Промовирани огласи »

На денешната 130-та седница, Владата донесе измени и дополнувања на Уредбата за критериумите и условите за прогласување кризна состојба во случаи на временски и природни непогоди, хаварии и нарушувања на пазари на електрична енергија, начинот на снабдување со електрична енергија во кризна состојба, мерките што се преземаат, како и правата и обврските на носителите на лиценци за вршење на електроенергетски дејности.

Со предложените измени, во услови на кризна состојба се овозможува ЕВН ХОМЕ да не набавува електрична енергија од повластените производители на електрична енергија коишто користат обновливи извори на енергија со што се намалуваат трошоците за набавка на електричната енергија на ЕВН ХОМЕ затоа што енергијата наместо од повластените производители ќе се обезбеди преку АД ЕСМ Скопје по пониски цени со што се намалуваат факторите кои влијаат на висината на цената на струјата за крајните корисници.

Дополнително, имајќи ги предвид високите цени на електрична енергија на отворениот пазар на електрична енергија, количините на електрична енергија од повластените производители ќе се распределат кај сите останати снабдувачи и трговци.

Со тоа ќе се зголеми делот од електричната енергија од повластените производители во вкупното портфолио на снабдувачите и трговците, и тие ќе имаат финансиска корист затоа што просечната цена на електричната енергија од повластените производители во тековниот период е значително пониска од цената на електричната енергија на отворениот пазар.

На оваа своја седница Владата ја донесе Програмата за финансиска поддршка за производство на електрична енергија од повластени производители кои користат премија за 2022 година.

Програмата ја уредува вкупната инсталирана моќност на електроцентралите по вид на технологии за кои ќе се доделува премија по спроведена тендерска постапка и склучени договори за користење на премија во 2021 година и износот на средствата потребни за исплата на премиите за произведената и продадена електрична енергија во 2022 година.

Корисници на средства од оваа програма се производителите на електрична енергија коишто во согласност со Законот за енергетика се стекнале со право на користење на премија.

За реализација на оваа програма се обезбедуваат 20.000.000,00 денари и кои се утврдени во Буџетот на Република Северна Македонија за 2021 година. Средствата на оваа програма се доделуваат врз основа на договори за користење на премија склучени помеѓу Министерството за економија и корисникот на средствата, коешто е одговорно и за начинот и динамиката за реализирањето на оваа програма.

Владата донесе Одлука со која се утврдува статус на стратешки инвестиционен проект на проектот „Фотоволтаични електрани во Јамуларци и Скандалци” на Друштвото за производство и промет со електрична енергија од обновливи извори „ПРОМАРК ЕНЕРЏИ ДООЕЛ” Скопје.

Фотоволтаични електрани во Јамуларци и Скандалци се со вкупен капацитет од 280 мегевати, а вредноста на инвестицијата изнесува 184 милиони евра.

Промовирани огласи »

Доколку патувате во Германија, во оваа земја се воведуваат нови мерки поради ширењето на омикрон. 

Tие ќе стапат на сила на целата територија на Германија во вторник. Во целата држава важи правилото за собирање најмногу на десет лица, не сметајќи ги децата до 14 години. Ова важи без разлика дали се вакцинирани или невакцинирани.

Ако меѓу овие лица има невакцинирани лица, тогаш важи правилото дека насобраните можат да бидат едно домаќинство, а најмногу две лица кои припаѓаат на друго домаќинство.

Од вторник се одржуваат спортски настани пред празни трибини. Собири на отворено се дозволени до 200 луѓе само со примена на дозвола за пристап на вакцинирани или оние кои го прележале вирусот. Истото важи и за културните настани како кино или театар.

Од денеска се затворени и сите клубови и дискотеки со исклучок на сојузните покраини Берлин и Хамбург. Овде се дозволени клубови, но танцувањето е забрането. Наместо тоа, дозволени се културни настани како изложби или литературни собири.

Омикрон зема сериозен замав во Европа. Тој веќе доминира и кај јужниот сосед. 

Во новата 2022 година се очекува овој сој да доминира во Европа. 

Промовирани огласи »

Кога работите во корисничка поддршка, знаете дека одговарањето на телефонски повици е ваша основна функција. Вие обично сте ангажирани за вашите силни комуникациски вештини.

Иако може да изгледа лесно и едноставно самото јавување на телефонот, но одговарањето на професионални повици многу се разликува од одговарањето на лични повици.  Често може да дојдете во ситуација случајно да разговарате со вашиот клиент како што би разговарале со вашата најдобра пријателка или мајка.

1. Одговорете на повик во најкраток рок

Ако вашата позиција подразбира да бидете секогаш достапни за повикувачите, всушност треба да бидете достапни. Тоа значи да останете фокусирани и веднаш да одговарате на повиците. 

2. Претставете се

Кога ќе се јавите на телефон претставете се.  Вашиот клиент ќе биде пречекан со топлина, што ќе поттикне позитивен почеток на вашиот повик.

3. Зборувајте јасно

Телефонските повици може да бидат одлична опција за оние кои не сакаат директна интеракцијата во лице, но истите бараат силни комуникациски вештини, бидејќи личноста од другата страна на линијата не може да го идентификува вашиот говор на телото и вашата љубезна насмевка.

4. Активно слушајте и запишувајте

Од суштинско значење е активно да ги слушате вашите клиенти во текот на разговорот. Активното слушање значи да се слушне сè што имаат да кажат. Ова им докажува на вашите клиенти дека сте присутни и дека сте сочувствителни за нивните проблеми и потешкотии.

5. Користете професионален јазик

Очигледна е клучната разлика помеѓу професионалните и личните телефонски повици - јазикот. Можеби е прифатливо да користите сленг и пцовки кога разговарате на телефон со вашите пријатели, но овој вид на јазик може да предизвика да изгубите клиент засекогаш. Во ред е да се внесе хумор доколку е соодветно, но никогаш не правете шега што може да го вознемири клиентот.

Промовирани огласи »

Од денеска се ставени во функција ноќните линии на Јавното сообраќајно претпријатие Скопје и тоа со 11 автобуски линии: 2, 5, 7, 22, 24, 41, 50, 57, 61, 63 и 65Б.

Воведувањето на ноќни линии е почеток на промените за подобар јавен градски превоз што е дел од програмата на раководството на ЈСП и на Градот Скопје.

 На овој начин за скопјани се обезбедува јавен превоз и за време на ноќните часови, што беше укинато како опција од минатото раководството на Градот пред две години, велат од Град Скопје. 

Автобуските линии 2, 22, 24, 41, 57 и 65Б, ќе сообраќаат секој ден, а преостанатите ќе бидат во функција во деновите од викендот или комбинирано, како и за време на празниците.

Сите детали за возниот ред и трасите на ноќните линии се веќе достапни на веб страницата на ЈСП Скопје. 

Повеќе вести...
барај огласи за вработување » барај останати огласи »