Кога станува збор за управување со парите, многу е веројатно дека сте слушнале многу совети во текот на вашата кариера:

 „Трошете помалку отколку што заработувате“, „Започнете да штедите рано за пензија.“, „Држете се до буџетот“, се само некои од веќе утврдените мислења за управување со финансиите.

Но, има и многу заблуди, а Си -Ен -Ен претстави четири такви заблуди кои треба да се избегнат, пренесува порталот Менаџер.

Секој долг е лош

Долгот е товар, и често ни велат дека треба да се избегнува по секоја цена.

Но, постои такво нешто како „добар долг“ – долг кој има ниска каматна стапка и на крајот може да помогне да се создадат средства или дури и богатство или да се искористи за инвестирање за подобрување на бизнисот.

Идејата зад добриот долг е дека ќе донесе идна вредност што во одреден момент ќе генерира нови приходи.

Но, „лош долг“ се кредитни картички со високи каматни стапки кои можат да ве доведат до сериозни финансиски проблеми.

-Долгот со кредитни картички е една од најопасните работи, многу полоша од лоша инвестиција или штедење пари под перница – вели Мајкл Ресник, сертифициран финансиски планер и виш советник за управување со богатството во GCG Financial.

Долгот игра улога во одредувањето на вашиот кредитен рејтинг, кој заемодавачите го користат за да го проценат вашиот кредитен ризик и какви каматни стапки ќе ви бидат наплатени. Колку е подобар кредитниот резултат, толку се подобри условите, што ви заштедува пари на камата.

Изнајмување стан е губење пари

Купувањето на куќа може да ви помогне да изградите богатство бидејќи постои надеж дека со текот на времето се гради капитал. Но, не може секогаш да има финансиска смисла ако станете сопственик на куќа.

-Купувањето дом може да биде голема инвестиција на долг рок, но не е нужно прикладна за секого – вели Трина Пател, менаџер за финансиски совети во Алберт.

Процесот на купување дом доаѓа со многу однапред определени трошоци, вклучувајќи аванс и трошоци за заем, како и трошоци за хипотека, како што се разни такси, даноци на имот, осигурување и какви било поправки.

За луѓето кои планираат да живеат во одредена област само неколку години, изнајмувањето може да има повеќе финансиска смисла.

-Зошто ризикувате да изгубите пари на краток рок, а да не ги спомнуваме трошоците за трансакцијата за купување и продажба?

Во пензија ќе потрошите помалку пари

Дали ги знаете сите оние работи кои постојано ги додавате на вашата листа, „работи кои ќе ги правам кога ќе се пензионирам“? Сето тоа ќе чини.

Општо правило е дека треба да имате околу 80% од вашата годишна плата пред пензионирање. Идејата е дека нема повеќе да штедите, вашата хипотека ќе ви се исплати или ќе трошите помалку ако не работите секој ден, или така мислат повеќето луѓе.

Но, за некои, нивниот начин на живот во пензија може да биде поскап од долгогодишната работа.

„Имаме неколку клиенти кои трошат повеќе пари во пензија бидејќи конечно имаат време да патуваат или сакаат да купат дом или сакаат да им помогнат на внуците да ги финансираат студиите“, рече Чад Чејс, директор за услуги на клиентите во Garrett Investment Advisors.

Непристојно е да се зборува за пари

Многу луѓе сметаат дека зборувањето за пари е табу тема.

Но, искрено зборувајќи за пари со, да речеме, партнерот, може да ви помогне да го одредите трошење и да спречите непотребни трошоци.

„И ако имате деца, информирајте ги и научете ги како да управуваат со парите што е можно поскоро“, рече Пател.

Разговорот за пари помеѓу соработниците и вашите пријатели исто така може да биде корисен.

Разговорите за совети за лични финансии и штедење меѓу пријателите може да помогне процесот на штедење и рационализација на трошоците да изгледа помалку застрашувачки и да посочи трикови кои ќе им помогнат на сите да ги зајакнат своите финансиски основи.

-Можеме многу да научиме еден од друг кога ќе почнеме да зборуваме за пари. Кога го чувате сето тоа, не знаете што не знаете или какви опции ви стојат на располагање – заклучи Пател.

Швајцарија ги затегна условите за влез во земјата за туристите од Македонија и од Косово, кои од утре ќе можат да влезат во оваа држава само имунизирани, и тоа со една од одобрените дози.

На неимунизираните ќе им биде дозволен влез само во ситуации „на крајна неопходност“. Според Државниот секретаријат за миграција, за такви ќе се сметаат само вечно испраќање на роднини, судските повици или итните посети на претставниците на власта.

Новата регулатива нема да важи за граѓаните на Македонија и на Косово кои имаат дозвола за престој во Швајцарија.

Причината за новите мерки е влошената епидемиолошка состојба во двете балкански земји и фактот дека по летните одмори многу луѓе што се вратија оттаму дојдоа во Швајцарија со инфекција.

Ќе скокнат цените на лебот и маслото за јадење. Граѓаните ќе се соочат со нови поскапувања, пишува Фатор.

Сега има драстично зголемување на цените на пченицата на светските берзи. Цените на сончогледот на светските берзи исто така брзо растат и од компаниите кои се занимаваат со производство на масло, веќе не е можно да се издржи ни со сегашната продажна цена во Македонија. Дел од пекарниците веќе ги зголемиле цените на лебот и белите печива, а дел тоа ќе го сторат во наредниот период. Пекарниците во внатрешноста на земјата уште се со старите цени, и велат дека лебот ќе поскапе за 2 или 3 денари. Објаснуваат дека целокупниот амбиент со поскапување на брашното, горивата, и ред други работи, водат кон тоа и тие да ги зголемат цените на производите. Сето ова ќе ги „удри“ по џеб граѓаните, кои ќе мора да одвојат повеќе пари месечно за задоволување на потребите.

Порастот на просечното ниво на цени е резултат на експанзивната монетарна и фискална политика, насочени кон задржување на економскиот раст и вработеноста во услови на криза. За разлика од цените кои имаат тенденција на раст, нивото на плати и натаму останува исто. Во вакви околности, со оглед на тоа што ценовната еластичност на побарувачката за есенцијални добра, како што се лебот и маслото за јадење, е мала, порастот на цените на овие производи неминовно води кон зголемување на нееднаквоста во распределбата на доходот и продлабочување на јазот помеѓу богатите и сиромашните. Порастот на цените есенцијалните добра највеќе ги засега најсиромашните слоеви на населението и ранливите групи на граѓани. Оттука, макроекономските политики на државата треба да бидат насочени токму кон заштита на овие категории на лица, со цел подобрување на целокупното ниво на животен стандард и квалитет на живот во земјава, вели м-р. Мартин Новески, претседател на Здружение на економисти, статистичарии економетричари СИГМА СТАТ Скопје.

И претходно во неколку наврати имаше поскапување на маслото за јадење, чија цена скокна и до 100 денари. Во земјава трошоците за живот растат. Граѓаните велат дека луѓето со повисоки примања нема да ги почувствуваат поскапувањата, но за работниците со минимални плати ќе биде најтешко.

Нормално дека таа тема не засега и тоа многу. Тешко дека некој ќе ги натера газдите во приватен сектор да ги зголемат платите. Треба да се зголемат платите, или ако тоа не е можно,  да се преземат мерки цените да стагнираат, да не дојде до нивно зголемување. Цената на маслото за јадење извесно време поскапува, и тоа е  нешто најнеопходно за секое домаќинство, коментираат граѓаните.

Трошоците на животот во август годинава се за 0,6 отсто повисоки во однос на јули 2021, а цените на мало скокнале за 0,4 проценти. Споредено со август 2020 година, пак, трошоците на животот имаат зголемување од 3,6 отсто, а цените на мало за 4,9 проценти.

Како што објави Државниот завод за статистика, поскапување има кај свежиот и разладениот зеленчук, освен компирите и другите коренести плодови за 15,8 отсто, сирењето и урдата за 1,1, месото за 0,9, лебот и житата за 0,7, млекото за 0,6, шеќерот, џемот, медот, чоколадата и кондиторските производи за 0,3, како и прехранбените производи, неспоменати на друго место, жестоките пијалаци за 0,2 отсто. Во јуни просечната плата во Македонија изнесувала 28.744 денари.

Претседателот на Стопанската комора за енергетика на Македонија, Ѓорѓи Манасков, прогласи енергетска вонредна состојба во државата и побара од државата веднаш да реагира за да се спречи енергетска и финансиска криза. – Со месеци наназад јас апелирам дека имаме сериозен проблем со набавката и продажбата на струја. Компаниите кои се лиценцирани за снабдување со електрична енергија не очекувале дека ќе има нагло зголемување на цената на електричната енергија на светските берзи. Тоа придонесе снабдувачите да имаат сериозни загуби на дневно ниво кои се принудени да ги раскинуваат договорите кои ги имаат склучено со компаниите и граѓаните, бидејќи договорената цена е значително пониска од цената по која сега ја набавуваат струјата на берзите, изјави за ВЕЧЕР, Манасков

Доколку Владата во наредните 10 до 15 дена не преземе сериозни чекори и не го реши проблемот со набавката на електрична енергија, може да дојде до сериозна енергетска и економско-финансиска криза. Од Стопанската комора за енергетика на Македонија предупредуваат дека ситуацијата е крајно сериозна поради наглото зголемување на цената на електрична енергија на берзите кое може да доведе до зголемување на цената на струјата за граѓаните и компаниите, банкрот на снабдувачите со електрична енергија, па дури и до прекин на електричната енергија во државата.

Претседателот на Стопанската комора за Енергетика на Македонија, Ѓорѓи Манасков, прогласи енергетска вонредна состојба во државата и побара од државата веднаш да реагира за да се спречи енергетска и финансиска криза.

-Со месеци наназад јас апелирам дека имаме сериозен проблем со набавката и продажбата на струја. Компаниите кои се лиценцирани за снабдување со електрична енергија не очекувале дека ќе има нагло зголемување на цената на електричната енергија на светските берзи. Тоа придонесе снабдувачите да имаат сериозни загуби на дневно ниво кои се принудени да ги раскинуваат договорите кои ги имаат склучено со компаниите и граѓаните, бидејќи договорената цена е значително пониска од цената по која сега ја набавуваат струјата на берзите, изјави за ВЕЧЕР, Манасков.

Според него, потребно е Владата веднаш да реагира и да прогласи енергетска вонредна состојба со цел да се реши проблемот со набавката на електрична енергија. Во спротивно тој предупреди дека може да дојде до економска криза бидејќи граѓаните ќе плаќаат струја повисока од платата што ја земаат, лиценцираните снабдувачи ќе банкротираат, а државата ќе остане без електрична енергија.

Манасков додава дека со оглед на фактот дека цената на струјата се очекува да се покачи за уште 3 до 5 пати, граѓаните кои плаќале месечна сметка за струја од 2.000 денари, ќе плаќаат 10.000 денари.

И претседателот на Групацијата на мелничко-пекарската индустрија при Стопанската комора на Македонија, Горан Малишиќ рече дека цената на индустриската струја на отворениот пазар во последните два месеца се зголеми за 100 отсто. Тоа предизвика зголемување на цената на брашното за 10 отсто, а до крајот на месецов се очекува и ново зголемување од 10 до 20 отсто, а тоа ќе повлече и зголемување на цената на лебот, белите печива и на другите производи.