправните установи, државното правобранителство, општините, Градот Скопје и општините на градот Скопје, агенциите, фондовите и другите органи основани од Собранието стои дека право на регрес за годишен одмор вработениот има право на регрес за годишен одмор во висина од најмалку 9000 денари нето, под услов вработениот да работел најмалку шест месеци во календарската година кај работодавачот. Од УПОЗ за Фактор велат дека исплатата е почната и дека треба да заврши месецов затоа што во предизобрието нема да смее да се исплатува регресот. Оттаму велат дека за некои институции, според колективен договор, утврдено е да се исплатува висина на К-15 од 60 отсто од основица, но дека ова право се прекршува, односно и ним веќе им се исплатуваат по само 9.000 денари како регрес.

Исплатата на К-15 за јавната администрација следуваше по преговори меѓу Владата и синдикалците и ова за синдикатот е своевидна победа за вработените во овие сектори. Владата ги обезбеди парите со ребалансот на буџетот годинава и за таа намена ќе се потрошат 4 милиони евра. Сепак во јавноста, особено во приватниот сектор има реакции за исплатата на К-15 на административците кои сепак поголем дел од оваа пандемиска година го поминаа дома – а многумина, како што е познато, секако имаат мал обем на работа.  

Во меѓувреме со Уредба, Владата донела одлука за зголемување на платите на дел од вработените во јавната администрација, до 30 отсто од редовната плата, што би важело за оние работници кои ќе имаат зголемен обем на работа, или се истакнале во кризни ситуации, како на пример онаа со ковидот или со пожарите.

Од Владата велат дека донеле Одлука за утврдување на критериумите врз основ на кои може да се зголеми висина на месечен надоместок до максимум 30 отсто над редовната плата, но од УПОЗ не се сигурни дека ќе има вистински критериуми за избор на тие кои имале зголемен обем на работа, па велат дека ова може да  заврши со необјективен избор на подобни кои ќе добијат зголемување на платата, затоа што кој ќе добие додаток на плата, ќе одреди првиот човек на министерството или институцијата.

„Праксата покажа дека во време на ковид 19 и кризни ситуации како тековната со пожарите, во институциите се издвојуваат поединци кои не се и нема да бидат повеќе од 30 отсто од вкупниот број вработени и кои понесуваат сериозен товар од работата во исклучителни ситуации.За службениците кои извршуваат вонреден обем и вонреден тип работни задачи, одговорното лице на институцијата може да донесе одлука за зголемување на месечниот надомест до најмногу 30 отсто“, објаснија од Владата во одговорот за Фактор.

Буџетски корисници каде вработените ќе добијат додаток на плата се Министерство за одбрана, МВР, правда, политички систем и односи меѓу заедниците, МНР, финансии, економија, земјоделство, здравство, МОН, труд и социјала, локална самоуправа, култура, МИОА, транспорт и врски, екологија, потоа Владата, Секретаријат за европски прашања, Секретаријат за законодавство, Државен завод за ревизија и 21-та институција е Службата за општи и заеднички работи.