Падот на Авганистан во рацете на талибанските борци предизвика огромна хуманитарна криза,при што голем број на луѓе се принудени да ги напуштат домовите заради својата безбедност. Во меѓувреме фокусот се стави на неискористеното минерално богатство во Авганистан и се поставува прашањето дали тие ресурси би можеле да ги трансформираат економските перспективи доколку некогаш се развијат.

Откриено е дека Авганистан како една од најсиромашните држави лежи на наоѓалишта за минерали во вредност од 1 трилион долари. Постојат многу ретки минерали, но она што би можело да биде од огромно значење се наоѓалиштата со литиум кои што може да бидат од клучно значење за справување со климатската криза.

Поради голем недостаток на инфраструктура, безбедност како и неповолни временски услови, неможело да бидат извадени највредните минерали. И покрај целиот хаос што се случува, постојат земји како Кина, Пакистан и Индија кои би сакале да се обидат да се вклучат во пронаоѓање на тие минерали. Помалку е веројатно дека сето ова би можело да се промени под контрола на талибанците.

Владата утврдила дека голем од луѓето во Авганистан во текот на 2020 година, располагале со околу 2 долари дневно, што е под нивото на сиромаштијата. Но,сеппак постои се поголема заинтересираност за метали како што се литиум и кобалт, бидејќи сите земјите се обидуваат да го зголемат користењето на електрични автомобили и други технологии, за да се намали загадувањето на воздухот.

Откривањето на минералите бара многу големи инвестиции и техничко знаење. Се смета дека се потребни отприлика 16 години, од моментот кога ќе се открие едно наоѓалиште за минерали, до момент кога ќе започне неговото ископување. Постојат основани сомневања дека талибанците би можеле да ја искористат својата моќ за да го развијат рударскиот сектор.

Илјадници македонски граѓани се вакцинираа против коронавирусот во Србија, а весникот Блиц пишува каде нивниот сертификат го олеснува патувањето, но и каде може да се јават проблеми. 

Извесен Славиша за весникот објаснува дека заминал во Франција, но ниту неговиот, ниту баркодот од сертификатот на неговата сопруга не е вчитан, и не се работи за грешка, туку тој не важи во странство. 

Апаратот кој го чита баркодот кој е вакцинира, а кој не, во Париз не може да го вчита нашиот зелен сертификат издаден во Србија. Еве во Париз не можам никаде да влезам, иако имам сертификат за вакцинација. Оваа ситуација доведува во проблеми многу наши државјани. Не можеме да влеземе во продавници, ресторани, метро, апсолутно никаде, вели тој. 

Но, овој човек е на одмор  и не сакал да се занимава со документи. Сепак, тој не е единствен. На социјалните мрежи и други граѓани се пожалиле на проблеми. 

Блиц од Канцеларијата за ИТ дознал дека има проблем со вчитување на баркодот од српскиот зелен сертификат затоа што Србија не е членка на ЕУ. Различни се уредите за земјите од ЕУ, а поинакви се оние за читање на сертификати и баркодови од Србија и другите земји. Но, велат дека и тоа не е усогласено и дека истиот проблем може да се јави и меѓу земјите кои се членки во ЕУ. Додаваат дека најважното е дека српските сертификати може да се користат во странство, но важно е да има обични читачи. 

Но, Славиша вели дека ваквите читачи ретко каде ги има, и затоа ова решение не може да помогне за нив. 

Блиц наведува дека ковид сертификатот од Македонија е прифатен во ЕУ, а за другите земји од регионот, процесот е во тек. Додаваат дека македонскиот сертификат ќе бидат прифатен како и другите во ЕУ, а  за другите земји од Западен Балкан процесот трае. 

Со цел намалување на ефектот на „Урбаните топлотни острови“, Град Скопје во соработка со УНДП почнува со реализација на проект за изготвување и поставување заштитни стреи на девет утврдени пешачки острови низ Скопје. Поставувањето на заштитните стреи на пешачките острови ќе обезбедат заштитни сенки од топлина за пешаците и велосипедистите.

Од Град Скопје информираат дека голем дел од пешачките острови на подрачјето на Скопје, со направени претходни студии се мапирани како места кај кои има зголемен ефект на урбани топлотни острови.

Градот Скопје изминатиов период изврши мерења со користење термална камера во три дневни интервали на повеќе локации, а според резултатите утврдени се најтоплите девет точки кај кои ефектот на урбаните топлотни острови е најголем. Највисоките температури согласно мерењата на овие 9 локации се движат меѓу 50 и 55 степени целзиусови, а највисоката температура од 60,3 степени е измерена на крстосницата кај објектот на Делегацијата на ЕУ во Центар, појаснуваат од Градот.

За изработката на проектната документација, во Буџетот на Град Скопје за оваа година се превидени 10.000 евра, а за реализацијата на проектот се предвидени дополнителни 30.000 евра. 

Во јуни година најголемата плата е исплатена во секторот Компјутерско програмирање, консултантски и сродни дејности – 72.694 денари. Податоците ги објави Државниот завод за статистика. 

Понатаму следи секторот Воздухопловен транспорт – 64.764 денари, а зад нив се вработените од  Финансиско услужни дејности, освен осигурување и пензиски фондови – 49.100 денари, па Производство на останата опрема за транспорт – 47.625 денари и Производство на основни фармацевтски производи и фармацевтски препарати – 46.387 денари. 

Во јуни просечната плата во Македонија изнесувала 28.744 денари. 

Како што објави Државниот завод за статистика, просечната бруто плата  била 42.950 денари. Просечната нето плата е за 7,0 отсто повисока отколку во јуни лани, а бруто платата е повисока за 7,1 отсто.